Jahonnoma

Оқсаройнинг сўз ўйинлари

15. Илмоқ

Ню-Йорк шаҳрида ўтаётган анжуманда қатнашаётган вазир “Катта”га сим қоқди׃

-Анжумани олияда Сизга ҳам сўз берадиган бўлишди, келолмаганингиздан афсус-надоматлар чекиб, “Бўлмаса отахонинг номидан гапира қол” дейишмоқда. Шунга олдингиздан ўтай дегандим.

-Илмоқланмасдан гапираверинг, ука, масала нима экан?

-Исломчиларни бомбалаш кампаниясига қўшиласизларми, йўқми, дейишмоқда?

-Исломчилар нима қипти? Қаерга қозиқ қоқибди? Шу ишга илмоқ солишмагани қолувди?! Сайловда менинг номзодимни кўрсатаман, деганлари учун уларни бомбалаш керакми?,- деб “Катта” саволларни қалаштирди.

-Узр, отахон,-деди вазир.-Исломчилар деганда илмоқсиз гапирдим, сизнинг тарафдорларингизни назарда тутганим йўқ, унақада ўзим ҳам исломчиман-ку?! Ана у Ироқ ва Суриядаги террористларни назарда тутдим.

-Улар сочилиб кетган, қандай қилиб бомбалашади?

-Қаергаки байроқ тиккан бўлишса, ўша жойни уришмоқчи.

– Нима? Тўхтанг, тўхтанг, бунақада илмоққа илинмайлик, тағин адашиб ўзимизни бомбалаб ташлашмасин?

-Э… йўғе?!

-Оқсаройга яқин жойдаги кўприкка илинган қора байроқ эсингиздан чиқдими? Бошимизга бало бўлмасин, узоқроққа илларинг демаганмидим?

Вазирнинг нафаси ичига тушди.

-…

-Ҳа, бўпти шароитга қараб иш тутинг, ука, керак бўлса, югуриб бориб, байроқни бошқа томонга илиб келасиз,-дея “Катта”нинг ўзи гапни илдириб кетди.

-Бўлди! Илмоқни ҳозирданоқ тайёрлаб қўяман,-деди вазир ўзига келиб.

“Катта” кулимсиради ва׃

-Гапхонангиз очилиб кетдия?-деди.-Байроқ ҳақида яхшироқ ўйланг.

-Отахон, илдим-жилдимга уста эмасману лекин илдим, деяверинг!

-Суханингиз синмасин, ука, илдим!

“Катта” шундай деб гўшакни жойига илди.

ЖМ

Filed under: Оқсарой ҳангомалари | Tagged: оқсарой |