Posted on December 29, 2012 by Jahongir Muhammad
ҚОН БИЛАН ҚЎРҚИТИШ ёки АКУЛА
Ўзбекистон халқи руҳий қўрқув ва депрессияга йўлиқтирилмоқда.(Хабарлар оқимидан).
Болалигимда бир кун ҳовлимиздаги дарахтдан мева тушириш учун тош отаётгандик, опам улоқтирган тош менинг пешонамга урилди. Бир сесканиб кетдим. Опамнинг ранги учиб кетган, ерда ўтириб олиб йиғлай бошлади. Менинг юзимдан иссиқ бир нарса оққандек бўлди. Қўлим билан силиб қарасам, пешанамдан қон оқаяти. Бирдан вужудимни қўрқув босди. Опам қонни кўриб, қўрққанидан йиғлай бошлаган экан. Мен ҳам опамга қўшилиб йиғлаб юбордим.
Ўшандан биламанки, одамда қондан қўрқиш инстинкти бор. Балки одам катталашиб борган сари бу инстинкт кучсизланиб борар. Аммо болаликда бу жуда кучли бўлади. 4-5 ёшларимдаги ўша воқеа худи кечагидек ёдимда тургани унинг руҳиятга таъсирини кўрсатади. Бу таъсир шу қадар кучли бўлганки, хотира уни бир умрга ўз хазинасига муҳрлаган. Continue reading →
Filed under: Kundalik | 5 Comments »
Posted on December 28, 2012 by Jahongir Muhammad
Халқ бошқарув баҳам кўрилишини билсагина қўллайди
САВОЛ: Ислом Каримов ақлли бўлгани учун бугунгача президентликни ушлаб турибди, агар унинг ўрнига бошқа одам бўлганда қачонлардир қулаб кетарди, дейишади. Шунга муносабатингиз?(Олим).
ЖАВОБ: Ислом Каримовни аҳмоқ эди дея олмайман. Уни айёр-ақлли дейиш мумкин. Қалбида демократия учқуни бўлмаган ақлли одам.
Демократия халқ бошқаруви эканлигини урғуласак, Ислом Каримов якка бошқарувчилар тоифасига кирадиган шахслардан. Бундайлар ҳар доим кўпчиликни ташкил қилган ва ҳозир ҳам шундай.
Ислом Каримов мансабга келганда яккаҳокимлик учун қурилган бошқарув мавжуд эди. Бу бошқарувни ўзгартириш учун метин ирода ва буюк жасорат талаб қилинарди. Чунки аниқ натижа бўлмаслиги ва тахтдан учиб кетиш эҳтимоли ҳам бор эди. Continue reading →
Filed under: Savol-Javob | 1 Comment »
Posted on December 27, 2012 by Jahongir Muhammad
МАМЛАКАТНИ ОБРЎСИЗЛАНТИРИШ
Бир пайтларнинг машҳур Ўзбекистони ҳатто Қозоғистон соясида қолиб кетди. (Хабарлар оқимидан).
1990 йилда Ошкоралик қўмитасида ишлаганимда, “Озодлик” радиосининг мухбири қарийб бир соатлик суҳбат ёзиб олди. Кўнгилдаги ҳамма гапларни очиқ айтдим ва саволларга ҳам ошкора жавоб бердим. Радиода бу суҳбатни бир неча кун давомида бериб боришди. Ўшанда КГБ (МХХ) хорижий радиоларда Ўзбекистон ҳақида чиққан материалларнинг матнини ҳар кун брошюра-китобча ҳолида нашр этиб, биринчи раҳбарга тақдим этиб боришини билиб қолган ва бу китобчани ҳаммага тарқатишни талаб қилгандик. Ҳамма бўлмаса ҳам Олий кенгашнинг барча қўмиталари ҳам ола бошладилар. Continue reading →
Filed under: Kundalik | 1 Comment »
Posted on December 25, 2012 by Jahongir Muhammad
ИСЛОМЛАШТИРИШ 
Экстремизм деганда биринчи галда Ислом фундаментализми тушунилади. Шундай эмасми? Лекин Ислом давлати бўлгандан кейин Ислом фундаментализми – экстремизм кучаймасдан заифлашсинми?
1990 йилларнинг бошида бир латифа ёзгандим. У “ЭРК” газетасида чиққач, машҳур бўлиб кетганди.
Мазмуни шундай эди׃ Каримов диндорлар билан учрашганда уларга Ислом давлати қуриб бериш ҳақида ваъда қилади. Орадан йиллар ўтиб, унга сўзининг устидан чиқмагани эслатилади. Шунда у׃
-Мен сўзимнинг устидан чиқдим, Ўзбекистон Ислом давлатига айланди, яъни менинг давлатимга,-деб жавоб қилади. Continue reading →
Filed under: Kundalik | Leave a comment »
Posted on December 24, 2012 by Jahongir Muhammad
ТОЙИБА ТЎЛАГАНОВА
Танишув
Иқтисод фанлари кандидати Толиба Тўлагановани илк марта 1990 йилнинг 24 март куни кўрдим. Биз сессия оралиғида тузилажак комиссиялар масаласини муҳокама қилаётган эдик.
Эшик тақиллаб, бир жувон кириб келди ва майин овозда:
-Менинг номим Тойиба Тўлаганова, мени ҳуқуқ комиссиясига ёзишган экан, сизларга ўтсам бўладими?-деди.
Ошкоралик комиссиясига раҳбар бўлган Эркин Воҳидов:
-Бу масалани Ислом ака билан маслаҳат қилишимиз керак. Ўзимизча қарор беролмаймиз,-деб жавоб қилди. Continue reading →
Filed under: Мустақиллик қаҳрамонлари | Tagged: Тойиба Тўлаганова | 2 Comments »
Posted on December 22, 2012 by Jahongir Muhammad
Ҳар кунни ҳам қуёшли кун деб бўлмайди
САВОЛ׃ Гулнорани истаётганлар ҳақида деб номлаганингиз жавобни ўқиб менда бошқа бир савол туғилди. Қизини реклама қилишни ИАКнинг ўзи буюрмаганмикан?(Барот).
ЖАВОБ׃ Бу ҳақда олдин ёзгандим. Агар ИАК қизини ўз ўрнига қўйиш қарорига келганда уни дарҳол ҳукуматга катта бир мансабга тайинлаб, иш ўргатарди. Қизи отасига қулоқ солмай қўйганди. Бу эса ИАКнинг қарор олишини қийинлаштирган омилдир. Аммо у қаримоқда ва кундан кунга “ишдан чиқмоқда”. Бу дегани қизининг капризларига кўникмоқда. Буни мойиллик деб ўйлаган ёнидагилар “пахта қўйиш” учун қизини “кўтар-кўтар” қилаётган бўлишлари ҳам мумкин. Бу бир тахмин. Гулнора яна отасини мақтаб қолиши ҳам бежиз эмас. Continue reading →
Filed under: Savol-Javob | 3 Comments »
Posted on December 21, 2012 by Jahongir Muhammad
Гулнорани истаётганлар ҳақида
САВОЛ׃ Ассалому алайкум Жаҳонгир ака! Сизга бир-икки саволларим бор эди. Шулардан биттаси Гулнора Каримова ҳақида. Биров ҳақида яхшими ёки ёмонми бирор нарса ёзилса, бу унинг пропагандаси бўлади, унинг кучи борлигини ва бу куч кимларнидир безовта қилаётганини кўрсатади? Агар ўша одам куч бўлмаса салбий ва ижобий ёзилганлар аста-секин уни кучга айлантиради. Шунинг учун бўлса керак Ислом Каримов ўз рақибларини эсламасликка ва унуттиришга ҳаракат қилади. Continue reading →
Filed under: Savol-Javob | 3 Comments »
Posted on December 21, 2012 by Jahongir Muhammad
СИРЛИ-СИРЛИ ЎЛДИРИШ
Ўзбекистонда режимга мухолифатда бўлганлар орасида сирли ўлимлар кўпайиб бормоқда. (Хабарлар оқимидан).
1970 йилларнинг бошида Самарқандга вилоят партия қўмитасининг биринчи котиби қилиб юборилган Владимир Николаевич Қодиров (У етимхонда ўсгани учун унга урусча ном беришган-ЖМ) инқилобий ишлар бошлайди. Жуда қисқа вақтда порахўрлик, талон-тарож, адолатсизлик, ҳақсизликнинг олди олинади. Ҳуқуқ-тартибот соҳасидагилар, қассоблару каззоблар, савдо ходимлари-ю мафия қаршилик кўрсата бошлайди. Continue reading →
Filed under: Kundalik | Leave a comment »
Posted on December 20, 2012 by Jahongir Muhammad
“Бу одам рафиқини ҳам, рақибини ҳам кечирмайди!”
“2001 йилнинг 6 июл куни Ўзбекистон Инсон ҳуқуқлари жамиятининг Қашқадарё вилоят кенгаши раиси, собиқ Ўзбекистон Халқ депутати, “Бирлик фаоли” Шовруқ Рўзимуродов ўлдирилди.” Хабарлар оқимидан.
…Ўзбекистон Халқ депутати бўлган Тойиба Тўлаганова (41), собиқ СССР халқ депутати ва Ўзбекистон халқ депутатларининг рўзномаси “Халқ сўзи”нинг илк бош муҳаррири Аҳмаджон Мухторов(57), мустақиллик учун кураш йилларининг Ўзбекистон халқ депутати Шовруқ Рўзимуродов(44)…. Улар Аллоҳнинг марҳаматига қовушган бўлсинлар!..
1990 йилнинг 24 март куни Ўзбекистон Олий кенгаши тўққизинчи чақириқ биринчи сессиясида Аҳмаджон Мухторов нутқ сўзлаб: “Демократик жараёнларни янада ривожлантириш, сиёсий ўзгаришларни чуқурлаштириш, конституцион тузумни, фуқароларнинг ҳуқуқларини, эркинликлари ва хавфсизликларини мустаҳкамлаш, бошқарув олий органларининг ўзаро алоқасини такомиллаштириш мақсадида президентлик бошқаруви жорий этишни”таклиф қилди. Continue reading →
Filed under: Мустақиллик қаҳрамонлари, Kundalik | Leave a comment »
Posted on December 19, 2012 by Jahongir Muhammad
КЎЗ-КЎЗ ҚИЛИШ
Ўзбекистон усти ялтироқ, ичи қалтироқ бир мамлакат экан. (Сайёҳнинг хотираларидан).
Бир кун “тошдан ҳам қаттиқ” деб ном олган танишимиз уйига ошга чақирди. Ҳаммамиз ҳайрон бўлдик. У умрида чўнтагидан бир сўм чиқармайдиган одам эди. Битта кўйлакни ҳар куни кийишига қараб, “Бечора-да, деб индамас эдик. Агар овқатланишга борсак, “Қорним тўқ, сизларга ош бўлсин” деб индамай ўтираверарди. Аммо унга ҳам овқат буюрсак, ўзиникини тугатиб, бошқалардан қолганини ҳам еб, яна “Савобини ҳам олай” деб косаю товоқларнинг остида қолганларини нон билан суртиб олиб, еб, идишларни ялтиратиб қўярди. Continue reading →
Filed under: Kundalik | Leave a comment »
Posted on December 18, 2012 by Jahongir Muhammad
БОЙМИРЗА ҲАЙИТ…
Атрофингда дўст-душман еб қўйгудек боққанда,
Хиёнатнинг ханжари юрагингни ёққанда,
Ойнинг ҳам қиличидан қирмизи қон оққанда,
Бош учингда йиғлаган Боймирза Ҳайит, ахир,
Уни Ватандан қувдинг, шўринг қурсин, эй, ғофил!
Икки дунё бир бўлиб, ўзлигинг йўқолганда,
Севган жигарларингни ёбоний ўқ олганда,
Вужудинг чўккан маҳал, ботмаган қўл қолганда,
Сени инграб уйғотган Боймирза Ҳайит, ахир,
Уни Ватандан қувдинг, шўринг қурсин, эй, ғофил! Continue reading →
Filed under: she'rlar | Leave a comment »
Posted on December 17, 2012 by Jahongir Muhammad
ҚАМОҚДА ЧИРИТИШ
“Ўзбекистонда ўн минглаб одамлар қамоқларда абадий сақланмоқда. (Хабарлар оқимидан).
Мактабда ўқирдик. Ёзда ғишт тўкиб, беш-тўрт сўм пул қилмоқчи бўлдик. Синфдошим Қаҳҳор ва биздан бир синф кейинда ўқийдиган Қосим деган йигитлар билан бирга Самарқанд-Панжакент йўлида, Регистондан икки километр узоқликда бир кишининг энди қурилаётган уйида иш бошладик.
Ишимиз тугай деб қолганда уй эгаси Ўзбекистон Ички ишлар вазири Ҳайдар Яҳёевнинг укаси эканлигини билдик. Гапнинг очиғи, Ҳайдар Яҳёев деган одамнинг ўзи кимлигини билмас эдик. Аммо уйга келиб, бизлар вазирнинг укасиникида ишлаётганимизни айтиб, мақтангандим, дадам׃
-Йиғиштир бу ишни,- дедилар.
Ҳайрон бўлдим.
-Ҳайрон бўлма, нима, қамоқда чириб кетмоқчимсан, уччалангни ҳам пулингни ўзим бераман, борманглар. Continue reading →
Filed under: Kundalik | Leave a comment »
Posted on December 16, 2012 by Jahongir Muhammad
Жосусга айланиб қолманг!
САВОЛ: Ўзбекистоннинг АҚШдаги элчилиги ватандошлар билан алоқалар ўрнатиб, уларни ватан учун хизматга сафарбар қилишга киришгани ҳақида ўқиб қолдим. Уларга ёрдам ҳам беради деган гаплар пайдо бўлди. Шу ҳақда бирор нарса биласизми?(Акмал).
ЖАВОБ: Билганим шуки, бирорта давлат бугунга қадар мамлакатни тарк этиб, ўзга юртнинг фуқаролигини олганларга самимий ёрдам берган эмас. Аксинча ёрдам бериш алдови билан улардан фойдаланган, жосуслар етиштирган, ўзига келадиган хавфни бартараф этган. Бу шундай бўлган ва бугун ҳам шундай.
Жуда кўп давлат раҳбарининг-айниқса, диктаторларнинг-хориждаги ватандошларни назоратга олиш учун махсус фондлари бўлади. Бу фонддаги маблағларни разведка идоралари, элчихоналар ва турли жамиятлар орқали ишга солади. Continue reading →
Filed under: Savol-Javob | Leave a comment »
Posted on December 16, 2012 by Jahongir Muhammad
ДУНЁНИ ЧАЛҒИТИШ
Ўзбекистонда қабул қилинган қонунлар амалга кўчмай қолади.(Хабарлар оқимидан).
1991 йилда Ўзбекистон мустақиллиги қонунлаштирилгандан кейин илк расмий ҳукумат ташрифи Россияга бўлди. Ҳайъатни ҳукумат раҳбари – Вице президент Шукрулло Мирсаидов бошқарди. Мен ҳайъат таркибига қандай қўшилганимни ҳалига қадар билмайман. Чунки Каримов охирги дақиқада менинг номимни ўзи қўшганини айтганди. Шукрулло Раҳматович эса, “Мустақиллик учун курашганлардан ҳам бирортасини қўшайлик”, деб менинг номимни қўшганига ишора қилганди.
Аниғи шу эдики, мен Россияга борадиган расмий делегацияга қўшилганимни охирги кун билгандим. Гап бунда эмас.
Бизни жуда катта тантана билан кутиб олишди, музокараларда Борис Елциннинг ўзи бевосита қатнашди ва охирида катта зиёфат берди. Анчагина ичилди. Мен Мирсаидовга яқин ўтирган эдим. Қарши томонда ўтирган Елцин қўлида қадаҳи билан ўрнидан туриб, биз томонга ўтди. Шукрулло ака ўрнидан турди. Биз ҳам турмоқчи бўлгандик, Шукрулло ака қўлини елкамга қўйиб, ўтираверинг, ишорасини қилди. Буни кўрган бошқалар ҳам қайтиб ўтиришди. Continue reading →
Filed under: Kundalik | Leave a comment »
Posted on December 15, 2012 by Jahongir Muhammad
Шашти баланд шоир
Бир куни Ёдгор ака билан Ҳазар денгизининг соҳилида суҳбатлашиб бораётгандик, у киши тўлқинларнинг соҳилга урилиб, кейин ортга қайтишига тикилиб қолдилар.
-Бунда ҳам катта фалсафа бор-а, Ёдгор ака,- дедим мен.
-Ҳа, биз ҳам тезроқ орқага қайтишимиз ҳақида ўйлаяпман. Қаранг, шашти тез тўлқинлар ортга ҳам шашт билан қайтмоқда. Шашти сустлари эса соҳилнинг этагини “тутиб” қолмоқда…
Ҳар ҳолда сўзма-сўз айнан бўлмасада, суҳбатларимиздан бирининг мазмуни шундай эди.
Ўшанда мухолифатнинг шашти бугунги каби суст эмас, аксинча шашти анчагина баланд эди. Ҳатто ҳукуматни қўлга олган Озарбайжон мухолифати ҳам ўзбеклардан бир нарса ўрганишга ҳаракат қиларди. Continue reading →
Filed under: Maqolalar | Leave a comment »
Posted on December 14, 2012 by Jahongir Muhammad
Qoqlanmagan ishton kissasi yoki diktatorning noskadisi
Zo’r yigit
“Zokir Almatov juda zo’r yigit”,-dedi Ismatcha “Ozodlik” radiosining Qurultoy dasturida. Dasturni tinglagan qo’shnisi unga:
-Zokir Almatov jallodku?-dedi.-Bir umr uning qo’li qon bo’lgan va shunday bo’lib qoladi ham. U juda ko’p begunoh odamlarning boshiga etdi.
-Zato meni kamerada shaxsan o’zi kelib ko’rgan, 25 kilo narkotik modda bilan qo’lga tushgan bo’lsam ham qamoqdan olib chiqqan,-deb maqtandi Ismatcha.
-Bekordan bekorgami?
-Yarmini olaman degandi, lekin uchdan birini bersam ham rozi bo’lgan.
Qo’shnisi kesattdi: Continue reading →
Filed under: Yangi latifalar | 1 Comment »
Posted on December 13, 2012 by Jahongir Muhammad
МАЪНАН ЙИҚИТИШ
Ўзбекистонда ўзгача фикрловчиларни маънавий жиҳатдан ҳам йиқитиш одат тусига кирган. (Хабарлар оқимидан).
1980-йилларда Ўзбекистон телевидениесининг Москвадаги мухбири бўлиб ишлаган Раимжон Султонов Шароф Рашидовнинг сўнгги кунлари ҳақида шундай ҳикоя қилганди׃
-Шароф Рашидович кутилмаганда Ўзбекистоннинг Москвадаги ваколатхонасида бир неча кун туриб қолди. Ҳеч кайфияти йўқ эди. Continue reading →
Filed under: Kundalik | Leave a comment »
Posted on December 12, 2012 by Jahongir Muhammad
МАДДОҲЛАШТИРИШ
Ўзбекистонда маддоҳлик одамлар онгига болалар боғчаларидан бошлаб сингдирилади. (Хабарлар оқимидан).
Талабалик йилларида домламиз, ТошДУ профессори Очил Тоғаев “Таниқли қариндошларингиздан бири ҳақида очерк ёзиб келинглар” деб вазифа берди.
Ўйлай-ўйлай Зоҳид тоғам ҳақида ёзишга қарор қилдим. Аслида Зоҳид тоғам дадамга холаўғил. Дадам “тоға” деганлари учун биз ҳам тоға дердик. Аммо фақат тўй-маъракаларда кўрганим учун у киши ҳақида тайинли бир нарса билмасдим. Ёзолмадим. Кейин Тошкентдан Самарқандга бордим. Тоғам-Зоҳид Нарзиқуловнинг кафедрасига бордим. Раҳматли жуда кўнгли очиқ, ширинсухан, воқеаларга инқилобий кўз билан қарайдиган одам эдилар. Ўшанда мени кўриб қувониб кетдилар: Continue reading →
Filed under: Kundalik | Leave a comment »
Posted on December 11, 2012 by Jahongir Muhammad
Qoqlanmagan ishton kissasi yoki diktatorning noskadisi
Opasi
-Gulnora haqida she’r yozgandim, nega saytingga qo’ymading?,-deb xat yozdi bir muxolifatchi Ismatchaga.
Ismatchaning jahli chiqib saytida:
“Beparda va haqorat so’zlar bilan ta’riflaganingiz uchun, unga o’lim tilaganingiz uchun bu she’rni chop etolmadik.Shunday go’zal va shunday tinib tinchimas qizga o’lim tilagandan ko’ra unga umr tilang. Uning kiygan lozimini muhokama qilgandan ko’ra, unga ibodat va saodat tilang!” deb she’r ham yozib qo’ydi: Continue reading →
Filed under: Kundalik | Tagged: Ismat, Latifalar, uzbek | Leave a comment »
Posted on December 10, 2012 by Jahongir Muhammad
АЙҒОҚЧИГА АЙЛАНТИРИШ
Ўзбекистонда хориждан пул олганлар солиқ тўлаб-тўламаганлиги юзасидан текширилмоқда.(Хабарлар оқимидан).
1990 йилда Олий Кенгашнинг Ошкоралик қўмитасига раис ўринбосари этиб сайланганимдан кейин Самарқанддан Тошкентга қатнаб ишлай бошладим. Менга ўхшаб вилоятлардан қатнаб ишлаётган депутатлар кўп эди. Бизга Вазирлар маҳкамасининг меҳмонхонасидан жой беришди. Меҳмонхона иккига бўлинган экан. Бир томонда доимий яшовчилар учун коттеж шаклида қурилган бино. Бу ерда вазирлар, вазир ўринбосарлари ва бошқа мулозимлар уй олгунча ойлаб, йиллаб яшаб келар эканлар.
Иккинчи бино одатий меҳмонхона шаклида бўлиб, бу ерда вақтинчалик меҳмонлар истиқомат қилишар экан. Бизга ана шу қисмдан жой беришди. Мазкур бинода ошхона, катта ҳовуз ва сауна ҳам бор эди. Continue reading →
Filed under: Kundalik | Leave a comment »
Posted on December 9, 2012 by Jahongir Muhammad
”ҚИЙНОҚЛАР ҚИРОЛИ”
Ўзбекистонда маҳбуслар қайноқ сувга солиб қайнатилмоқда. (Хабарлар оқимидан).
Авропа сафари пайтида, 1982 йилда Олмониянинг Веймар шаҳрида Бухенвалд концлагерига боргандик. Ҳитлер бу ерда қарийб олтмиш минг одамни сақлаган экан. Ўша кунлардан икки “нуқта” ёдимда қолган.
Биринчиси, Ҳитлер концлагерларда Б-52 газини қўлланиб, одамларни ўлдирганини айтишганди. Ўша пайтда Ўзбекистонда айни газ ғўзанинг баргини тушириши учун дефолиант сифатида осмондан сепиларди. Бу пайтда касалахоналар сариқ касалидан азият чеканлар билан тўлиб кетарди. Continue reading →
Filed under: Kundalik | 6 Comments »
Posted on December 8, 2012 by Jahongir Muhammad
“Талант”
-Сен нега ўзингга “Талант” деган лақаб олдинг?-деб сўради акаси Исматчадан.
-Худо бермаганидан кейин ўзим олдимда! Шунинг учун ҳам дунёвий, атеистман!
-“Талант”нинг ёнига “Александеров” деб қўшганинг нимаси?
-Кимдир ўзгартириб қўйибди, аслида “Ақлсандироқ” эди.
Таълим
-Отанг урус мактабида дарс берганда урус болаларига мусулмончиликни ўргатгани учун фелъетон қилинганини уйдириб ёзгансан?-деди бир мухолифатчи Исматчага.
-Ўлай агар уйдирганим йўқ.
-Нега бўлмаса отанг урус болаларидан олдин сенга ўргатмаган мусулмончиликни? Ўзингни “атеистман” деб ёзасан, ароқ, пиво ичиб думалаб қолганинг билан мақтанасан-ку? Continue reading →
Filed under: Yangi latifalar | Leave a comment »
Posted on December 7, 2012 by Jahongir Muhammad
“Қозоғистонда ўзбеклар қул қилиб ишлатилмоқда. Уларга паст назар билан қарайдилар ва ҳақларида кўплаб латифалар тўқилган.(Хабарлар оқимидан).
Бир куни Рашидов Олмаотага борганда ҳожатхонaда қўлини юваркан ёрдамчисига:
-Эҳтиёт бўлиб тур, бир кор-ҳол юз берса, жуда усталик билан, образли қилиб айт, бўлмаса кулгига қолишимиз мумкин,- дебди.
Кейин Кунаев Рашидовни бешмармоқ билан зиёфат қилиб, ортидан палов буюрибди. Палов еб турган Рашидовнинг лабида битта гуруч қолганини кўрган ёрдамчиси:
-Хўжайин боққа булбул қўнди,-дебди.
Нуктафаҳм Рашидов дарҳол сочиқни олиб, лаб-лунжини артибди. Continue reading →
Filed under: Kundalik | Leave a comment »
Posted on December 6, 2012 by Jahongir Muhammad
Nur beraman desang, zulmat ma’qul deyishadi
Uztoz umid qilamanki, kech yuborayotgan javobimdan xafa bo’lmaysiz. Bu lomakonda turgan bizlarning Sizga ilingan mehrimiz bir Vatan bolalarining mehrichadir.
Aslan bizlarni juda uzoq masofalar ajratib turgan esada, o’ziz aytmoqchi, mehr va oqibatimiz maktublarda singmoqda va shungagina ilingan esada, buning kuchi va salmog’i nazarimda, men uchun hozir bir qorindan talashib tushgan emakdoshlarnikidan-da ziyod ko’rinadi. Continue reading →
Filed under: Xatlar | Leave a comment »
Posted on December 6, 2012 by Jahongir Muhammad
Қоқланмаган иштон киссаси ёки диктаторнинг носкадиси
“Б” ҳарфи
-Абдулла акангни мана бу шеърини сайтингда ҳар уч кунда такрорлаб қўясан
“Менинг мавжудлигим ўзимга керак,
Тахтим – оиламнинг балки тахтидир.
Ислом ака, Сиз бор, биз ғолиб бешак,
Сизнинг борлигингиз халқнинг бахтидир!”
-Зўр шеърни қайта-қайта ўқиш керак,-деди Исматча. Continue reading →
Filed under: Yangi latifalar | Leave a comment »
Jahonnoma 
You must be logged in to post a comment.