Posted on October 18, 2014 by Jahongir Muhammad
Сиёсий сатира
31. Пулхўрор
“Катта”нинг оилавий хазинабони тушумлар озайганидан шикоят қилди. У биринчи бўлиб суҳбатга прокурорни чақирди:
-Ука, сизга меҳр қўйиб, прокурор этиб тайинлаган эдим.
-Қуллуқ, бир умрга миннатдорман, эгилган қулингизман. Ўл десангиз ўламан, қол десангиз қоламан.
-Бу ишга ўтиш арафасидаги қарзларингизни ёпдингизми?
-Ёпдим отахон, ҳаммасини текисладим.
-Уй-жойни нима қилдингиз?
-Уй-жойларнинг ҳаммасини битказдим. Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on October 17, 2014 by Jahongir Muhammad
Оқсаройнинг сўз ўйинлари
30. Сапожник
“Катта” меҳмондан қайтаётганди. Ёшликдаги қадрдони сапожник Муллоқанднинг дўконига бош суқди:
-Ҳорманг ока тўра,-деб унга қўл узатди.
Этикдўз қўлидаги компютерини бир четга қўйиб, ўрнидан сакраб турди:
-Хуш келдингиз, сафолар келтирдингиз. Акун, қулни осмайсиз, бу тамонга поча босмайсиз, деб ўйлардим. Кичик кўрмайдиган, кучук ҳурмайдиган бўлиб қолгандик. Одами дигар дигар ҳаст, моли жигар жигар ҳаст. Қaдами ҳасанот, пойабзали тожи сар!
-Ишлар қалай?
-Раҳмат, акамулло… Қаранг-а, неча йиллар гузашта бўлопти?
-Аммо ўша-ўша ўзгармабсиз,-деди “Катта” деворга осиқлик суратга қараб. Continue reading →
Filed under: Оқсарой ҳангомалари | Tagged: sapojnik | Leave a comment »
Posted on October 12, 2014 by Jahongir Muhammad
Оқсаройнинг сўз ўйинлари
29. Маслаҳат
“Катта” Оқпошшо билан ош еб ўтирганди.
-Кўрдингизми, хохол укам келмади,-деди Оқпошшо унга.-Кейинги пайтда гапга кирмаяпти. Бир урсам ўлиб қолади. Шунинг учун кексамиз сифатида сиз унинг қулоғини тортиб қўйсангиз.
-Мени ҳам бир урса, нима қиламан, кейин?, -деди “Катта”
-Мен урсам деяпман. Қулоғингизга пахта қўйганмисиз, отахон?
-Пахтакормиз, пахта қўямизда… Истасангиз сизга ҳам қўямиз.
-Кейинги пайтда бизга пахта қўяман деганлар кўп. Лекин айтгани билан қилгани тўғри келмаяти.
-Ошдан кейин кўрасиз, хахолни ясаб қўяман!
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on October 11, 2014 by Jahongir Muhammad
Оқсаройнинг сўз ўйинлари
28. Комрад
“Катта” белорус ҳамкасби билан очилиб-сочилиб суҳбат қилди ва қайтиш олдидан ундан сўради׃
-Нега ҳаммани “комрад” дейсан?
-Тилимизга кириб қолган. “Комрад” Сталиндан меърос. Чет элликлар у кишини “товарищ” деб мазах қилган бўлса, у киши уларни “комрад” деб ўз сўзи билан урган!
-Сан ҳам бизни ураяпсанми унда? Товарищ деб қўя қол! Қанчалик яхши гап. Ўзбекчада ўртоқ бўлади. Жуда қўпол. Тўғрисини айтсам, ўзбекча гапириш жонимга тегиб кетган. Билмаган тилингда гапириш илоннинг устидан ҳатлашдек гап. Чўчиб турасан. Қўрқув қайноқ сувдек бошингга чак-чак уриб туради. Урус тилида гапирсам, яйраб кетаман. Ҳамма гапимни бемалол айта оламан. Дилим равшан тортади,-деди “Катта” уф тортиб.
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on October 10, 2014 by Jahongir Muhammad
Оқсаройнинг сўз ўйинлари
27. Таъсир
“Катта” ҳузурига келган муфтий билан суҳбат қурди.
-Ука, чин юракдан табриклайман, “Дунёнинг энг таъсирли 500 мусулмони” рўйхатига кирибсиз, деб эшитдим.
-Қуллуқ, отахон, қуллуқ!-деди муфтий ўрнидан туриб.
-Ўтиринг, ўтираверинг, ука. Ким эълон қилибди бу рўйхатни ўзи?
-Уммони моликдаги исломий тадқиқотлар маркази, отахон.
-Ҳмм.. Биринчи ўринни кимга берибди?
-Биринчи ўринни Саудия қиролига, иккинчиси бир нотаниш шайхга, учинчи ўрин эса оятулло Ҳумайнийга.
-Хайрият ҳам мани киритишмабди. Гала галварслар орасида қоларканман. Continue reading →
Filed under: Оқсарой ҳангомалари | Tagged: muftiy | Leave a comment »
Posted on October 9, 2014 by Jahongir Muhammad
Оқсаройнинг сўз ўйинлари
26. Хизмат
“Катта” нинг қабулига ”ишловдан чиққан” бир тенқурини олиб киришди. Ачом-қучоқ, мақта-мақтадан кейин “Катта” уни саволга тутди.
-Аҳвол қалай, биродар?
-Ўтган йилгидан анча яхши.
-Свет ўчмаятими?
-Ўтган йилга нисбатан бу йил тинчмиз. Ўтган йили кун ора ўчавериб сил қилганди, бу йил ҳарна шу балодан қутулдик. Кўп яхши томонлари бор, эрта ётиб эрта турамиз. Сабил қолгур нега ўчди, ана ўчди, мана ўчди деган гаплардан қутулдик. Ота-боболаримиздек шод-хурраммиз.
-Газ борми, газ? Continue reading →
Filed under: Оқсарой ҳангомалари | Tagged: nofiizy | Leave a comment »
Posted on October 8, 2014 by Jahongir Muhammad
25. Пирамида
-Биз аллақачон демократия қуриб қўйганмиз. Биринчи демократ ўзимман, десам мақтаниш бўлмайди,-деди “Катта” узоқдан келган олий мартабали меҳмонга.
-Лекин сизни демократ эмас, емократ деб айтишмоқда–ку?- савол берди меҳмон.
-Буни оғзига кучи етмаганлар айтади. Кўрдингизми, ҳатто сиз ҳам мени ҳақорат қилаяпсиз ва сизга индамаяпман-ку? Деразадан олиб отмаяпман-ку?. Бу демократия бўлмай нима?
-Деразангиз решёткали бўлгани учун кўнглим тинч,-дея ҳазил қилди меҳмон ва׃ -Ўзингизни танқид қилганларни ё қаматар ёки сургун қилар экансиз?-деди. Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on October 7, 2014 by Jahongir Muhammad
Оқсаройнинг сўз ўйинлари
24.Арава
-Чорак асрлик давримда мамлакатнинг ҳаётини, халқнинг фаровонлигини тубдан ўзгартириб юбордим,-деди “Катта” узоқдан келган меҳмонга.
-Бир эшитгандим, олти ойда жаннат қилиб бераман, деб ваъда қилган экансиз,-деди меҳмон ўзини билимдонликка уриб.
-Булар тарихда қолган кетган гаплар. Бугун жаннат ҳеч нарса бўлмай қолди. Жаннатда йўқ нарсалар ҳам бизда бор. Масалан, ҳар икки одамнинг бирида улов бор.
Меҳмон мийиғида кулди ва׃
-Улов? Жаннатни улов босибдида-а? Бу кетишда жанннат бошимизга қулаб тушмайдими?-деди.
-Ҳазили йўқ. жиддий айтаяпман. Ҳатто ҳар икки дўкондан биттаси заргарлик,-деди “Катта” керилиб. Continue reading →
Filed under: Оқсарой ҳангомалари | Tagged: Oqsaroy | 1 Comment »
Posted on October 6, 2014 by Jahongir Muhammad
Сиёсий сатира
23. Қоровул
-Ҳамма жойга қоровул қўйибмизу тилга қоровул қўйишни унутибмиз,-деди “Катта” маслаҳатчига.
Маслаҳатчи “Катта”нинг ташвишига шерик бўлиб:.
-Ҳа, халқ ҳам сўрамоқда. “Нега йўлда ҳуштакчи бору тилнинг ҳуштакчиси йўқ?” дегувчилар кўпаймоқда,-деди.
“Катта”нинг юзини араз руҳи қоплади:
-Ундай бўлса, халқнинг айтганини қилмайсизми, ука?
-Ҳамма соҳанинг лидери ўзингиз. Бош қўмондон, Бош муҳандис…
-Мухандис дегани нимаси?
-Бош архитектор… Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on October 5, 2014 by Jahongir Muhammad
Оқсаройнинг сўз ўйинлари
22. Илик
-Отахон, боя ана у радиодагиларнинг олдига суяк ташлашга одам топинглар, дегандингиз, биттасини топдик, қабулхонада эди,-деди маслаҳатчи ”Катта”га.
-Ичкарига киритиб юборинг, ўзим гаплашaман,-деди “Катта”.
Пакана, қориндор одам липиллаб кириб келди. Салом-аликдан кейин “Катта” унга:
-Ана у радио бору… ҳамма нарсани гапираверадиган?! Этик деган нарсани билишмайди,-деб гапни узоқдан бошлади.
-Йўғе, этиксиз ҳам бўладими? Этиклари бордур? Фақат қиш келганда, қор кўпроқ ёққанда кийсалар керак-да?-деди ҳалиги одам самимий оҳангда.
-Укажон, этикмас этика! Одамни тилидан ушламангда!
-Отахон, биз фақат молни тилидан ушлаймиз, у ҳам жони чиқаётганда. Ҳаром ўлмасин, деймиз. Қурбон байрамида кўрган бўлсангиз керак? Continue reading →
Filed under: Оқсарой ҳангомалари | Leave a comment »
Posted on October 2, 2014 by Jahongir Muhammad
Оқсаройнинг сўз ўйинлари
21. Жомеда
-Отахон мачит битиб қолди, ҳайитга очамиз, ўзингиз бориб оқ фотиҳа берсангиз,-дея муфтий “Катта”ни мачитга таклиф қилди.
-Қанақа мачит?
-Катта. Нақд жоме бўлди. Икки ярим минг намозхон бирданига ибодат қилиши мумкин.
-Ие…Ақлингиз жойидами, ука? Шундай қалтис даврда-я?
-Отахон бу ёғидан кўнглингиз тўқ бўлсин, ҳаммаси назорат остида бўлади. Текшириб киритамиз. Ёшлар кирмайди. Фақат қари-мурриларни киритамиз.
-Ҳа, ишқилиб кўзларингизга қаранглар-да!
-Раҳмат! Ундай бўлса, ҳайит намoзи олдидан келиб, сизни олиб кетамиз.
– Ука, икки ярим минг қари-қурининг олдида нима қиламан?-ажаблангандек гапирди “Катта”.
Continue reading →
Filed under: Оқсарой ҳангомалари | Tagged: оқсарой | Leave a comment »
Posted on September 29, 2014 by Jahongir Muhammad
Оқсаройнинг сўз ўйинлари
20. Арафада
Ёмон туш кўрган одамдек юзини ишқаб, хаёлга толган “Катта” истар-истамас оҳангда маслаҳатчига гап қотди:
-Мана Қурбон байрами ҳам яқинлашиб қопти, қурбонлик қиламизми, қон чиқарамизми?
-Албаттада, отахон, шу билан сайлов арафасида уч-тўртта гўшткўрмаснинг ҳам кўзи қувнайди.
-Ўзи қувнамаснинг кўзи қувнаса нима бўларди? Гўштига қолган кун қолмасин, ўзимиз еймиз, ҳали йигитдаймиз. Олдимизда эса кўп ишлар бор. Хулласки, қон чиқармасак бўлмайди, калла-салла кесиш керак.
-Астафурулло… тақсир, қўрқитиб юбордингиз. У нарсани динимиз ҳам, Худойимиз ҳам хуш кўрмайди-ку?, -деди маслаҳатчи ва кўйлагини ёқа қисмини олдинга тортиб, эшитилар-эшитилмас “туф-туф” деди.
-Туф-туф эмас, уфф… уфф… ука! Шоҳиста десам, оҳиста деманг! Нега хаёлингиз ҳам оёғингиз каби қалтирайди? Бунчалик қўрқоқ бўлиб қолдингиз?
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on September 28, 2014 by Jahongir Muhammad
Сиёсий сатира
19. Ит-бит
“Катта” Божхона бошлиғининг ҳисботига назар солиб, ундан сўради׃
-Хўш, бу ишлар яхши, лекин айтингчи, ўғлим, йил бошидан бери қанча контрабанда маҳсулотларини ушлаб қолдингиз?
-Анча-бунча ушладик,-деди божгир “Катта”нинг ўғлим деганидан севиниб.-Пулга чақсак, олтмиш миллион доллардан ошадиёв…
-Ўша олтмиш миллион доллар қаёққа кетди?
-Фойизи билан олтмиш икки қилиб, хазинага топширдик.
-Ўзимизнинг хазинагами?
-Албаттада, отахон!
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on September 27, 2014 by Jahongir Muhammad
Оқсаройнинг сўз ўйинлари
18. Сариғи
-Нега бизнинг олтинларимиз ҳақида гапириб қолишди яна?- деб сўради “Катта” маслаҳатчидан.-Август ойидаги гап қандай қилиб бунча тез ўртага чиқиб қолди?
-Олмониянинг “Gold Reporter” деган нашри бор экан, ўша Швейцария Август ойида фалон тоннадан кўпроқ олтин импорт қилди, шунинг фалон фоизи Ўзбекистондан деб ёзгандан кейин гаплар болалаб кетди,-деди маслаҳатчи гуноҳкорона талпиниб.
-Биз бор йўғи йигирма тоннадан ошиқроқ олтин жўнатдик, бу бор йўғи бир миллиардгина франк бўларкан. Шунга шунча ойболта мойболта бўлдими? Дунёнинг иши шунақа, терговга ишинг тушдими, бир нарса узатишинг керак. Нима қилайлик, гапга кирмади, жазоладик. Энди чет элга кетаман деб туриб олган.
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on September 26, 2014 by Jahongir Muhammad
Оқсаройнинг сўз ўйинлари
17. Атта
Янги йилнинг иккинчи куни эди. Роса уринишлардан кейин қизи отасининг ҳузурига кирди. ”Катта” индамай қизига қараб тураверди. Қизи ҳам индамади. Охири “Катта”׃
-Ҳа, тумшуғингдан қор ёғдириш учун келдингми?-деди унга.
-Меъросимни олишга келдим!
-Меъросни отанг ўлгандан кейин талашсанг яхшироқ бўларди.
-Отам давно ўлган!-деди қизи жаҳл билан.
“Катта”нинг асаби чатнади׃
-Ундай бўлса, мен сени оқ қилдим!
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on September 25, 2014 by Jahongir Muhammad
Оқсаройнинг сўз ўйинлари
16. Ҳўкиз
-Қандай хабарлар бор, дунёда?-деб сўради “Катта” маслаҳатчидан.
-Имомга оид зўр хабар чиқибди,-деди маслаҳатчи.
-Ўқичи…
Маслаҳатчи сўзларни териб-териб ўқий бошлади׃ “Имомнинг резиденцияси – “Миллат саройи”нинг қоровули ҳўкиз ўғирлаб қўлга тушди. У “Миллат саройи”ни қўриқлаб, ишдан бўш пайтларида ҳўкиз ўғирлаш билан шуғулланган. Ҳаммаси бўлиб 14 та ҳўкиз ўғирлаган”.
Хабар “Катта”ни севинтирди. У мийиғида кулдида׃
-Вой қизталоғ-ей, қамалибди-да, афсус,-деди.
-Ҳа, ҳарбий горнизон судида суд қилишмоқда.
Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on September 24, 2014 by Jahongir Muhammad
Оқсаройнинг сўз ўйинлари
15. Илмоқ
Ню-Йорк шаҳрида ўтаётган анжуманда қатнашаётган вазир “Катта”га сим қоқди׃
-Анжумани олияда Сизга ҳам сўз берадиган бўлишди, келолмаганингиздан афсус-надоматлар чекиб, “Бўлмаса отахонинг номидан гапира қол” дейишмоқда. Шунга олдингиздан ўтай дегандим.
-Илмоқланмасдан гапираверинг, ука, масала нима экан?
-Исломчиларни бомбалаш кампаниясига қўшиласизларми, йўқми, дейишмоқда?
-Исломчилар нима қипти? Қаерга қозиқ қоқибди? Шу ишга илмоқ солишмагани қолувди?! Сайловда менинг номзодимни кўрсатаман, деганлари учун уларни бомбалаш керакми?,- деб “Катта” саволларни қалаштирди. Continue reading →
Filed under: Оқсарой ҳангомалари | Tagged: оқсарой | Leave a comment »
Posted on September 23, 2014 by Jahongir Muhammad
Оқсаройнинг сўз ўйинлари
14.Блоггўр
-Оқсоқол агар оқ фотиҳа берсангиз шу блогларни жиловлашни қонунлаштириб қўяр эдик,-деди маслаҳатчи “Катта”га.
-Қанақа блоклар ҳақида гапирясиз, ука? Биз бирорта блокка қўшилмаймиз, деб айтиб қўйганмиз. Сизни ақлли йигит деб юрсам, оғзингиздан чиққанини қулоғингиз эшитмайди, шекилли?!
Маслаҳатчи эсанкираб қолди. Кейин ўзини қўлга олиб:
-Блоклар ҳақида эмас, блоглар ҳақида оқ фотиҳа сўрагандим,-деди.
-Ука сиз мани ким деб ўйлаяпсиз? Саксонга кирсам ҳам ақлим жойида, қулоғим ҳам. Ҳали анча ишларни қиламан. Ишлашнинг ёмон жойи йўқ. Халққа яна ишлаб бераман, керак бўлса, ўлгунча ишлайман.
-Шуни кўролмайдиганлар бор-да. Интернет тармоғида вебсайтлар очиб олишган. Ўшани бугунги тил билан блог дейдиган бўлишди. Ёзганларни эса блоггер…
-Блоггер эмас, блоггўр…
Маслаҳатчи пиқ этиб кулди. Continue reading →
Filed under: Оқсарой ҳангомалари | Tagged: blogger | Leave a comment »
Posted on September 22, 2014 by Jahongir Muhammad
13. Муноқаша
-Санга кўзимга кўринмай тур демаганмидим,-деди “Катта” шитоб билан хонасига кириб келган қизига.-Сани тўққиз ойдан бери кўрганим йўқ деб айтдим. Бор, уйингда ўтир! Бўлмаса…
-Нима бўлмаса, қамаб қўясизми? Фақат шуниси қолди. Қамоқда ўтириш ролини ҳам ўйнаб берайинми?
-Агар гапимга кирмасанг
-Шу пайтгача гапингизга кириб нима бўлдим? Чет элларда нима қилган бўлсам, сиздан изн олиб қилдим. Қанча пул чиқарган бўлсам, ўзингиз буюргансиз.
-Санларни келажагингни ўйлаганман.
-Ундай бўлса бу ёғига ҳам келажагимизни ўйланг. Балки фақат Лоланинг келажагини ўйлаяпсизми?
-Уни тинч қўй. У бир латтадаккина гап. Берсанг ейди, бермасанг ўлади. Continue reading →
Filed under: Оқсарой ҳангомалари | Tagged: оқсарой | Leave a comment »
Posted on September 21, 2014 by Jahongir Muhammad
Оқсарой ҳангомалари
12. Нусха
“Катта” хотинига арз қилди:
-Олдинлари ана у қизингни мақтардинг, шеър ёзади, ашула айтади, заргарлик қилади, кўйлак бичади, дипломат, Гарвардни битирган, бало-баттар… Энди бўлса, оёғи эгри, қаллоб, рекетчи, бечоранинг киссасидагини ҳам, қўлидагини ҳам урадиган, давлатнинг пулларини ўмарадиган, раҳмсиз, шавқатсиз, нечта одамни ўлдиртириб юборган, ўғри, муттаҳам деяпсан. Қайси бир гапингга ишонай?
Хотинининг “тили қичиб” турган эканми, бидирлаб қолди:
-Олдингисини ҳам одамлар айтишганди. Ман сизга етказгандим, холос. Ҳозир ҳам одамлар айтиб юрибди, видеоларини кўрдим, кўрган кўзим ўйилсин, ҳужжатларини кўрдим, виждонсиз, ўмарганда ҳам миллионлаб ўмарган, элга золимлик қилган, қонунларни бир пулга олмаган, ҳаммани фақат ўзи учун ишлатган, осмонга қочганни оёғидан, ерга кирганни бўйнидан осган, ғирт жаллодга айланган… Бош кўтаролмай қолдик-ку бу дунёда! Continue reading →
Filed under: Оқсарой ҳангомалари | Tagged: оқсарой | Leave a comment »
Posted on September 21, 2014 by Jahongir Muhammad
11. Телефон даври
-Бир пайтлар эрталаб ишга келсанг “Совет Ўзбекистони”, “Правда Востока”ни ўқисанг бўлди эди, бутун дунёдаги ва мамлакатдаги янгиликларни билиб олардинг. Ўшанда оз одам ёзарди, кўп одам ўқирди. Ҳозир Интернет чиқиб, ҳамма ёзадиган бўлиб қолди,-деб гап қотди “Катта” маслаҳатчига.
-Тўғри айтасиз, ўқийдиган қолмади, ҳамма ёзиш билан овора…
-Бугунги газетларни ўқийдиган қолдими?-киноя билан сўради “Катта”.
-Қолмади ҳисоб. Сизу бизни айтмаса, бошқа ўқийдиган йўқ. Замон ўзгариб кетди.
-Ҳмм.. мактабларда ўқийдиган борми?
-Мактаблар ҳам тугади, ҳисоб. Болаларнинг калласида китоб эмас, газета эмас, телефон. Continue reading →
Filed under: Оқсарой ҳангомалари | Tagged: оқсарой | Leave a comment »
Posted on September 12, 2014 by Jahongir Muhammad
10. Дангаса
“Катта” неча ойдан бери телефон қилар ва Кремлдагилар уни Путинга уламасди. Ҳаммавақт “занят” деган жавоб оларди. Ниҳоят “Шанхай” мажлисида у Путинга рўпарў келиб қолди ва шу ҳақда шикоят қилди:
-Кремлга ҳам биздан борган дангасалардан ишга олганмисиз, иш қилмай лақ-лақ гап сотишади, боғла десам, боғламайди.
Бу гап Путинга ёқмади.
-Бупти буни алоҳида гаплашамиз,-деди ва “Катта”га барча масалаларни ҳал қилиб олиш учун ярим соат вақт ажратди.
Мажлис бошланди. “Катта” Путинга неча марта телфон қилгани ва ҳар сафар дангасалар уни уламаганини такрорлайверди. Гап орасида жуда муҳим масалалар чиқиб қолгани, информация керак бўлгани, Путиннинг овозини соғинганини ҳам қўшиб қўярди. Унинг нутқи 29 минутдан ўтганда Путин аралашди:
-Кўрдингизми, сизга вақт чегараланмаган. Хохлаганча гапиришингиз мумкин. Қани биринчи масалага ўтайлик. Нима ҳақида гаплашмоқчи эдингиз? Continue reading →
Filed under: Оқсарой ҳангомалари | Tagged: Oqsaroy | Leave a comment »
Posted on September 12, 2014 by Jahongir Muhammad
Оқсарой ҳангомалари
9. У ёққа…
“Шанхай”нинг Душанбе анжуманида мажлислашиб, маслаҳатлашиб, мастлашиб олгандан кейин қуюқ хайрлашаркан, Имомали Раҳмон ўзбек тилида равон гапириб, Ислом Каримовга халқ орасидаги номи билан мурожаат қилди׃
-“Катта”, биласиз, бобокалонимиз Фоний ҳазратлари зўр гап айтганлар׃
Не қушким, баланд ўлса парвоз анга,
Ҳалок истамас новакандоз анга.
-Ўзбекчага ўхшаб кетаркан,-деди “Катта”.- Фоний деганингиз ҳам ўзбек тилини билган, шекилли? Continue reading →
Filed under: Оқсарой ҳангомалари | Tagged: tojikiston | Leave a comment »
Posted on September 11, 2014 by Jahongir Muhammad
8. Маслаҳат
“Катта”нинг ҳузурига кирган Бош вазир:
-Рухсат берсангиз Жиззахга ўтиб келсам,-деди.
-Ҳа, Зоминга бориб айланиб келмоқчимисиз?
Шундай деб “Катта” Бош вазирга айёрона қаради.
-Йўғ-е, пахта далаларини кўриб келмоқчийдим,-деган Бош вазир кўзларини олиб қочди.
-Яхши ўйлабсиз ука, бир бориб пахтанинг ҳолидан хабар олиб келиш керак. Қашқадарёга борақолинг. Чўлни ҳам айланиб келасиз, чўлдорларни кўриб қайтасиз. Чўлнинг ҳавоси бошқача. Continue reading →
Filed under: Оқсарой ҳангомалари | Tagged: пахта | Leave a comment »
Posted on September 10, 2014 by Jahongir Muhammad
Оқсарой ҳангомалари
7.Тўн
-Шаҳар бедарвоза бўлиб қолдими?-деб сўради “Катта” собиқ муфтийдан киноя билан.
-Ҳар шаҳарнинг эгаси, соҳибқирони бўлганидек, бизнинг диёрда ҳам калит сизнинг муборак қўлингизда, тақсир,-деди собиқ муфти.
-Ундай бўлса, нега пулдор Алишерга тўн ёпиб юрибсизу, ман хабарсизман, шайх ҳазратлари?
-Биласизку, “шайх” деган сўзнинг биринчи маъноси “қария” деганидир. Биз ҳам қариб қолдик, хато қиламиз, узримизни қабул этинг, бир қошиқ қонимиздан кечинг, тақсир!-деди собиқ муфти қўлини кўксига қўйиб. Continue reading →
Filed under: Оқсарой ҳангомалари | Tagged: to'n | Leave a comment »
Сиёсий сатира
Jahonnoma 
You must be logged in to post a comment.