Мухлислар ижодидан

ЧАЛА МУЛЛАНИНГ ДАРДУ ҲАСРАТЛАРИ

Россиянинг оппоқ қори, изғирин шамоли ва аёзли кечалари жуда ёмон бўларкан. Бугунги кунга атаб олган ноним ярим кунга ҳам етмасая?!
Ёшлигим, талабалик йилларим ёдимга тушиб кетди, айниқса токчадаги чанг босиб бегонага айланиб улгурган, мени кўзи тўрт бўлиб кутаётган “жонажон” дипломим…

2-ҚИСМ (Тошкент.1999 йил. Магистратура. “Ўз уйингни ўзинг асра!” шиоридан илҳомланганим)

ДАВОМИ…

6.
Ўшанда мени таажжубга солган ҳолат шу эдики, катта лавозимда ишлайдиган юзи чўтир бўлиб кетган, семиз кишининг мен каби оддий бир талаба билан декан хонасидаги учрашуви эди….
Мен чиқиб кетаркан бошқа бир талаба деканнинг кабинетига киришга изн сўради.
7.
Зинадан тушарканмиз Алиш дўстим бошлиққа ёқиб қолганимни қистириб ўтаркан мени маҳалла посбони ва кейинчалик “котта” ишларга ўтқазиш истаклари борлигини тушунтира кетди. Менинг эса эсимга жуда олдин эшитган бир лофнамо, латифа сингари ҳангома келди…
8.
Колхозда бир тракторчи тракторини тариллатиб юраркан. Усти боши доим кир, тоза бўлишига минг уринсада эртаси куни албатта яна чиркин бўладиган, мойга ботиб умр ўтказаётган бир ҳолатда экан, бечора!
Кунлардан бир кун тракторчининг хотини унга айтибди:
-”Адаси! Хотинлар айтишяпти сизни колхозда бригадир қилишар экан!”
Умри трактордан бошқа нарсани билмаган бу киши аччиқланиб хотинига ўдағайлабди.
-”Сен сочи узун, ақли калта нималар деб валдираяпсан, келиб, келиб мени бригадир қилишадими?! Мени устимдан куляпсанми?”
Бироқ, бир неча кунлардан кейин эса шу тракторчи ҳақиқатдан ҳам колхозда бригадир бўлиб сайланибди.
Кунлар ўтиб хотини яна эрига ўз хонишини айта бошлабди.
-”Хўжайин! хотинлар айтишяпти, Сизни колхозда раис қилишаркан!”
Тракторчи бундан ҳайрону лол қолиб, хотинига дашном бера бошлабди.
-”Эй сен! Сочи узун ақли калта. Хотинларнинг гапини уйга ташима. Уларнинг ақли ҳам сенинг каби калта!”.
Худонинг қулга бергани рост каби кўп ҳам кўп ўтмай тракторчи колхозда раис бўлиб сайланибди.
Тракторчининг уйида тўкин сочинчилик бошланиб кетибди. Катта давралар. Катта гаплар. Катта раҳбарлар билан учрашувлар….
Кунлардан бир кун бу каби давралардан сармаст бўлиб келган тракторчига хотини эски ашуласини бошлабди.
-”Хўжайин!, дадажониси… хотинлар айтишяпти, Сизни “Сельсовет”га раис қилишаркан!”
Умри давомида тракторни тариллатиб юрган киши бу қадар омадни кутмаган эди, албатта!
Яна хотинини бу каби аҳмоқ гапларни уйга ташимаслигини, бирор бир ҳолатда ғийбатга аралашмаслигини қатъий тайинлабди.
Кунлар шу зайил ўтаверибди.
Бечора тракторчи ўзи билмаган ҳолда “Сельсовет”га раис ҳам этиб сайланибди.
Аммо томдан тараша тушгандек, тракторчининг хотини яна ўз ашуласини бошлабди.
-”Хўжайин! Сизни яқинда районга ҳоким қилишаркан!”
Бундай гапларга бора бора кўникиб келаётган тракторчи сўрабди.
-”Ким айтди буни сенга?”.
Хотини эса жавоҳирларга бурканган ҳолда нозу карашмалар билан дардини достон қилибди.
-”Хотинлар айтишди!”
Ол қулим деганларидек кўп ўтмай Оллоҳнинг инояти билан ҳақиқатдан ҳам бечора тракторчи ҳоким бўлиб сайланибди.
Ол, бер, бер, ол…Кайфу сафолар…
Бу каби муносабатлар тракторчининг “тинкасини қуритиб” қамоққа тушиб қолибди.
Қамоқда ўз ҳаётининг аччиқ қисматини кўраётган тракторчини ўз хотини сўраб келибди.
-”Жоним, хўжайиним, адаси! Бошлиқлардан, раҳбарлардан ва барча катталардан сизнинг бу қамоқдан қутулиб кетишингизни ёзма равишда илтимос қилдим. Улар сизнинг фидокорана ишларингизни улуғлаб яқинда қамоқдан озод қилишларини ваъда беришди.”
Шунда ҳафсаласи пир бўлган тракторчи дебди:
-”Бошлиқларни қўй! Хотинлар нима дейишяпти? Мана шулардан гапир!”- деган экан .
Кулгим келарди. Менга Алиш дўстим тракторчининг хотинидек ваъдалар берар эди.
Ноқулай суҳбатдан сўнг Алиш дўстим билан жума куни соат 10.00 да унинг “даргоҳида” учрашишни келишиб хайрлашдик.
Негадир кўнглим бу учрашувнинг оқибатини тушуна олмас эди.
9.
Мени бугунки кун жуда “мажруҳ” қилганди.
Китоб, қаламлар сотиладиган расталари орасидан ўтиб борарканман, мени яна бир “қувончли” ҳолат ўзига тортди.
Ўзимдан беш қадамларча нарида Алиш қирқ биринчи калиш деганларидек, Андижонлик Мамарайим дўстим милиция формасида менга жилмайиб турарди…
10.
Мамарайимнинг кабинети.
Эй,худо! Нима, милиция формасини кийганлар доим шунақа бирдан ўзгариб ўзларини кучларини намойиш этарканлар-а?
Алишдан фарқинг қолмабди…
Алишниг хонаси каби тор бир хонада мени кучли бир нохушлик ўзининг бағрига тортиб турарди.
Хонанинг ташқарисидаги ҳаво нақадар тоза ва мусаффо…
Аммо Мамарайим дераза ойнасини очаркан, хонага баҳор ҳавоси кириб келгандек бўлди.
Мамарайим олдин умуман бошқача эди чамамда.
Ўрнашиб оларканмиз, менга ароқми ёки коняк дея мурожаат этди.
Мени кулгимни келтирган бу саволга коняк ҳам, ароқ ҳам деб жавоб бердим.
Мамарайимнинг хонаси ароқнинг бадбўй ҳидидан анқиган бўлсада Алишнинг хонасидан фарқли бўлиб чиқди.
Менинг кайфим оша бошлади.
Мамарайимнинг ҳам кайфи оша бошлагандир балки?!
Мамарайиб деворда осилган плакатлардаги суратларни кўрсатаркан менинг бу тўғридаги фикримни билмоқчи бўлди.
Энди эътибор бера бошладим.
Бу плакатлар Алишнинг хонасидаги каби бир хил эди.
Баъзи бир қидирувда бўлганларнинг ёши 30-40 ёшли кўриниб, соқол мўйлови бобомнинг соқолидан ҳам узун эди чамамда.
Баъзи бирлари она сутлари оғзиларидан кетмаган 15-22 ёшлардаги болалар эди.
Ҳар бирининг нега қидирилаётгани кишининг расми остидаг Жиноят Кодекси моддалари бўйича изоҳланган эди.
Менга жуда қизиқ ва ҳайратланарли бўлган бу ҳолатни Мамарайим бузди.
Буларнинг кодекс асосида нега қидирилаётганини биласанми дея мени таажжубга солиб савол бера бошлади.
Мен ҳуқуқ ва бу каби моддаларни билмаганим учун елка қисиб қўя қолдим.
У эса маст бўлиб қолганди…
Нималардир деб менга тушунтирмоқчи бўлди, аммо тилининг ғулдираши менга аниқ бир тафсилотни айтишига тўсқинлик қиларди…
У айтган гаплардан хулосага келинса, унга милиция хизмати бегона эканлигини тушунса бўларди.
Балки, мендан гап олиш учун шундай йўл тутаётгандир?…
Аммо, у ҳақиқатдан ҳам маст бўлиб қолганди.
Мен билган Мамарайим маст бўладиган бола эмасди…
Эҳ, алкаш!, Мен билган дўстларимнинг ичидаги энг билимли бола…. Фавқулотда гений бола… не кунларга тушиб қолдинг?!…

ДАВОМИ БОР…

Мр. Қалампир.

One Response

  1. ТЕСТЛАРНИ ЕЧГАН КАЛУМБЛАР!

    Ҳурматли Рустам!
    Авваламбор, барчага раҳмат.
    (Рустам ака! Агарда, “Ўзбекча дарс” номли китобингизни бу сайтда эълон қиларкансиз, мени янада қизиқтира бошладингиз! Бу китобингизни камида бир неча марта такрор ўқиб кўраман!)
    Олдинги изоҳингизга фикрим!!!
    Рустам! Сизнинг ёзганларингиздан англадимки, Сиз ҳали жуда ёшсиз!. Балки, адашсам мени кечирасиз! Тахминан, 1986 йиллар атрофи ёки кейин туғилгансиз…
    Сиз ҳеч ўйлаб кўрдингизми, агарда ИАК асарини оддий принтер орқали оддий қоғозга чоп этиб Ўзбекистонда тарқатиш масаласини???
    Сиз режа қилиб метрода тарқатмоқчи бўлган асарни чинакам олим киши ёзган.
    Бу асар баъзи бир чаласаводларнинг ўзлари варақа кўринишига келтириб автобусда, метрода ёки трамвайда тарқатиб халқни безор қилиб қўйган оддий хумкаллаларнинг ёзишмалари эмаску!!!
    Ҳозир замон жуда ривожланди. Фикр алмашинуви жуда тезкор!
    Сиз бир ўртоғингизга бу сайтнинг манзилини бериб адашмагансиз. Чунки барча фикр ва асарлар шу ерда…
    Сиз баъзи фикрларнинг тортишув масаласи деб бизнинг манфаат тўғрисида тортишганларимизга изоҳ бериб ўтгансиз…
    Мана, қаранг! Ўртоғингиз 36 га 36 ечади деганингиз бу кишилар аслида давлат тест тизимида олий ўқув юртларига ўқишга кириш учун интилаётган “Абитурлиентлар” ва “бункер”,”паравоз”, “снайпер” ҳамда бошқаларидир.
    Мени ҳам бу масалада баъзи бировлар ўзларига жалб қилишганди. Мен уларнинг ҳамроҳлигида кўп довонлардан ўтдим.
    Сир эмас!!! Ўртоғим математикадан, мен эса инглиз тилидан ва бошқаси она тили ва адабиётидан тестларни “бункер”да ечиб бердик. Мен ҳам математика ва она тилини билардим… Менинг ўртоқларим эса мен кўра инглиз тилида кучли эдилар…
    Аммо, барча ўз қилиши лозим бўлган ишни қилишди…
    Биласизми “юксаклик” қай даражага кўтарилди???
    Мен 6-9 минутда инглиз тили варианти бўйича 36 саволдан 34-36 саволга жавоб берарканман, қолган дўстларим она тилидан 35-36 саволга 4-8 минут, математика фанидан 36 та саволга 10-12 минутгача ўртача айтадиган бўлсак 33-36 саволга тўғри жавоб беришлари барчани лол қолдирди.
    Биламизки Ўзбекистондавариантдаги тестлар бошқа вариантларда ҳам тарор келади. Буниг оқибатида ўзимиз ечган масалани такрор ечиб ўтиришга зарурат қолмайди.
    Математика-бу турк лицейининг санъатидир яъни саволга бир нигоҳ ташлаб тестнинг жавобини оддий ҳал қилиш “пирёмлари”!!!!
    Ким айта олади?? Турк лицейи ўқувчиси каби ишларни қила олмайди дея?!!!
    Мен кечирарсизлар деган умиддаман. Чунки, барибир ўзбек халқиниг фарзандларимиз… Билганмиз ва тан берганмиз!
    Агар бошқача бўлса мен каби ёки бошқалар ватан фидоиси эмас!!!
    Ўшанда чўнтакларимиз долларга тўлгани ҳали ҳануз эсимда. Жуда хурсанд эдик… Биз ресторанларда ўз омадимизни ювдик…
    Билмаган эканмиз, ўшанда ўзбек халқининг ҳақиқий билимли ва инсонлари билан рақобат қилган эканмиз!!! Бу бизнинг камчилигимиз экан ўшанда!
    Нега дейсизми?? Пул топдик, лекин билимсиз аҳмоқларни олий ўқув юртига киритиб бердик….
    Мана кўрдизми, ҳақиқий ватан сотқинлари ва хоинлари қаерда пайдо бўлдилар!!!!
    Мен, менинг дўстим, менинг ҳамроҳим, сен (Рустам-менинг дўстим), ва бир биримизни билмаган “бункер”, “паравоз”, “снайпер”!!!!!!!!!!
    Биз ватанни оддий қоғозлар бўлмиш “кўкига” яъни долларга сотдик. Бу даврда билимлилар қолиб кимларга ёрдам бердик????
    Айтасанда, Рустам дўстим! Сен ва аҳмоқ ошналаринг ёрдам қилганларинг умуман олганда кам кишилардир, балки дея!
    Йўқ! бу ерда бизлар қилган хатолар жуда катта!!! Чаласаводларнинг Давлат тест марказидан олинган жавоблари “энг катта хато”дир. Биз эса миллион марта хатоликларга йўл қўйдик!!!
    Сен билан мен миллатнинг қонини ичдик, унинг омадини бўғдик, бугунки чаласаводликларга ҳам қайсидир жиҳатдан бизлар ҳам айбдор!!!
    Рустам! Сени нега айблайман!!! Сен бир неча олийгоҳларни тугатдинг, камида 8 та чет тилини она тилинг каби биласан!
    Нега саволларинг қалбимни эзади!!!
    Аҳмоқларни олий ўқув юртларига киритишда нималар қилдик???
    Бу каби ўзбек фарзандлари камми??? Мен тўхтадим. Нега бошқалар тўхташмайди???
    Энди катта савол туғилади….
    -“Ҳа энди, бир олийгоҳдаги “бункер”га ёрдам қилган бўлсанг, нега ўзингни айблайсан, нега сочингни юласан???”

    ИЗОҲ:
    Агарда менга 116- вариантга тушган бўлса, қайси вилоятда бўлса ҳам а,б,д,с,е вариантлари бир хил эди…
    Агар мен 195 вариантни тўғри еча олсам демак билингки, шу вариантдаги жавоблар бошқа вилоятлардаги вариантларни камида 800 киши билан бир хил эди…………………..
    Эҳ! Аҳмоқ Рустам! Мени ва бошқа дўстларингни миллатга нисбатан хоин бўлиш яъни миллий билимни сотишга айбдр қилдинг!!!
    Мени эса ўзимга душман қилдинг! Мен аҳмоқ…..
    Ҳурмат билан Мистер Қалампир…

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: