Posted on July 19, 2012 by Jahongir Muhammad
БИР МАРТА ЯШАЙДИ ЎЗБЕК…
Яқинда бир гастербайтер дўстим билан учрашиб қолдим.
Бироз қаригандек кўринди. Сочларига ҳам оқ оралаган. Озиб ҳам қолган…
Ачинган бўлдим. Нима бўлганда ҳам ўз илмий ишини охирига етказа олмади бечора.
Жуда ҳам ажойиб бир лойиҳа устида тадқиқот олиб бораётганди. Кимлардир эга чиқмоқчи бўлишганди чамамда… Балки шу учундир ўз лойиҳасини сариқ чақага пуллаб билет олиб “ГАСТЕРБАЙТЕР” унвонига эга бўлиш учун чет элларда сарсонликни ўзига раво кўрди. Агарда яна 100 йил чидаб берганда “НОББЕЛ” мукофотига эга чиқармиди балки?! Бу энди ҳазил эмас!!! Continue reading →
Filed under: Muxlislar | Leave a comment »
Posted on July 18, 2012 by Jahongir Muhammad
ЎЗБЕКИСТОНГА МАҲКУМ “ГАСТЕРБАЙТЕРЛАР”…
Ҳурматли Ислом Абдуғаниевич!
Ҳозирда бозор иқтисодиётига ўтиш босқичларида Сизнинг олиб бораётган иқтисодий ва сиёсий ишларингизда кўролмаслик қилаётган чет унсурларнинг кўзлари ириб оқсин! Ҳалиям, барча ривожланиш босқичларини айтиб ошкор этмагансиз, бўлмаса улар Сиз муҳтарам зотнинг режаларингизни ўғирлаб кетишарди ва ўзларига “НОУ-ҲАУ” қилиб расмийлаштириб олишган бўлишарди.
Мен бир неча Аврўпо давлатларида котта бизнес қилишга ҳаракат қилиб уларнинг Ўзбекистоннинг ўзига хос ва ўзига мос бўлган ривожланиш йўли олдида ночор қолганларини кўриб ҳайрон қолдим. Улар бизнесни аслида бизлардан ўрганишлари лорзим экан. Аймоқчиманки, АҚШ биздан 50-100 йиллар орқада, Арўво эса 100-150 йиллар орқада ва шу Россиянинг ўзи камида 200-4000000 йиллар орқада эканлиги ўз исботини топди. Continue reading →
Filed under: Muxlislar | 1 Comment »
Posted on July 17, 2012 by Jahongir Muhammad
Bu ne razolat?
Kecha Rossiyaning NTV kanalida bizga aloqador ko’rsatuv bo’ldi.
U o’zbek ishi, paxta ishi,haqida edi.
Men katta qiziqish bilan ko’rdim uni.
Paxta chanoqlari uzra oqib kelayotgan qon,sovuqda dalada paxta terayotgan ayollar,bolalar…
Qattiq ta’sirlandim,nafaqat yaqin o’tmishimiz,balki bugunning ayni in’ikosi aks etgan bu lavhalarda xalqimizning achinarli ahvol to’laqonli aks etgan.
Siz ushbu voqealar haqida ko’p narsa bilasiz saytdagilardan tashqari yana biron maqola yozsangiz jon deb o’qirdik. Continue reading →
Filed under: Muxlislar, Xatlar | Leave a comment »
Posted on July 15, 2012 by Jahongir Muhammad
ДОВЮРАК…
Ҳурматли Жаҳонгир ака!
Жуда ёшлигимда бир эртакни ўқигандим…
—————————
Ўрмоннинг ўртасида жойланган бир қабиланинг бошига мусибат тушибди. Таланган, оч қолган, касалланган ва ўз йўлини йўқотган бу қабила тақдир сўқмоғида чорасиз қолибди. Қабиланинг бу каби инқирозига кимлардир бойлик ва мансаб илинжида, хоинликлари натижасида бу каби ғурбатларга сабабчи бўлибдилар. Хоинлар ҳам халқ борабарида кулфатни бирга тотишга маҳкум этилибдилар. Чунки, ўз халқига хиёнат қилганлар бошқаларга ҳам хиёнат қилмаслигига ким ҳам кафил бўла оларди дейсиз?!
Боши қотган оқсоқоллар барчани йиғиб маслаҳатлашиб олишмоқчи бўлишибди.
Кимдир ўлимга ўзларини топширишни таклиф қилибди, кимдир душман қўлида хору зорлик бўлсада жон сақлаб қолишни илгари сурибди, яна кимдир қандайдир қуллик кишанларини бошга кийиш лозимлигини ўртага қўйибди….
Маслаҳатдан бирор натижа чиқмагач қабиланинг ёшлари орасидан бир йигит узр сўраб ўз фикрини айтмоқчи бўлибди.
Унинг фикрича хоинлик натижасида бир аҳволга келиб қолган бу зулмат босган юртни ташлаб, қуёш нурларини тўсиб турган ўрмонни тарк этиб қуёш нурлари балқиган жойларга кетиш қабила учун ҳар томонлама афзал эканлигини эътироф этибди. Continue reading →
Filed under: Muxlislar | Leave a comment »
Posted on July 14, 2012 by Jahongir Muhammad
ФАРЗАНДЛАРИМИЗ БИЗДАН КЎРА …. БЎЛИШЛАРИ УЧУН “СОТКА ВА АНТЕННАЛАР”
Ислом Абдуғаниевич Ўзбекистон ёшларига ҳақиқатдан ҳам меҳрибонларча эътибор қаратиб, уларнинг келажакда ҳозирги аждодлариданда кўра кучли, билимли, доно ва албатта бахтли бўлишлари шарт эканлигини бир неча бор такрорлаб жуда ҳам катта бир масалага эътиборларини қаратганлар.
Баъзан, чиндан ҳам аччиғим чиқади…
Ҳурматли Абдуғаниевич шунчалар жон куйдирмоқдаларки, аммо у кишининг самарали йўлларига тўғаноқлик қилаётган бошқа куйдирилган каллалар ҳақида нима дейишимни билмай қоламан.
Сиз барака топкурлар, шундай инсон бир гапни қил деб турибдиларми, ҳеч бир савол жавобларсиз қилингларда номардлар!!!
Ўзларинг айтасанларку… муллани айтгани қил аммо қилганини қилма дея…
Нима бўлган ўзи сиз жанобларга?!
Бир инсон бўладиган бўлса, Абдуғаниевич шунчалар бўладиларда…
Мен “казёл” эмасман аммо тўғрисини айтаман… Continue reading →
Filed under: Muxlislar | Leave a comment »
Posted on July 12, 2012 by Jahongir Muhammad
ЎЗБЕКНИНГ ЯНА БИР АЁЛИ ХОРЛАНДИ….
Ҳурматли Жаҳонгир ака!
Кўлимга бир мактуб келиб тегди, аниқроғи интернетдаги ёзишмалардан бири.
Бировнинг хатини ўқиш керак эмаскуя, аммо спам кўринишида келиб қолган бу мактуб ўзбек тилида бўлиб мени қизиқтириб қўйди ва мен бунга ўз фикримни билдирдим.
————————————————
Не кунларга келиб қолдик?!
Пул учун, жиғилдон учун ўз фарзандларидан меҳрни аяшган ота оналарни ким дея аташ мумкин? Continue reading →
Filed under: Muxlislar | Leave a comment »
Posted on July 11, 2012 by Jahongir Muhammad
Файсбук жосусми?! Қолганларичи?
ЖАҲОНГИР МУҲАММАД: “Фейсбук” сизнинг маълумотларингизни сотиб пул қиладиган жой, сизни манипуляция қилади, “Однокласники” ФСБ ва СНБнинг контрол маркази-бошқарув жойи. Сизни бошқаришади. Массанжерлар буларнинг асл башараларининг ксериокопияси. Шундай экан бу жойлардан мени тополмайсиз. Энг яхшиси электрон почтамга ёки ушбу сайтимга “просто” ёзишдир.
Узр, нима қиламиз, “шунақа замондан” орқада қолган, консервативман.
Жавоб ўрнида……..
Файсбук жосусми?! Қолганларичи? Continue reading →
Filed under: Muxlislar | 4 Comments »
Posted on July 8, 2012 by Jahongir Muhammad
O’zbekcha dars
(Davomi)
Pavlik,Sereja,Boleslav,Kopov,serjant Bunin degan safdoshlarimiz halok bo’lishdi.
Serejani minomyot ikkiga bo’lib yubordi.
Kopovni topganimizda yuztuban yotar ko’zining oq qismi kosasidan chiqib qolgandi,nemis snayperi ko’krak qiyofali nishonni ermak qilganday ko’rish a’zosini nishonga olgandi…
Bir qancha to’pni og’ziga granata tiqib stvolini qiyshaytirdik ya’ni endi bizga xavf sololmaydigan darajada yaroqsizladik.
Biroq tezgina orqaga yo’naldik.Chunki dushman bizdan ancha ustun,ayniqsa bronetexnikasing sanog’i yo’qdek tuyulardi.Har o’nta texnikasiga esa odatda ko’pi bilan ikkita tankimiz g’ildirab maydonga kirar,ko’pchilik tankistlar esa o’qsizlikdan shikoyat qiladi. Continue reading →
Filed under: Muxlislar | 1 Comment »
Posted on July 7, 2012 by Jahongir Muhammad
Мия ва пахта бирлиги
“Ҳали чумолини кашф этмаганмиз“ни ўқиб
…Сиз ажойиб мавзуларни кўтарасиз, шу сабабли хато ёки тўғри бўлсада изоҳ ёзишга кишида ҳавас пайдо бўлади.
Айтганларингиз жуда тўғри!
Бу гапларингиз Ўзбекистон ҳолатида асли ҳақиқатлардир. (бу ердаги мисоллар барчага тегишли эмас!)
Инсоният ўз айбини яшириш мақсадида маймундан тўраб қолдик деган гапга осилиб олишганди.
Мана қарангки, инсондан тўраган маймунлар ҳар томонда бор экан. Уларнинг маймунсифат қилиқлари нафақат бировни калака қилишга асосланган, балки ўзларининг калака қилинишлари ва ўзлари ўзларини калака қилишлари ҳам шу жумладандир.
Итнинг масаласида ҳақиқатдан фикр айтиш жуда қийин. Агар унинг вафодорлигини чин маънода олсак демак шу ит ҳам инсониятдан ақлли деган фаразни юзага келишига сабабчи бўламиз. Лекин, нега бир инсондан аччиғимиз келса уни “ит” деб ҳақоратлаймиз. Аслида ит вафодорлик, яхшилик рамзи эмасмиди?…
Масалада бошқа томондан қарайдиган бўлсак, итда ишлаб чиқариш йўқ яъни бир товуқ каби тухум ҳам қила олмайди. Шу учун у ўзига бошқалар қила олмайдиган ҳунарларни эгаллаган. Ялтоқланиб ўз эгасига “вафодорлик” кўрсатади. Уни сал хафа қилсангиз борми ҳатто бир неча кунлар аразлаб қўлингиздан овқат ҳам емай юради. Continue reading →
Filed under: Muxlislar | Leave a comment »
Posted on July 1, 2012 by Jahongir Muhammad
“ДОНО” ГАСТЕРАБАЙТАР-ЎЗ УЙИГА ҚАЙТАР
Ҳурматли Жаҳонгир ака!
Менинг эски бир қадрдон- дўстим бор эди. Шунчалик профессионалки!
Ўзбекистонда 2 та университетда таълим олган… Аниқроқ айтадиган бўлсак, ” ….” номзодлигига даъвогар эди бечора.
Ҳозирда минг афсуски, Россияда профессионал “ГАСТЕРБАЙТЕР”!
Баъзан телефонда уни шундай атасам бироз хафа бўлади. Нима эмиш уни фақатгина “ГАСТЕРАБАЙТАР” деб аташ мумкин экан. Шу дўстим ишлаётган жойида хўжайинининг нетбукини ижара олиб менга бир мактуб йўллабди.
Унинг мактубини ҳеч бир ўзгартиришсиз Сизга юбормоқдаман. Мр. Қалампир.
————————–
кандай? ишла ОКми? эшитдингми янгиликларни? Continue reading →
Filed under: Muxlislar | 1 Comment »
Posted on June 29, 2012 by Jahongir Muhammad
АСКИЯНИНГ “АСАБЛИ” ТОРЛАРИ
Ўзбек халқи танқид тугул, оддий бир ҳолатни ҳам кечириши жуда қийин!!!
Масалада шуни эътироф этиш мумкинки, аслан ўзбек халқи жуда меҳмондўст!!!
Бир оддий мисол тариқасида…
Агарда биров сизни ўз уйига меҳмондорчиликка чақирсаю, имкон топиб боролмасангиз ва буни зиёфатдан бир неча соатлар олдин уй эгасига айтиб огоҳлантирган бўлсангиз ҳам мезмон буни бошқача тушунишни бошлайди. Мезмон учун сиздек “аҳмоқ” одам топилмайди дунёда. Шунча “тайёргарлик” қилиб қўйдим деб сиздан ўпкалаб юради. Continue reading →
Filed under: Muxlislar | Leave a comment »
Posted on June 29, 2012 by Jahongir Muhammad
O’zbekcha dars
(Davomi)
Frontda vaqt degan tushuncha deyarli yo’q hisobi. Chunki quyosh har kuni ertalab aqlga sig’mas dahshatni yoritadi.Stvoli bukilib ko’mirday qoraygan tanklar,dam pastlik dam balandlik uzra tartibsiz sochilgan turli kalibrdagi artilleriya, okoplar esa ba’zan tuproqqa butunlay to’lib tayyor lahadga aylanadi.Bu tabiiylashgan ammo aslida sun’iy qabrlarda haligina poezdlarda bir-birigat hazil qilib,bir kotelokdan tamaddi qilgan odamlar birgalikda yotibdi.Endi ular kulmaydilar,ular xursand bo’lishmaydi,ularga endi ko’p narsaning ahamiyati allaqachon yo’qolib bo’lgan.. Continue reading →
Filed under: Muxlislar | 1 Comment »
Posted on June 27, 2012 by Jahongir Muhammad
O’zbekcha dars
1-Bob. Zigfred Lensdan ilhomlanganim…
Ushbu kitob o’zbekning o’tmishi, buguni, kelajagi haqidadir.
Ushbu asar og’ir o’qilsada anchayin faktlarga boy. Ayrim javobsiz savollarga kalit bo’lsa, kelajakga yo’l ochsayam ajabmas. Asardan ko’zlangan maqsad ham shu(muallif).
Hozir Ikrom qarshisidagi ikki yo’ldan birini tanlashi kerak yo ataylab asir tushish yoki..
Ikkinchisi odamni lohas qiladi, hatto shu haqda o’ylaganda meni hech kim sezib qolmadimikin deb atrofga bir qur nazar tashlab oladi. Continue reading →
Filed under: Muxlislar | 6 Comments »
Posted on June 26, 2012 by Jahongir Muhammad
ТЕСТЛАРНИ ЕЧГАН КАЛУМБЛАР!
Ҳурматли Рустам!
Авваламбор, барчага раҳмат.
(Рустам ака! Агарда, “Ўзбекча дарс” номли китобингизни бу сайтда эълон қиларкансиз, мени янада қизиқтира бошладингиз! Бу китобингизни камида бир неча марта такрор ўқиб кўраман!)
Олдинги изоҳингизга фикрим!!!
Рустам! Сизнинг ёзганларингиздан англадимки, Сиз ҳали жуда ёшсиз!. Балки, адашсам мени кечирасиз! Тахминан, 1986 йиллар атрофи ёки кейин туғилгансиз…
Сиз ҳеч ўйлаб кўрдингизми, агарда ИАК асарини оддий принтер орқали оддий қоғозга чоп этиб Ўзбекистонда тарқатиш масаласини???
Сиз режа қилиб метрода тарқатмоқчи бўлган асарни чинакам олим киши ёзган.
Бу асар баъзи бир чаласаводларнинг ўзлари варақа кўринишига келтириб автобусда, метрода ёки трамвайда тарқатиб халқни безор қилиб қўйган оддий хумкаллаларнинг ёзишмалари эмаску!!!
Ҳозир замон жуда ривожланди. Фикр алмашинуви жуда тезкор!
Сиз бир ўртоғингизга бу сайтнинг манзилини бериб адашмагансиз. Чунки барча фикр ва асарлар шу ерда… Continue reading →
Filed under: Muxlislar | 1 Comment »
Posted on June 24, 2012 by Jahongir Muhammad
Мен тинчманку…
Оллоҳ берган онг-ла қилурсан зикр,
Айтма, қолаверсин ўзингда фикр.
Нигоҳ сол оламга яхши кўз билан,
Биз тинчмиз-ку ахир, худога шукр!
Сел қўшни воҳада, қуюн водийда.
Осмонимиз тиниқ, унга сол дийда.
Нола қилар Ҳаққа, улар осийда…
Биз тинчмиз-ку ахир, худога шукр!
Иш бор-ку йироқда бўлса ҳам юртдан.
Ҳамма хушмуомала, бўлса ҳам сиртдан.
Учрамас бир-бирин тўнини йиртган,
Биз тинчмиз-ку ахир, худога шукр! Continue reading →
Filed under: Muxlislar | 2 Comments »
Posted on June 23, 2012 by Jahongir Muhammad
ЧАЛА МУЛЛАНИНГ ДАРДУ ҲАСРАТЛАРИ
Россиянинг оппоқ қори, изғирин шамоли ва аёзли кечалари жуда ёмон бўларкан. Бугунги кунга атаб олган ноним ярим кунга ҳам етмасая?!
Ёшлигим, талабалик йилларим ёдимга тушиб кетди, айниқса токчадаги чанг босиб бегонага айланиб улгурган, мени кўзи тўрт бўлиб кутаётган “жонажон” дипломим…
2-ҚИСМ (Тошкент.1999 йил. Магистратура. “Ўз уйингни ўзинг асра!” шиоридан илҳомланганим)
ДАВОМИ…
6.
Ўшанда мени таажжубга солган ҳолат шу эдики, катта лавозимда ишлайдиган юзи чўтир бўлиб кетган, семиз кишининг мен каби оддий бир талаба билан декан хонасидаги учрашуви эди….
Мен чиқиб кетаркан бошқа бир талаба деканнинг кабинетига киришга изн сўради. Continue reading →
Filed under: Muxlislar | 1 Comment »
Posted on June 19, 2012 by Jahongir Muhammad
ТУРКИСТОН ДИЁРИ ОЛИС ЮРТ БУГУН…
Ҳурматли Жаҳонгир ака!
Қизиқ бир ҳангома эсимга тушиб қолди.
Шоирликни орзу қилаётган бир устоз кўрмаган киши яхшигина узтоз топиб унга шогирдликка тушибди.
Ёш шоир ўзининг ёзган шеърларини олиб келиб, устозидан ушбу шеърларга керакли бўлган тиниш белгиларини қўйиб беришини истимос қилибди. Устоз ўқиб кўрсаки, олам яратилгандан бери бу каби “ажойиб” шеърлар дунё юзини кўрмаган экан. Continue reading →
Filed under: E'tirof, Muxlislar | Tagged: Jahongir Muhammad | 2 Comments »
Posted on June 18, 2012 by Jahongir Muhammad
Ватанимдир зорим менинг
Ҳурматли Жаҳонгир ака!
Машҳур ҳофиз Дадахон Ҳасаннинг Сиз билан биргаликда тайёрлаган қўшиқларини эшитиб қолдим. Агарда буюк ҳофизимиз ушбу парчаларни вақтларини аямай кўриб чиқсалар жуда ҳам хурсанд бўлардим.
Рўёб чиқиб барча тушинг,
Бошга қўнди хумо қушинг,
Ўзингда йўқ ақлу ҳушинг,
Асрамадинг бахту қушинг,
Уни қувиб солган ўзинг!
Очолмайсан асло кўзинг,
“Ислом” бўлди дину сўзинг,
Қулф урилган тилу розинг,
Дунёни лол этган бозинг,
Бу кунларга солган ўзинг. Continue reading →
Filed under: Muxlislar | 2 Comments »
Jahonnoma 