Жаҳонгир Муҳаммад׃ “ҚИЁМАТ КУНИ” (10)

Блогда ёзиб борилаётган тарихий-замонавий роман
-10-
Эликот шаҳри, Мериланд штати.

Яқинларимдан бири миясига қон қуйилиб, касалхонага тушди. Етмиш ёшда. Бундай пайтда тузалиш осон кечмайди. Бунинг устига миясига қон қуйилганини кеч билиб қолишибди. То касалхонага олиб боргунча қон қотиб қолибди. Ўзига қайтмади. Пайшанба куни оламдан ўтди. Кўнгил бузилди, аммо таскин берувчи гаплар кўп.
“Жума оқшомида…”
“Муқаддас Рамазон кунларида…” Continue reading

Jahongir Muhammad: “Qiyomat kuni (10)

Blogda yozib borilayotgan tarixiy-zamonaviy roman
-10-
Elikot shahri, Meriland shtati
Yaqinlarimdan biri miyasiga qon quyilib, kasalxonaga tushdi. Etmish yoshda. Bunday paytda tuzalish oson kechmaydi. Buning ustiga miyasiga qon quyilganini kech bilib qolishibdi. To kasalxonaga olib borguncha qon qotib qolibdi. O’ziga qaytmadi. Payshanba kuni olamdan o’tdi. Ko’ngil buzildi, ammo  taskin beruvchi gaplar ko’p.
“Juma oqshomida…”
“Muqaddas Ramazon kunlarida…” Continue reading

Жаҳонгир Муҳаммад׃ “ҚИЁМАТ КУНИ” (9)

Блогда ёзиб борилаётган тарихий-замонавий роман

-9-

Истанбул,Туркия

Саиджон Алишер билан Истанбулга келди. Бу унинг қадимий ва афсонавий шаҳарга илк бор келиши эди. Шунинг учун ҳам  кўнглининг бир четида ҳаяжон билан бирга яна бир четида дўсти Алишерга миннатдорчилик туйғуси ҳам жўшаётганди. Лекин уларни кутиб оладиган киши келмади.

Алишер кимгадир сим қоқди. Икки соатлардан кейин Темур деган йигит келиб, уларни меҳмонхонага олиб бориб, жойлаштирди.

Темур туркча ва ўзбекчани аралаш қилиб гапирар экан. Аслида у жуда оз гапирадиган киши экан. Салом-аликдан нарига ўтмади. Саиджон меҳмонхонада қолди. Алишерни эса Темур олиб кетди. Continue reading

Jahongir Muhammad: “Qiyomat kuni (9)

Blogda yozib borilayotgan tarixiy-zamonaviy roman
-9-
Istanbul,Turkiya
Saidjon Alisher bilan Istanbulga keldi. Bu uning qadimiy va afsonaviy shaharga ilk bor kelishi edi. Shuning uchun ham  ko’nglining bir chetida hayajon bilan birga yana bir chetida do’sti Alisherga minnatdorchilik tuyg’usi ham jo’shayotgandi. Lekin ularni kutib oladigan kishi kelmadi.
Alisher kimgadir sim qoqdi. Ikki soatlardan keyin Temur degan yigit kelib, ularni mehmonxonaga olib borib, joylashtirdi.
Temur turkcha va o’zbekchani aralash qilib gapirar ekan. Aslida u juda oz gapiradigan kishi ekan. Salom-alikdan nariga o’tmadi. Saidjon mehmonxonada qoldi. Alisherni esa Temur olib ketdi. Continue reading

Javobga javob

Aka haqiqatan ham yozganingiz menga yoqdi. Menimcha yozayotgan odam o’zi nimadir yetishmagandek qoniqish hosil qilib ko’ngli to’lavermaydi. Balki shundayligi ijodkorning yutugidir.
Nima bo’lganda ham yana hali ko’p yaxshi asarlar yozavering, biz o’qiyveraylik.

Rizobek.

Mulohazaga javob o’rnida

Hurmatli Rizo Obid.
Hali endi yozila boshlangan “Qiyomat kuni”  haqida “Zamondosh” saytidagi samimiy iliq so’zlar uchun rahmat. Kam bo’lmang!
Bilaman, bu qadar darajada emasligimni va shuning uchun ham gaplaringizni avans sifatida deb bildim.
Bu endi bu yog’ini yaxshiroq yoz deb dildan keladigan hayqiriqqa aylandi.
Ruhni ko’targaningiz uchun minnatdorman.

Hurmat bilan JM.

“Қиёмат куни” ҳақида мулоҳаза

Ҳақиқатнинг юзи

Ризо Обид,
“Замондош” муҳаррири

Ҳақиқатнинг ҳам, ноҳақликнинг ҳам юзи бўлади. Аммо ҳамма нарсанинг ҳам ўз сир- синоати бўлгани каби ҳақиқатнинг ҳам очилиши керак бўлган парда ортида яширинган юзи ҳам бор. Маълумки ҳақиқатни исбот қилиш учун эса унинг юз пардасини очиш керак бўлади. Бу каби сермашаққат ва мушкул вазифани уддалашни ҳар ким ҳам эплай олмайди , таъбир жоиз бўлса ҳар кимда ҳам жасорат ва матонат етишмайди. Continue reading