Posted on April 21, 2014 by Jahongir Muhammad
Tug’ilgan kun
SAVOL: Yoshlar mazusini davom ettirishingiz meni xursand qildi. Lekin yoshlarning chetga chiqib ham ko’p hollarda o’zgarmayotgani meni tashvishga soladi. Shu haqda batafsilroq to’xtalsangiz. (Zokir).
JAVOB:Kecha Jamshid degan ukaxonimizning va uning qayni-ukasi Sarvarning tug’ilgan kunini nishonladik. Ular ikki kun farq bilan tug’ilgan bo’lsalarda bir vaqtda bayramlashishga qaror berishibdi. Ziyofatda bundan besh yil oldin ko’rganim bir yigit ham bor edi.
-Siz O’zbekistonga ketmaganmidingiz?-deb so’rayman undan.
-Yo’q… shu erdaman… xizmatchilik… yuribmiz,-dedi u g’amg’in ovozda.
Bu yigit juda yaxshi esimda qolgan. Besh yil oldin u o’zi kabi besh tengdoshi bilan birga ayni uyda ijarada turardi. Bir kun mehmonga chaqirishdi. O’shanda hamma joyda asosiy mavzu Andijon voqealari edi. Lekin bu yigit gapga aralashmay, faqat kinoyali bosh siltab o’tirgani diqqatimni tortdi. U diplomatiya oliygohini bitirib kelgan va jim o’tirishi noodatiy edi. Uni gapga tortdim. Qarasam, u bizni vatan xoini, deb hisoblar ekan va O’zbekistondagi rejimni jon-jahdi bilan oqlashga urina boshladi. Continue reading →
Filed under: Savob so'qmog'i | Tagged: Jahongir Mamatov | Leave a comment »
Posted on April 19, 2014 by Jahongir Muhammad
Sherzod va Nodir
SAVOL: Bugungi yoshlar degan mavzuni davom ettira olasizmi?(O’tkir).
JAVOB: Martin Buren(Martin Buren), Uilyam Harrison(William Harrison), Millard Filmor(Millard Fillmore), Uilyam Taft(William Taft), Uarren Harding(Warren Harding), Chester Artur(Chester Arthur)…
Bularning kimligini bilasizmi? Bilmasangiz xafa bo’lmang, chunki ularning kimligini oddiy amerikaliklarning ko’pchiligi ham bilmaydi. Vaholanki, ular Amerikada prezidentlik qilgan 44 kishidan ba’zilari.
Amerikalik odamlar eslamaydigan bu odamlarni nega gapirib qolganimga ajablanayotgan bo’lsangiz kerak. Chunki ularni men ham bilmasdim.
Dushanba kuni Amerikada Prezidentlar kuni edi. Bu umummilliy bayram. Ishga bormadik. Ammo shu bayram bahonasidagi bir yig’inga bordim. U yerda ham ularni eslashmadi. O’sha biz otlarini eshitaverib bilib qolganlarimizni xotirlashdi.
Qolganlarning Amerika tarixida xizmatlari kam bo’lganki, eslashmaydi ham.
Shu yerda ikki o’zbek yigiti bilan tanishdim. Sherzod va Nodir. Ular Toshkentda oliygohni bitirib, AQShda ilmlarini davom ettirishayotgan ekan. O’zbekcha gapirayotganlari diqqatimni tortib, gaplashib qoldik. Cho’chitmaslik uchun o’zimni tanitmay turdim. Tanaffusda birga choy ichib, suhbat qurdik. Continue reading →
Filed under: Savob so'qmog'i | Tagged: Jahongir Mamatov | Leave a comment »
Posted on April 18, 2014 by Jahongir Muhammad
Diktatorlar dekadasi
SAVOL: Bu yildan qoniqdingizmi? Kelajakda bizlarni nima kutmoqda? (Zafar).
JAVOB: Garchi 2010 yilning so’nggi kunlari bo’lsada, tugayotgan yil haqida gapirmoqchi emasman, chunki undanda muhimrog’i bor. Bu esa 21 asrning ilk o’n yilligi bitgani va bu dunyoda diktatorlar dekadasiga aylanganidir.
Agar jiddiy va favqulodda odimlar otilmasa, radikal siyosiy tadbirlar ko’rilmasa, shu ketishda 21 asr va umuman dunyoning kelajagi diktatura, yakkahokimlik g’alabasi, erkinliklar butunlay bitgan manzilga aylanib qolishi mumkin.
Albatta, bu o’n yillik davomida diktaturalar kuchlanishi va demokratiya qaror topgan davlatlarda erkinliklar cheklanishi o’z-o’zidan bo’lgan emas. Sababsiz oqibat bo’lmaydi. Ayniqsa, terrorizmning kuchayishi erkinliklar cheklanishida salmoqli o’rin tutdi. Continue reading →
Filed under: Savob so'qmog'i | Tagged: Jahongir Mamatov | 3 Comments »
Posted on April 17, 2014 by Jahongir Muhammad
Turgan bitgani siyosat
SAVOL: Jahongir aka, bitta savolim bor edi. Siz o’zingiz aytgandek faol siyosatni tashlab ketgansiz. Bu siyosatdan uzoq turaman degani. Agar hamma shunday qilib o’zini siyosatdan chetga olsa, kelajagimiz nima bo’ladi? (E’tibor).
JAVOB: Bu haqda yozganimda faol siyosatdan ketganimni aytgandim. Bunga ham bir yildan oshdi. Bu degani biror-bir tashkilotga a’zo emasman, biror tashkilot safida turib siyosat yurgizmayman degani. Bu qadar oddiy. Bugun ham fikrimda sobitman. Lekin o’shanda yozganimdek, bu degani siyosatdan butunlay ketdim degani emas.
Hayotning o’zi siyosat, har bir aytilgan gap siyosat. Buning ustiga o’z mustaqil qarashingiz va o’z mustaqil pozitsiyangiz bo’lsa, unda har bir aytgan so’zingiz ham siyosatdan iborat bo’ladi. Continue reading →
Filed under: Savob so'qmog'i | Tagged: Jahongir Mamatov | 18 Comments »
Posted on April 16, 2014 by Jahongir Muhammad
Юрак тутилиши
-Бу ёғи жуда оз қолибди, тиббий васиятнома ёзиб қўйишни ҳaм унутманг,- деди докторим қўлидаги анализ натижаларига қараб.
“Тиббий васиятнома” дегани ўлгандан кейин синовлар ёки фойдаланиш учун вужуднинг турли қисмларини парчалаб олишларига рухсатнома дегани. Истаган одам ёзади, истамаган йўқ. Мол-мулк ҳақида ҳам васиятнома ёзиб қўйиш керак. Бўлмаса ҳамма нарса ҳукуматга ўтиб кетади.
Америкада докторлар шунақа, юзинг-кўзинг демасдан шартта айтади, қўяди.
Гап докторлар ҳақида эмас, юрак ҳақида. 1986 йилга қадар бу борада ташвишсиз эдим. Ўшанда илк бор кўкрагимда оғриқ пайдо бўлганда “Касалхонага ётиш керак”, деди доктор. Continue reading →
Filed under: Бошқа дунё | Tagged: Jahongir Mamatov, yurak | 3 Comments »
Posted on April 15, 2014 by Jahongir Muhammad
Xor bo’lgan san’at
SAVOL: Siyosatga aloqasi bo’lmagan bir narsa so’ramoqchiman, Amerika filmlarini yoqtirasizmi yoki hind filmlarinimi?(Kamola).
JAVOB: Bolalikdan hind filmlarini tomosha qilib ulg’ayganmiz. Amerikaga kelib ham Bollivudda chiqqan har bir filmni ko’rishga harakat qilaman. Bugun chiqayotgan filmlar oldingilaridan mutloq farq qiladi. Hozir hindlar filmlarga katta ijtimoiy, siyosiy va madaniy muammolarni yuklashga intilmoqdalar va bu ularni dunyoda birinchi o’ringa olib chiqmoqda. Masalan, “Bog’bon”, “Ashok”, “Qafas”, “Dev” filmlari kabi klassik bo’lib qoladigan asarlar yaratishmoqda. Hind filmlari hali Hindistonda namoyish etilmasdan Amerikaga etib keladi va ularni uyda tomosha qilish imkoniyati juda ham qulay. Continue reading →
Filed under: Kundalik, Savol-Javob | Tagged: filmlar, Jahongir Mamatov | 2 Comments »
Posted on April 2, 2014 by Jahongir Muhammad
-1-
Kimgadir eshikni ochar ekansan, bir kuni u eshigingni qarsillatib basharangga urib ketishi yoki to’satdan tepib kelishi uchun imkoniyat bermaslikni ham nazarda tutishing kerak.
-2-
Agar Amerikada ham yo’lingni topolmasang, demak bu dunyodan yo’lsiz o’tib ketasan.
-3-
Fohish erkaklari qanchalik ko’paygan sari o’sha jamiyatning fohishalari ham shunchalik ko’payadi.
-4-
Xayriyatki, Karimov hokimiyat tepasiga Muammar Qaddafi kabi 27 yoshida kelmagan. Continue reading →
Filed under: Fikrlar | Tagged: Jahongir Mamatov | 3 Comments »
Posted on March 29, 2014 by Jahongir Muhammad
Билвосита қурбонлар
Агар кулгидан умр узоқ бўлганда қизиқчилар энг кўп яшаган бўлардилар. Шундай дейману ёдимга раҳматли Ҳожибой Тожибоев келади. У гапираётганда деярли кулмасди, юзида қандайдир тажанглик аломатларига ўхшаш бир ҳолат бўларди.
Юз қалбнинг зоҳири. Соддалаштирадиган бўлсак, юз қалбнинг ботинида бўлган ҳолатни зоҳирга уради. Демак, Ҳожибой Тожибоевнинг қалбида доим қандайдир азоб, қандайдир дард бўлган. Шунинг учун ҳам у яйраб кула олмаган. Continue reading →
Filed under: Fikrlar, Kundalik, Maqolalar | Tagged: Jahongir Mamatov | 1 Comment »
Posted on March 23, 2014 by Jahongir Muhammad
Ўзини топган одам ўзини йўқотиб қўйишдан қўрқади
“Адабиёт инсон тафаккурини шакллантиради ва уни ҳурликка етаклайди” дейишади. Ундай бўлса, адабиётимиз ўз вазифасини бажара олмади.
Шунинг учун ҳам адабиётимиз ундай, адабиётимиз бундай деган мақотовлардан тийилмоқ керакмикан?!
ХХХ
Kатта ҳўкизнинг йиқилиши қассобнинг белини синдириши, атрофдагиларнинг ўтакасини ёриши мумкин.
XXX
Ўзини топган одам ўзини йўқотиб қўйишдан қўрқади.
ХХХ
Мендан қўрққанлардан мен ҳам қўрқаман. Continue reading →
Filed under: Fikrlar | Tagged: fikrlar, Jahongir Mamatov | 4 Comments »
Posted on March 17, 2014 by Jahongir Muhammad
Глобал совиш
Вашингтонда қишни ҳам 15 марта кўрдик. Лекин бу галгиси бошқаларига ўхшамайди. Узоқ, совуқ, қаҳратон, изғирин, қор, муз… йилнинг ярмини олди.
Ўтган йилнинг октябрида бошлаган ва бу йилнинг наврўзида ҳам битмаган.
Бугун ҳам қор қоплаган.
Казо-казолар Глобал исиш ҳақида кўп гапиришади. Ҳатто Ал Горе деганлари бу ҳақда гапиравериб Нобел мукофотини ҳам олди.
Лекин Глобал исиш ‘мас, Глобал совиш юз бермоқда. Балки глобал совишнинг номи Глобал исишдир?
Чунки бугун дунё ўзгарди: ёлғонни рост, аҳмоқни доно, золимни одил, ўғрини тўғри, ўқимишлини гостербайтер, яхшиликни ёмонлик, ёмонликни яхшилик дейдиган бўлинди… Continue reading →
Filed under: Kundalik | Tagged: Jahongir Mamatov, qor, siyosat | 1 Comment »
Posted on March 14, 2014 by Jahongir Muhammad
Bu surat 1990 yilning bahorida Namangandagi saylovoldi uchrashuvlaridan birida olingan. Minbarda Dadaxon Yoqubov (chapdan birinchi) va Jahongir Muhammad (chapdan uchinchi).
Novdalar
1990 yilning 18 fevralida O’zbekiston Oliy Kengashiga saylovlar bo’lgandi.
Demokratiya shamoli bor edi. Shuning uchun ikkinchi turga qolganlar yoki saylanolmaganlar o’rniga yangi nomzodlar chiqishi kabi hollar ham bo’lgan. Birinchi turda muqobil asosda saylangan edim. Tanishlarimdan ikkinchi turga qolganlar yoki yangi nomzod bo’lganlar birgalikda ularning saylov okruglariga borishni so’rashardi. Yangi deputatman, hammasiga ulgurish mumkin emas. Faqat 2-3 tasiga boroldim, xolos. Shulardan biri do’stim Dadaxon Yoqubov saylanayotgan okrug edi. Uning nomzodi Namangandan ko’rsatilgandi.
Dadaxon bilan ToshDUning jurnalistika fakultetida o’qiganimizdan beri tanish edik. Biz aslida ikki dunyoning odamlari edik. Xarakter va hayot tarzimiz bilan. Lekin bizni ruhiyatdagi yaqinlik bir-birimizga tortib turardi. Oramizda qandaydir ijodiy musobaqa ham bor edi. Continue reading →
Filed under: Suratlar tarixi | Tagged: dadaxon yoqubov, Jahongir Mamatov | Leave a comment »
Posted on March 12, 2014 by Jahongir Muhammad
Yo’qolgan Turkiston
O’zbekiston televideniyesiga ishga kelishim bilan bir necha yangi dasturni boshlatgandim. Shulardan biri “Turkiston” siyosiy-ommabop axborot dasturi edi. Buni oldindan orzu qilgandim. Shu yo’l bilan Turkiston xalqlarini bir-biriga yaqinlashtirish, qardoshlik rishtalarini mustahkamlashga hissa qo’shmoqchi edim.
Dasturni darhol yo’lga qo’yish uchun Axborot bo’limidagilarga fikrlarimni aytdim. Uni jonli ravishda uzatishni lozim topdik.
Turkiston xalqlari hayoti bilan bog’liq juda qiziq va juda dolzarb xabarlar, videotasmalar to’plandi. Ularni tartibga keltirishdi. Dastur chizmasi tayyorlanganini aytishgach, mashq variantini ko’rmoqchi bo’ldim. Continue reading →
Filed under: Suratlar tarixi | Tagged: Boymirza Hayit, Jahongir Mamatov | Leave a comment »
Posted on March 10, 2014 by Jahongir Muhammad
Bugunning so’zi: JILMAY TUR!
O’zbekistondagi amaldorlarning xorijga chiqish erkinligi cheklanibdi!
Qoyil!
Inqiloblarda qon to’kilsa, AQSH va Avropaning diktaturalarga qarshi bittayu bitta quroli bor edi. U ham bo’lsa mansabdorlarning safarini cheklovchi sanksiyalar.
IAK buni ham ularning qo’lidan olibdi!
Balki mansabdorlar inqilob qilamiz deb qoldilaru IAK ularga sanksiya qo’ydimi? Bu endi latifa. Latifa bo’lganda ham jilmaytirmaydigan latifa! Continue reading →
Filed under: Fikrlar | Tagged: Jahongir Mamatov | Leave a comment »
Posted on March 9, 2014 by Jahongir Muhammad
E’TIQOD
E’tiqod kurash quroli, yashash uchun, hayot uchun, kurash uchun kurash quroli.
E’tiqodsiz odam o’rmon jonzoti.
E’tiqodli odam xafli odam, e’tiqodsizlar uchun.
E’tiqod uchun sevmaydilar…
E’tiqod uchun qopadilar, qamaydilar, o’ldiradilar…
E’tiqod qancha-qancha gunohsizlarning qotili. Continue reading →
Filed under: Fikrlar | Tagged: Jahongir Mamatov | Leave a comment »
Posted on March 7, 2014 by Jahongir Muhammad
НЕТТИМ МЕН?
Боз ухлаб қолибман ёр қўлларингда,
Кўзингда дард алам
Зулмат, қоронғу,
Югуриб юрибман қум, йўлларингда,
Изингда не қадам,
Менга қоронғу.
Сочларинг тарасанг тош тароғингда,
Толаман…
Саргардон…
Ҳўп, ҳайда, ҳайда. Continue reading →
Filed under: she'rlar | Tagged: Jahongir Mamatov | Leave a comment »
Posted on March 5, 2014 by Jahongir Muhammad
УЙҚУ ИПИ
Осмонга айландим,
Бағримни ёндирди Қуёш,
Уммонга айландим,
Кўксимни тўлдирди кўз ёш,
Заминга айландим,
Кафтимда қабрлар зил тош,
Инсонга айландим…
Чеврамда одамлар бе бош!
ХХХ
Осмон бўлолмадим,
Бағримни ёндирди Қуёшим.
Уммон бўлолмадим,
Кўксимни тўлдирди кўз ёшим.
Замин бўлолмадим,
Кафтимдан тушмади зил тошим.
Одам бўлолмадим,
Continue reading →
Filed under: Kundalik, she'rlar | Tagged: Jahongir Mamatov | Leave a comment »
Posted on March 4, 2014 by Jahongir Muhammad
Майдон кўкка кўтарилган, бургут эса ерга йиқилган кун
-Нега кўз ёш тўкаяпсан?-деб сўради Бургут оқаётган ирмоқни кўрсатиб.
-Бу кўз ёши эмас, бу сенинг панжангдан оқаётган қон,-дея жавоб қилди Майдон.
Жаҳлдор Бургут Майдонни тортқилаб кўкка кўтарилди. Бирдан бўрон турди. Майдон айланиб кўкка кўтарилиб кетди, Бургут эса ерга қулади.
…Кеча телевизорни қарасам, АҚШнинг мухбирларию шарҳловчилари Украина ҳақида гапирарканлар “Майдон”, “Бургут” деган калималарни тинмай ишлатардилар. Таржима қилиб эмас, ўз ҳолида. Фақат “Майдон”ни “Майдан”, “Бургут”ни “Беркут” дейишмоқда. Сўз тилдан тилга, авлоддан авлодга ўзгаради. Ота-боболаримиз “Берқут” дейишган, биз “Бургут” деймиз.
Майдон форсий калима. Биз “чой”ни ўзбекча дегандек бу сўзни ҳам ўзбекча деймиз ва хато қилмаймиз. Чунки сўз тарихи, этимологияси билан бошқаларга оид бўлиши мумкин, аммо уни ишлатганлар унинг ҳокимидирлар. Демак, инглиз тили ҳам икки сўз ҳисобига бойиди. Аминманки, тез орада бу сўзлар инглизча луғатларга ҳам киритилади. АҚШда тилда ишлатилган янги сўзларни ҳар йилнинг охирида луғатларга киритиш анъанаси бор. Continue reading →
Filed under: Тил | Tagged: Jahongir Mamatov, til | Leave a comment »
Posted on January 27, 2014 by Jahongir Muhammad
Prezident tansoqchisining kundaligi
9.Apachi
Bo’lgan voqeadan shok holga tushgandim. Qo’rqqanim yo’q, ammo hayron edim. Hayronligim voqedan ham ko’proq adam haqida. Nahotki u shunday katta ishlarning ichida.
-Tush mashinadan,-dedi adam va kalitni bizni kuzatib kelganlarga berdi.
-Piyoda ketamiz.
-Ada, boya qaysi tilda gapirdingiz?
-Navoiyning tilida. ”Hayratul Abror” degan kitobidan olganmiz bu kodlarni. Mana kodlar, mana bu erda yozilgan hammasi, ertalabgacha yodlab ol, kitobchani qaytib berasan. Continue reading →
Filed under: Oltinchi qavat | Tagged: Jahongir Mamatov, тансоқчи, prezident tansoqchisi, soqchi | 1 Comment »
Posted on January 18, 2014 by Jahongir Muhammad
Prezident tansoqchisining kundaligi
7. Go’rkov
Kostyum-shimda edim. Prezident׃
-Meni himoya qilish kerak bo’lsa hamma ishni tashlab oq ko’ylak-oq ishton qidirasanmi? Avval biroz raqsga tushib badaningni qizdirib olasanmi? Yo’q, sen chaqmoq bo’lishing kerak. “Qars” etdimi sen ham qarsillashing kerak!-dedi.
Shundan keyin u yerdagi bolalar bilan “it-mushuk” bo’lib sakrab-sukrab turgandik semiz, pakana bir kishi kirib keldi. Uning orqasidan ergashgan yigitning aqqol chiniqqanini har qanday odam ham sezishi mumkin. Ammo uning kungfuni o’rganganini hamma ham seza olmaydi. Kungfu bilgan odam o’ng oyoqni og’irroq va chap oyoqni yengil tortadi. Uning “salomi” bitta oyoqda turib, bittasini tepaga ko’tarib, qo’l barmoqlarini changalga aylantirib ikki tomonga uzatishdir. Demak, “it-mushuk”dan “sher va qoplon” jangiga o’tamiz… Continue reading →
Filed under: Oltinchi qavat | Tagged: Жаҳонгир Маматов, Олтинчи қават, Jahongir Mamatov | Leave a comment »
Posted on January 16, 2014 by Jahongir Muhammad
Prezident tansoqchisining kundaligi
6. Avliyo
Yoshing ketaversa yosh bola bo’lib qolasan, degan gapni eshitgandim. O’zim yosh bolaman. Lekin mana bu Prezident ham yosh bola bo’lib qolganga o’xshaydi. Bo’lmasa shunaqa gaplarni aytadimi, deb o’ylab tursam jiddiy savol berib qoldi:
-Qanaqa moshinni yaxshi ko’rasan?
Bo’ynimni qisdim.
-Bilaman! “Be-em-ve”, “besh eks”,-dedi o’zi.
Bu mashina kimning ham orzusi emas. Yosh bola bormi mashina markasiga qaraydi, yuragi o’sha mashina balonining aylanishi bilan barobar yuguradi. Lekin bu odam hamma narsani qayoqdan bilayati? Adamning gapi rost chiqdi. ”Unga yolg’on gapirma, u hamma narsani biladi” degandi. Continue reading →
Filed under: Oltinchi qavat | Tagged: Жаҳонгир Муҳаммад, Олтинчи қават, Jahongir Mamatov | Leave a comment »
Posted on January 13, 2014 by Jahongir Muhammad
Prezident tansoqchisining kundaligi
5.Soya
Prezidentning ishxonasi oltinchi qavatda ekan. Bizni lift yonida qarshi olgan ikki kishi adamga “chest” berib menga havas bilan qarashdi:
-Shef o’g’lingiz ham o’zingiga o’xshar ekan…,-dedi bittasi.
-O’g’lim bo’lgani senga uni tekshirmaslik uchun asos bo’ladimi?-Adam jiddiy ohangda so’radi.
Haligi odam shoshib qoldi va darhol meni siypalab tekshirib chiqdi. Keyin “bo’ldi” degandek yelkamga urib qo’ydi.
“Hammaning yelkasiga urib qo’yasanmi?” degandek adam unga o’qrayib qaradi.
Oyoq ostiga qip-qizil gilam to’shalgan. Nazarimda meni tekshirgan odamning yuzi ham shu gilamdek qizarib ketdi. U adamdan qo’rqar ekanmi yoki uyaldimi bilib bo’lmasdi. Continue reading →
Filed under: Kundalik | Tagged: Ўзбекистон, Жаҳонгир Муҳаммад, Jahongir Mamatov, oltinchi qavat | Leave a comment »
Posted on January 10, 2014 by Jahongir Muhammad
Prezident tansoqchisining kundaligi
4.Sinov
Ham oliygohdagi ham bu yoqdagi darslarga qatnab yursam to’satdan sinovga chaqirib qolishdi.
-O’zingni ko’rsat, muhim odam tomosha qivotti,-dedilar adam.- Bu sen uchun ham, men uchun ham hayot-mamot masalasi.
Atrofga qarasam Adam va yordamchilaridan boshqa odam yo’q. Keyinchalik bildimki, o’shanda bo’yalgan derazaning ortida MXX raisi va “SP” rahbari o’tirishgan ekan.
Bir karate ustasi bilan maydonga tushirishdi. Govdasi beso’naqay kishi. Soqoli o’sgan, ko’zlari kirtaygan. Qo’llarining mushagi ko’ylagini yirtay deb turibdi. Basharasini qora bulut qoplagandek. Qoshini chimirib olganmi yoki o’zi shunaqami ko’zlari bilan qo’shilib ketganga o’xshaydi. Beli biroz ingichkaroq, ammo oyoqlari filnikidek baquvvat.
Usta Vunning o’rgatgani bo’yicha raqibimni bir zum zohiran o’rgandim, keyin botiniga nazar solishga urindim. Ko’zi g’amgin. Ichi to’la dard. Xuddi yomon haqorat eshitib, javoban baqiraverib po’tiqib ketgan kishidek ko’z tomirlari yorilgani sezilib turibdi. Continue reading →
Filed under: Oltinchi qavat | Tagged: Jahongir Mamatov, oltinchi qavat | 1 Comment »
Posted on January 8, 2014 by Jahongir Muhammad
Prezident tansoqchisining kundaligi
3.Adam
Biz “dada” degani samarqandcha, tojikcha, “ada” degani toshkancha, o’zbekcha deb bilardik. Bu miyamga quyilib qolgan. O’chirsam ham o’chmaydi. O’lgunimcha ham “ada” desam kerak. Zotan tilim ham “dada”ga aylanmaydi, “ada” degani o’z-o’zidan chiqib ketaveradi.
Adam botiniy ko’rinishi bilan Prezidentga juda o’xshaydi. “Ichimdagini top” deydigan odam. O’zini hammadan aqlli deb hisoblaydi. Eng mukammal narsadan ham kamchilik topishga urinadi. Rost bilan yolg’onni ajrata olmaydi. Hamma gapni yolg’on deb o’ylaydi. Jahli chiqsa oylab gaplashmaydi. Qachonki o’zing pushaymon bo’lib, bosh egib borsang, “Bo’pti” deb qo’yadi. Oyimning bor-yo’qligiini ham bilmaydi. Men qanchalik Prezidentga soya bo’lsam, oyim adamga shunchalik soya. Adam bu soyani sevmaydi va sezmaydi ham, bor-yo’qligini bilmaydi. Prezident ham shunday edi. Ammo keyingi paytda o’zgardi. Unga nima bo’ldi bilmayman. Soyasiga diqqat qila boshladi. Continue reading →
Filed under: Oltinchi qavat | Tagged: Jahongir Mamatov, oltinchi qavat, soqchi, tansoqchi | Leave a comment »
Posted on January 5, 2014 by Jahongir Muhammad
Voqeiy qissa
2. “So’fi”
Tayvandan qaytishda ruschani biladigan Usta Vun:
-Siz tomonlarda so’filar o’tgan. Ularning hayotini o’rgan, ulardan dars ol, bo’lmasa umring qamoqda o’tadi yoki peshanangdan otib ketishadi,-dedi.-Bugungacha senga aytgan ko’p gaplarimni tushunmading. Agar so’filar hayotini o’rgansang nima deganimni anglab etasan.
Usta Vun meni yomon ko’rib qolgandi. Sababini bilaman. Uning shogirdlarini “bir tiyin” qilib tashladim. Qaysini qarshimga chiqargan bo’lsa, sudrab obketishdi.
Vun Moskvada ham dars bergan. Toshkentda ham bo’lgan. Ruschani yaxshi biladi. “Xitoyda o’rganganman,” deydi.
Undan dars olish uchun hatto Amerikadan ham kelgan talabalar bor. Ko’p shogirdlari turli mamlakatlarda “vip”larni qo’riqlashar ekan. Shuning uchun obro’si katta. O’ziga bino qo’ygan. Qiziq-qiziq gaplarni aytadi.
-Kuch nazorat qilinsagina kuchdir,-dedi bir kuni.-Agar nazorat qilsang uni minasan, bo’lmasa ostida qolasan.
Continue reading →
Filed under: Kundalik | Tagged: Jahongir Mamatov, oltinchi qavat, so'filar | 1 Comment »
Posted on January 3, 2014 by Jahongir Muhammad
OLTINCHI QAVAT
Prezident tansoqchisining kundaligi
1. Taychi
Ismim Taymur. Aslida Temur deb ot qo’yishgan. Hujjatimni yozgan odam “Taymur” deb yozgan. Nega bunday qilgan bilmayman. Ammo o’zimga yoqadi. Temur degan ot tiqilib yotibdi, Taymur esa bitta. U ham menda.
Faqat Prezident “Taychi” deydi. Bu menga yoqmaydi. Xuddi kamsitganga o’xshaydi. Ammo buni unga qanday aytaman? Haqqim yo’q. Faqat jim turishim kerak, hatto meni ursa ham. Uning savollariga ham javob bermasligim kerak. Uning soyasiman-da. Soya gapirmaydi. Qoida shunaqa.
Qoidani uning o’zi buzdi. “Soya”ni gapirtira boshlatdi. Shunda ham oz gapirishga harakat qilaman. Gaplar ko’nglimdan toshib ketmasligi uchun kundaligimga yozib qo’yaman. Aslida bu ham qat’iyan mumkin emas. Bilib qolishsa sudsiz-tergovsiz yo’qolaman. Shart shunaqa va o’zim ham bunga rozi bo’lib hujjat imzolaganman.
Kundaligimni prezidentga hujum bo’lsa ishlatishim kerak bo’lgan qalqonning ichida saqlayman. Doim o’zim bilan. Prezident menga juda ishongani uchun birov tekshirib ham ko’rmaydi. Munosabati sovub qolgudek bo’lsa, nima qilishni bilaman, rejasini tuzib qo’yganman. Continue reading →
Filed under: Oltinchi qavat | Tagged: Jahongir Mamatov, O'zbeklar, oltinchi qavat | 1 Comment »
Tug’ilgan kun
Jahonnoma 
You must be logged in to post a comment.