Саволларга жавоблар

Posted on July 30, 2017 by Jahongir Muhammad

Мирзиёев 60дан ошди, 70 га етганда пенсияга чиқадими?

Сарлавҳага чиқарилган саволни бугунги суҳбатдошимиз – АҚШда яшаётган журналист Жаҳонгир Муҳаммадга бермадик – бу савол унинг айтганларидан пайдо бўлдики, уни Сиз тингловчига бераяпмиз. Савол жавоби устида ўйлар экансиз, суҳбатни тингланг. Суҳбатки, янги телеканал ҳақида, йилига тўрттадан китоб ёзадиган, иккитадан шогирд чиқарадиган ёзувчи-шоирлар ҳақида ва умуман, ҳар доимгидай, куннинг гаплари атрофида. Суҳбатни “Озодлик” радиоси муҳаррири Сарвар Усмон олиб борди.

Filed under: AUDIO | Tagged: | Leave a comment »

OzodNazar:

Posted on July 9, 2017 by Jahongir Muhammad

“Мирзиёевнинг бўйидан баландроқ сакрайдиган вақти келди”

Ўзбекистонда бўлаётган воқеаларга ўз муносабатини OzodNazarга билдирган ёзувчи ва журналист Жаҳонгир Муҳаммад, президент Шавкат Мирзиёев асосий ислоҳотларни амалга ошириш ўрнига, майда-чуйда нарсалар билан ўралашиб қолмоқда, деган гапни айтди. Журналист фикрича, президент ўз имкони, ўз қудрати даражасидаги ишларни қиляпти, лекин энди шу пайтгача қабул қилинган қарор ва қонунларни ишлатиши, ҳамда бўйидан баландроқ ишларни қилиши керак. Жаҳонгир Муҳаммаднинг бу билан нима демоқчи бўлганини билмоқчи бўлсангиз, унинг ОzodNazarини тингланг. Суҳбатни журналист Садриддин Ашур олиб борди.

www.ozodlik.org

Filed under: AUDIO, OzodNazar | Tagged: | Leave a comment »

Бугун- АҚШда мустақиллик куни

Posted on July 4, 2017 by Jahongir Muhammad

МУСТАҚИЛЛИК

Америкада мустақиллик байрами мамлакатнинг деярли ҳамма жойида бир хил нишонланади. Ҳатто энг кичик қишлоқларда ҳам мушакбозлик бўлади. Қишлоқни қўяверинг, кўчама-кўча ҳам мушаклар отилади.

Лекин пойтахт Вашингтонда миллионлаб одам йиғилади ва бу ердаги мушакбозликни таърифлаб бўлмайди. Уни кўриш керак. Илк бор янги олинган машинага болаларни миндириб, пойтахт остонасига келдик. Туш пайти. Машиналар жойидан жилмайди. Ҳамма тўхтаб қолган. Одамлар жуда эрта келиб, жойларни эгаллаб олишаркан. Бир неча соат деганда Пентагон тепалигига етиб олдик. Машинани ўша ерда, йўлнинг четига тўхтатдикда бошқалардан ўрнак олиб устига чиқдик. Болалар учун қизиқ. Қандайдир мўъжизани кутишмоқда.

…1776 йилдан буён 4-июл куни Америка халқи чин дилдан байрамга, сайлларга, томошгаоҳларга чиқади.

Бу халқ – дунёнинг турли бурчакларида турли сабаблар билан ўз ватанига сиғмаган одамлар жамоаси.

Бу халқ – юзлаб тилларда гаплашадиган юзлаб элатлардан барпо топган воҳид улус. Continue reading →

Filed under: Maqolalar | Tagged: | Leave a comment »