Internetning katta xizmatlaridan biri shuki, xalqni oyoq uchida ko’rsatganlarni xalqning oyoq uchiga tushirib qo’ydi.
XXX
Ishni o’zimizni isloh qilishdan boshlash kerak, deymizu boshqalarni isloh qilishga kirishamiz. Hamma balo mana shu “dahoizm”da!
JM
Filed under: Fikrlar | Leave a comment »
Zehniyat
Uyda otasi uradi, qo’rqqanidan hurmat qiladi;
-maktabda o’qituvchi uradi, biroq o’qituvchini ulug’laydi;
-ishxonada boshliq so’kadi, kamsitadi, tarsaki tortadi, lekin boshliqni boshiga ko’taradi;
-kattaroq mansabga minsa, undan kattaroq mansabdagidan kaltak yeydi, ammo ta’zim qiladi;
-yana kattaroq mansabga o’tirsa, eng tepadagidan musht va tepki oladi, nafaqat qulluq qiladi, hatto o’lgandan keyin uni “avliyo” deb haykaliga sig’inadi.
Mana sizga zehniyat!
***
Зеҳният
Уйда отаси уради, қўрққанидан ҳурмат қилади;
-мактабда ўқитувчи уради, бироқ ўқитувчини улуғлайди;
-ишхонада бошлиқ сўкади, камситади, тарсаки тортади, лекин бошлиқни бошига кўтаради;
-каттароқ мансабга минса, ундан каттароқ мансабдагидан калтак ейди, аммо таъзим қилади;
-яна каттароқ мансабга ўтирса, энг тепадагидан мушт ва тепки олади, нафақат қуллуқ қилади, ҳатто ўлгандан кейин уни “авлиё” деб ҳайкалига сиғинади.
Мана сизга зеҳният!
JM
Filed under: Fikrlar | Tagged: Jahongir Mamatov | Leave a comment »
Tatyana “ona” va tili
Tatyana Karimova o’lgan erining haykali ochilishida gapirarkan, faqat “o’zbek”, “o’zbek xalqiga hurmat, xizmat” deyishdan charchamadi.
O’zbekning ichida o’sgan bo’lsang, ering o’zbekni chorak asr boshqargan bo’lsa, nega o’zbekka uruscha gapirayapsan, deydigan mard yo’q?
O’zbekni hurmat qilgan bo’lsang, nega o’zbekchaga bepisand qarading?
Nega hurmat ko’rsatib, o’rganmading?
Islom Karimovning “buyukligi”ga bag’ishlangan nutqing oxirida bir jumlalik o’zbekcha mattni ham uruschalatib o’qiganing nahotki gaplaring yolg’on ekanini isbotlamagan bo’lsa?!
Filed under: Fikrlar | Tagged: Jahongir Mamatov | Leave a comment »
“O’zTVda yana rahbar almashdi”
Jurnalist bo’lish boshqa, O’zTVga rahbar bo’lish boshqa.
Buni 1991 yil O’zTVga rahbar bo’lganimning birinchi kunlaridayoq bilganman.
Matnni hijjalab o’qiydigan diktor(suxandon deyishga tilim bormadi)ni axborot bo’limiga o’tkazsam, ertalab Islom Karimov telefon qilib, “uni nega bo’shatdingiz”, deb so’roqqa tutgan.
Qo’shiqlarni fonogrammasiz, jonli tarzda beramiz, deb qaror chiqarsam, Islom Karimov telefon qilib, nega artistlarning ishiga aralashasiz deb,qarorni bekor qildirgan..
“Munosabat” degan ko’rsatuv tashkil qilib, Erkin Vohidovga “Mana sizga erkin mikrofon, dilingizdagini ayting” desam, “Odam erkin mikrofondan ham qo’rqib ketarkan” dedilar. Oradan bir oz o’tib, Islom Karimov telefon qilib, “Nega shoirni qo’rqitasiz” deb do’q urgan.
Samarqandlik muxbirning qish oldidan domlarda suv sistemasi ishlamayotgani haqidagi reportajini bersak, Islom Karimov telefon qilib, “Bunday mahalliy ahamiyatga ega narsani ko’rsatishdan maqsadingiz nima?” degan.
Hukumat Talabalar shaharchasida qon to’kkanda ko’rsatuvlarni “arrest” qildirgan va hokazo va hokazo.
Oxiri olti oy deganda Iste’fonoma yozgandim. Hozir olti oyda oltita rahbar almashmoqda. Bechora O’zTV (O’zMTRK).
Jahongir Muhammad.
Filed under: Fikrlar | Tagged: Jahongir Mamatov | Leave a comment »
O’zbekiston matbuotida Prezident yo’l qo’yayotgan xato (“Xatosiz-Xudo”), kamchiliklarni ochiq yozayotgan, nutqlarini tanqidiy tahlil qilayotgan jurnalist bormi? Agar chiqib qolsa, iltimos, bizga ham aytinglar, bexabar qolmaylik!
***
Ўзбекистон матбуотида Президент йўл қўяётган хато (“Хатосиз Худо”), камчиликларни очиқ ёзаётган, нутқларини танқидий таҳлил қилаётган журналист борми? Агар чиқиб қолса, илтимос, бизга ҳам айтинглар, бехабар қолмайлик!
JM
Filed under: Fikrlar | Leave a comment »
Ertami-kechmi, shunga kelinadi
O’zbekiston hukumatidan xorijdagilarning hammasini yoppasiga taklif qilib, oqlasin, degan talabni qo’yish mantiqsizlik ekanini tushunamiz. Xorijda yurib O’zbekistonga borolmayotgan ko’p guruhlar bor.
Masalan:
1.Rostdan ham jinoyat yo’liga kirganlar.
2.Islomiy davlat tarafdorlari.
3.Jinoiy to’dalardan uzoq bo’lgan demokratik tuzum tarafdorlari-siyosiy qochqinlar.
4.Mehnat qilaman, deb borib, turli sabablar bilan qaytolmayotganlar ва ҳоказо.
Nazarimda hukumat 3-va 4-guruhga kiruvchilarning qaytishiga rozi bo’lganga o’xshaydi. 4-guruhga kirganlar birin-ketin qaytishmoqda ham.
3-guruhdan murojaatlar ko’rib chiqilayotgandek. Lekin ularning siyosiy maydonga emas, mahalla-kuyga qaytib, tinchgina nonini yeb-oshini ashab yurishlarini istaydi. Qora ro’yxatlardan chiqarib, oqlashga ham rozi bo’lishi mumkin.
Ammo 1-2-toifaga kirganlarni maxsus nazoratda tutishi aniq. Ularga qaytish uchun yo’l ochmaydi. Siyosiy qochqinlar orasidan ham 1-2- guruhga qo’shilganlar yoki 2-guruhga xayrixohlarni nazoratdan chiqarmasa kerak.
Menimcha bugunning haqiqati mana shu. Xom xayollar esa ko’p.
Bu masalani jamoatchilik, inson huquqlari kurashchilari, hukumat vakillaridan iborat maxsus komissiya ko’rib chiqishini yil boshida taklif qilgan edik.
Ertami-kechmi shunga kelinadi. Qancha oldin harakat qilinsa, shuncha yaxshi.
JM
***
Эртами-кечми, шунга келинади!
Ўзбекистон ҳукуматидан хориждагиларнинг ҳаммасини ёппасига таклиф қилиб, оқласин, деган талабни қўйиш мантиқсизлик эканини тушунамиз. Хорижда юриб Ўзбекистонга боролмаётган кўп гуруҳлар бор.
Масалан:
1.Ростдан ҳам жиноят йўлига кирганлар.
2.Исломий давлат тарафдорлари.
3.Жиноий тўдалардан узоқ бўлган демократик тузум тарафдорлари-сиёсий қочқинлар.
4.Меҳнат қиламан, деб бориб, турли сабаблар билан қайтолмаётганлар ва ҳоказо.
Назаримда ҳукумат 3-ва 4-гуруҳга кирувчиларнинг қайтишига рози бўлганга ўхшайди. 4-гуруҳга кирганлар бирин-кетин қайтишмоқда ҳам.
3-гуруҳдан мурожаатлар кўриб чиқилаётгандек. Лекин уларнинг сиёсий майдонга эмас, маҳалла-куйга қайтиб, тинчгина нонини еб-ошини ашаб юришларини истайди. Қора рўйхатлардан чиқариб, оқлашга ҳам рози бўлиши мумкин.
Аммо 1-2-тоифага кирганларни махсус назоратда тутиши аниқ. Уларга қайтиш учун йўл очмайди. Сиёсий қочқинлар орасидан ҳам 1-2- гуруҳга қўшилганлар ёки 2-гуруҳга хайрихоҳларни назоратдан чиқармаса керак.
Менимча бугуннинг ҳақиқати мана шу. Хом хаёллар эса кўп.
Бу масалани жамоатчилик, инсон ҳуқуқлари курашчилари, ҳукумат вакилларидан иборат махсус комиссия кўриб чиқишини йил бошида таклиф қилган эдик.
Эртами-кечми шунга келинади. Қанча олдин ҳаракат қилинса, шунча яхши.
ЖМ
Filed under: Fikrlar, munosabat | Tagged: Jahongir Mamatov | Leave a comment »
To’ytepaning tagida
Prezident menga yaxshi muomalada bo’lgan, unvon olishimda qo’l qo’ygan, mansabga tayinlaganimda qarshilik qilmagan deb uning jinoyatlaridan ko’z yumib, umr bo’yi uni maqtab, maddohlik qilishim kerakmi?
Bu bilan uning jinoyatlariga sherik bo’lmaymanmi?
Afsuski, shunday va buni guvohi bo’ldik. Yoppasiga Sovet rahbarlarini maqtaganlar, yoppasiga Karimovni maqtashdi, endi yoppasiga Mirziyoyevni maqtashga o’tdilar.
Demak, o’zbekchilik zehniyati hali To’ytepaning tagida.
JM
***
Тўйтепанинг тагида
Президент менга яхши муомалада бўлган, унвон олишимда қўл қўйган, мансабга тайинлаганимда қаршилик қилмаган, деб унинг жиноятларидан кўз юмиб, умр бўйи уни мақтаб, маддоҳлик қилишим керакми?
Бу билан унинг жиноятларига шерик бўлмайманми?
Афсуски, шундай ва буни гувоҳи бўлдик.
Ёппасига Совет раҳбарларини мақтаганлар, ёппасига Каримовни мақташди, энди ёппасига Мирзиёевни мақташга ўтдилар.
Демак, ўзбекчилик зеҳнияти ҳали Тўйтепанинг тагида.
ЖМ
Filed under: Fikrlar, munosabat | Leave a comment »
Алдов анатомияси
Ўзбекистонда битта ўртамиёна амалдор қамалгани ҳақида матбуотга маълумот сиздирилса, тамом, “ура-ура” бошланиб кетади. Гап айланиб-айланиб ҳукумат тозалаш ўтказмоқда, деган алдовнинг тепасига чиқади. Одамларда умид пайдо бўлади, миш-мишлар болалайди, президент мусичаи бегуноҳ, унинг атрофидагилар юлғич-порахўрлар дейиш авж пардасига етади.
Алдашга бола яхши деган гап бор. Бу алдовчининг маҳорати билан бирга боланинг ҳам алданишга мойиллигидан, бола анатомиясидан келиб чиқади.
“Ухла, бўлмаса, алабўжи олиб кетади”.
“Ухлсанг, эртага паркка олиб бораман”.
“Жим бўл, ана аждаҳо келаяти”.
“Овозингни ўчирмасанг, мелиса чақираман”
“Хўрозқандингни чўз, туя қилиб бераман” . Continue reading
Filed under: Fikrlar | 1 Comment »
Бугунги вазиятдан чиқишнинг уч босқичли йўли
…Қўшни Туркманистонда диктаторнинг онийдан ўлиб қолганидан кейин унинг четдаги мухолифлари ҳеч нарса қила олмай, мамлакат яна бир тўда золимлар қўлида қолганидан сабоқ олган ҳолда ўзаги хорижда бўлган ўзбек мухолифати учун бугунги вазиятдан чиқишнинг уч босқичли йўлини таклиф этмоқчимиз׃
1. Диктатура режимига қарши сиёсий кураш майдонига куч сифатида туша олиш учун ўзбек мухолифатини битта-ягона йўли бор. У ҳам бўлса қарашлари, низолари, баҳслари билан бирга улар бир нечта эшиклардан кириб, битта эшикдан бирлашиб чиқмоқлари керак. Шундагина уларни дунё тан олади, халқ уларга эргашади ва кураш майдонига йўл очилади. Бу босқич Наврўз байрамига қадар тугатилиши керак.
2.Туркманларга ўхшаб диктатор ўлимидан кейин бирлашишнинг фойдаси бўлмайди. Бугун бирлашиш шунинг учун ҳам аҳамиятлики, 2007 йилда мамлакатда сайлов бор. Мухолифат сайловга ягона номзод билан кириши шарт. Бу номзод мамлакат ичидан чиқмоғи зарур. Агар ташқарида юрганлардан бирининг қонуний тартибда сайловда иштирок этиш ҳаққи бўлса ва у мухолифатга байроқ бўлиб мамлакатга кириб борса, биз унинг номзодини қўллашга тайёрмиз. Бу босқич сайлов эълон қилинишига қадар ўз ниҳоясига етмоғи лозим. Continue reading
Filed under: Fikrlar | Tagged: tarix | Leave a comment »
-1-
Kimgadir eshikni ochar ekansan, bir kuni u eshigingni qarsillatib basharangga urib ketishi yoki to’satdan tepib kelishi uchun imkoniyat bermaslikni ham nazarda tutishing kerak.
-2-
Agar Amerikada ham yo’lingni topolmasang, demak bu dunyodan yo’lsiz o’tib ketasan.
-3-
Fohish erkaklari qanchalik ko’paygan sari o’sha jamiyatning fohishalari ham shunchalik ko’payadi.
-4-
Xayriyatki, Karimov hokimiyat tepasiga Muammar Qaddafi kabi 27 yoshida kelmagan. Continue reading
Filed under: Fikrlar | Tagged: Jahongir Mamatov | 3 Comments »
Билвосита қурбонлар
Агар кулгидан умр узоқ бўлганда қизиқчилар энг кўп яшаган бўлардилар. Шундай дейману ёдимга раҳматли Ҳожибой Тожибоев келади. У гапираётганда деярли кулмасди, юзида қандайдир тажанглик аломатларига ўхшаш бир ҳолат бўларди.
Юз қалбнинг зоҳири. Соддалаштирадиган бўлсак, юз қалбнинг ботинида бўлган ҳолатни зоҳирга уради. Демак, Ҳожибой Тожибоевнинг қалбида доим қандайдир азоб, қандайдир дард бўлган. Шунинг учун ҳам у яйраб кула олмаган. Continue reading
Filed under: Fikrlar, Kundalik, Maqolalar | Tagged: Jahongir Mamatov | 1 Comment »
Ўзини топган одам ўзини йўқотиб қўйишдан қўрқади
“Адабиёт инсон тафаккурини шакллантиради ва уни ҳурликка етаклайди” дейишади. Ундай бўлса, адабиётимиз ўз вазифасини бажара олмади.
Шунинг учун ҳам адабиётимиз ундай, адабиётимиз бундай деган мақотовлардан тийилмоқ керакмикан?!
ХХХ
Kатта ҳўкизнинг йиқилиши қассобнинг белини синдириши, атрофдагиларнинг ўтакасини ёриши мумкин.
XXX
Ўзини топган одам ўзини йўқотиб қўйишдан қўрқади.
ХХХ
Мендан қўрққанлардан мен ҳам қўрқаман. Continue reading
Filed under: Fikrlar | Tagged: fikrlar, Jahongir Mamatov | 4 Comments »
Bugunning so’zi: JILMAY TUR!
O’zbekistondagi amaldorlarning xorijga chiqish erkinligi cheklanibdi!
Qoyil!
Inqiloblarda qon to’kilsa, AQSH va Avropaning diktaturalarga qarshi bittayu bitta quroli bor edi. U ham bo’lsa mansabdorlarning safarini cheklovchi sanksiyalar.
IAK buni ham ularning qo’lidan olibdi!
Balki mansabdorlar inqilob qilamiz deb qoldilaru IAK ularga sanksiya qo’ydimi? Bu endi latifa. Latifa bo’lganda ham jilmaytirmaydigan latifa! Continue reading
Filed under: Fikrlar | Tagged: Jahongir Mamatov | Leave a comment »
E’TIQOD
E’tiqod kurash quroli, yashash uchun, hayot uchun, kurash uchun kurash quroli.
E’tiqodsiz odam o’rmon jonzoti.
E’tiqodli odam xafli odam, e’tiqodsizlar uchun.
E’tiqod uchun sevmaydilar…
E’tiqod uchun qopadilar, qamaydilar, o’ldiradilar…
E’tiqod qancha-qancha gunohsizlarning qotili. Continue reading
Filed under: Fikrlar | Tagged: Jahongir Mamatov | Leave a comment »
Девона халқ
Диктаторлар орқага қадам отолмайдилар. Улар орқада чоҳ бор, ўлим бор деб тушунадилар. Улар ўз орқасидан қўрқадиган халқ.
Орқага одим отиш, хатони тан олиш учун уларда мардлик етишмайди. Чунки диктаторлар номард халқ. Уларнинг шакар томири зулмдир.
Қўрқмаган одамгина орқага қадам ташлай олади. Бошқаларнинг ҳақларини, қарашларини ҳурмат қилади. Лекин дунё тарихида қора силсиласи қолган диктатор халқи ҳурматни бир томонга – ўзигагина қараб оқадиган дарё деб билган.
Путин ҳам шу халқдан бири. У Осетияга кириб олди, Абхазияда қолди, Чеченистонда цирк қурди… Қиримдан чиқармади?
Чиқиши мумкин. Майдонда ўзидан кучли пайдо бўлса, тахтидан ажралса, ажал ёқасидан тутса…
Қийин-қийин Қирим татарларига қийин. Сталин деган жаллод уларни она ерларидан қувганди, Путин деган беномус уларнинг табаррук заминларига хўжайин бўлиб олди. Continue reading
Filed under: Fikrlar | Tagged: диктатор, qirim | 1 Comment »
Интернет ва Интернат
Болалар ўлими эмас, бола туғилиши, айниқса, сарой боласининг туғилиши матбуотнинг бош воқеаси.
ХХХ
Ифторларни кўриб тўйлар уялиб қолмоқда.
ХХХ
Гулнора Каримова Қўқонга сафари ҳақида ёзибди. Отасининг 1989 йилдаги сайловолди ҳолатини эслатди. Ўшанда Ислом Каримов камчиликларни очиқ танқид қила бошлаганди. Continue reading
Filed under: Fikrlar | Leave a comment »
Бечора одам
Инсон қамоқ ва назорат учун яратилгандай.
Тўққиз ой она қорнида – қамоқ…
Туғилгандан кейин бешикда – қамоқнинг бир тури…
Тета-поя қилгунча ва ундан кейин ҳам ихтиёр ўзгада.
Болалар боғчаси, мактаб, олийгоҳ…ўзига хос назорат.
Оила…бу энди эркин қамоқ. “Волний”.
Ишга кирдингиз, кунига камида саккиз соат қамоқдасиз.
Машина…
Автобус..
Поезд…
Учқич… вақтинчалик қамоқлар. Continue reading
Filed under: Fikrlar, Kundalik | Leave a comment »
Қобиқ
Борлиқда биз билган ҳолатлар бор. Назаримизда анчагина.
Борлиқда биз билганимизни билган ҳолатлар бор. Назаримизда ақллимиз.
Борлиқда биз билмаганимизни билган ҳолатлар бор. Қаранг-а, қанчалар ақлли кўринамиз.
Борлиқда биз тасаввургина қила оладиган ҳолатлар бор. Бу энди даҳолик дабдабаси.
Борлиқда биз тасаввур қилганимизни тасаввур қила оладиган ҳолатлар бор. Буни тақдирлашга Нобел мукофоти ҳам камбағал.
Борлиқда биз тасаввур ҳам қила олмайдиган ҳолатлар бор. Сохта камтарлик, қойил-е!
Борлиқда биз тасаввур қила олмаслигимизни тасаввур қила оладиган ҳолатлар бор. Бу ўзини таҳқирлашдан роҳатланиш тушунчаси. Continue reading
Filed under: Fikrlar | Leave a comment »
ФОЗИЛБЕКОВ ҲАМ КЕТДИ
Ўзбекистон Президенти Тошкент шаҳар ҳокими Адҳам Фозилбековни ишдан олди.
Адҳам Фозилбеков. У ким эди?
Илгари Тошкент шаҳар коммунистлар партиясининг, сўнг номигагина ўзгарган Халқ демократик партиясининг Тошкент шаҳар қўмитаси биринчи котиби бўлиб ишлаган бу одам ўзини президентнинг энг яқин, энг садоқатли одамларидан бири деб биларди.
Ўзбекистон телевидениесини кўриб борганлар уни доим Президент ёнида кўришар, қучоқлашиб қўшқўллашиб туришганини кўп гапиришарди. Адҳам Фозилбеков ана шу кайфиятни йўқотмаслик учун бутун маҳоратини ишга солди. Ва Ўзбекистон Бош қонунида эътироф этилмаган бўлсада Президентни Тошкент шаҳрида ҳоким сайлови ўтказишга кўндирди. Умумхалқ сайлови давомида Президент ҳам, ҳукумат машинаси ҳам унга ишлади. Сайловга ундан бошқа одамнинг номзоди қўйилмади. Кўпчилик тошкентликлар кўринишидан жуда мулойим, аммо коммунистик партия ўйинларидан анча хабардор бу одамни исташмасада, у ҳоким бўлди.
Юқоридан инъом этилган бу тортиқни оқлаш учун у 1992 йил 16 январда Тошкент шаҳрида талабаларни ўққа тутишга раҳбарлик қилди. Сўнг, Олий Кенгашнинг 7 сессиясида Президентнинг камчиликларини айтган, ўзининг шогирди ва энг яқин сафдоши Ўзбекистон халқ депутати, Фрунзе туман ҳокими Шуҳрат Нусратовни ҳатто сессияга киритмасдан ишдан олди. Лаёқатсиз аммо ҳар қандай қабиҳ ишга тайёр, Президентга ёқадиган кишиларни эса катта лавозимларга тайинлади. Масалан, раҳбарлик фазилатидан йироқ, умрини кайфу сафода ўтказиб юрган Шавкат Мирзиёевни Мирзо Улуғбек тумани ҳокимлигига ўтказди. Continue reading
Filed under: Fikrlar | Leave a comment »
(Давоми)
31.Ўзига ёқмайдиган ҳақиқатни рад этиш.
32.Ўзига ёқадиган ёлғонга ишониш.
33.Юзинг бурилдими, орқадан гапириш.
34.Бетига айтгандан хафа бўлиш.
35.Танқидни “Душманнинг иши”, иғво деб билиш.
36.Мақтаса шайтоннинг ҳам шериги бўлиш.
37.Туҳматга мойиллик.
38.Китоб ўқимаслик.
39.Маишатни севиш.
40.Машваратсиз иш қилиш.
41.Тахтга ёки тахтсимон жойга миниб қолса, тобутга мингунча тушмаслик.
42.Кўчада ётган чўпдан ҳам шубҳа қилиш. Continue reading
Filed under: Fikrlar | 4 Comments »
“Ўзбекчилик” нима?
1.Ўзи қилолмаган ишни бошқалардан талаб қилиш.
2.Ақл ўргатишга усталик, ўрганишга нўноқлик.
3.Халқ деб, ҳалқумни тушуниш.
4.Майда гапларнинг қули бўлиш.
5.Ош учунгина бирлашиш.
6.Саволни “Унга қандай ёрдам, далда бера олдим?” деб эмас, “Нега у менга ёрдам, далда бермади?” шаклида қўйиш.
7.Ўзини осмоннинг устуни деб билиш.
8.Бойга бўйин эгиш.
9.Ўз тарихи, ўз кимлигини билмай миллатчилик қилиш.
10.Қўрқоқлик.
11.Яхшилик қилганга ёмонликни раво кўриш.
12.Бир-бирини кўролмаслик.
13.Одий одамни тиригида тепиб, ўлгандан кейин улуғлаш.
14.Қаттиқўл раҳбарни севиш. Continue reading
Filed under: Fikrlar | 3 Comments »
Ҳали чумолини кашф этмаганмиз
“Одам энг ақлли махлуқ” дейишади. Бўлмаган гап. Дарвин “одам маймундан келиб чиққан” деганда унинг ақли маймун даражасида демоқчи бўлган эмасмикан? Балки маймун одамдан тўраган деган гапни айтишга қўрққанидан аксини айтиб юборганмикан?
Бир кузатиб кўринг, биз ақли заиф дейдиган махлуқот одамдан ақллироққа ўхшайди. Одамзот одийгина чумолининг ҳаёт тарзидаги зигзаг тузумни, структурани, унинг метин интизом илдизини, нутқ сўзлаш қобилиятини ҳалигача аниқлай олмади. Демакки, чумоли одамзотдан анча ақлли, сирли-синоатли. Continue reading
Filed under: Fikrlar | 3 Comments »
Юпун, кийимлари жулдир камбағални тағинда жулдурроқ, намиқиб, сасиб кетган нарсани кийишга ундаманг, ундан кўра яланғоч юргани яхши, Одам Ато ва Момо ҳаво ҳам яланғоч эмасмидилар?
***
Савол берган одамни “СНБ” деб айбламанг, агар “СНБ” бўлганда сиздан қўрқиб савол бермасди.
***
Текин пул кўринса, товуқ уйланаман, хўроз эрга тегаман деб қоларкан.
***
Виждонсиз виждонсизни мақтаса, икки виждонсизга битта кўрпа ҳам зиёд.
***
Ўз номидан гапиролмаганлар Худонинг номидан гапирадилар. Continue reading
Filed under: Fikrlar | 5 Comments »
-1-
Кимгадир эшикни очар экансан, бир куни у эшигингни қарсиллатиб башарангга уриб кетиши ёки тўсатдан тепиб келиши учун имконият бермасликни ҳам назарда тутишинг керак.
-2-
Агар Америкада ҳам йўлингни тополмасанг, демак бу дунёдан йўлсиз ўтиб кетасан.
-3-
Фоҳиш эркаклари қанчалик кўпайган сари ўша жамиятнинг фоҳишалари ҳам шунчалик кўпаяди. Continue reading
Filed under: Fikrlar | 1 Comment »
Каримов адашмайдими?
Кейинги йилларда Ислом Каримовнинг «жигаргўшаси» Шавкат Мирзиёев ҳақида анча-бунча нарса ёзилди. Кимдир у «ота»сининг вориси, деса, кимдир уни Каримов яқин орада эски «туз»лар ёнига жўнатади дейди.
Бу масалада ўн соат ўн жойдан иҳтибослар келтириб, остига адабиётлар рўйхатини илова қилиб, ўн хил хулосани қалаштириб ташлаш ҳам мумкин. Зеро битта хулосага бориб бўлмаслиги ҳақида ҳамманинг ишончи бутун. Continue reading
Filed under: Fikrlar, Kundalik | 3 Comments »
Jahonnoma 
You must be logged in to post a comment.