Yangi latifalar

Qoqlanmagan ishton kissasi yoki diktatorning noskadisi

Zo’r yigit
“Zokir Almatov juda zo’r yigit”,-dedi Ismatcha “Ozodlik” radiosining Qurultoy dasturida. Dasturni tinglagan qo’shnisi unga:
-Zokir Almatov jallodku?-dedi.-Bir umr uning qo’li qon bo’lgan va shunday bo’lib qoladi ham. U juda ko’p begunoh odamlarning boshiga etdi.
-Zato meni kamerada shaxsan o’zi kelib ko’rgan, 25 kilo narkotik modda bilan qo’lga tushgan bo’lsam ham qamoqdan olib chiqqan,-deb maqtandi Ismatcha.
-Bekordan bekorgami?
-Yarmini olaman degandi, lekin uchdan birini bersam ham rozi bo’lgan.
Qo’shnisi kesattdi:
-Hmm, u berganning betiga qaramaydigan zo’r yigit bo’lgan ekan!

Tamat
-Nega sanga Ismat deb ism qo’yishgan?-deb so’radi Abdulla Ismatchadan.
-Dadam rus tilining propagandisti bo’lgan. O’sha paytda “Dialektik meterializm”, “Istoricheskiy materializm” degan fanlarni o’tishgan. Shularning oldingi harfalaridan so’z yasab, qisqa qilib “Diamat”, “Ismat” deyisharkan. Ismimning tarixi shundan.
-Ha, “Istoricheskiy materializm” degin. O’zbekchasi “Tarixiy materializm”. Oldingi harflarini oladigan bo’lsak, sani o’zbekcha isming Tamat ekanda-a?!

E’tirof
-“Birovlar meni “Ismat chittak” yoki “chumchuq” deydi. Bu laqab – Abdulla Oripovdan chiqqan. Alhol, tabiatimdagi beqarorlik bois ulug’ shoir menga shu martabani ravo ko’rgandir.
Boshqalar “Ismat – qismat” deyishadi. Bunda ham andak istehzo ohangi bor…
Raqiblarim “To’pponcha” deb xumordan chiqishadi. Jurnalist Jahongir Mamatovga qarshi “Xalq so’zi” gazetasida e’lon qilgan “Parvoz va inqiroz” nomli maqolamdan so’ng u ham menga “To’pponchaga javob” deb maqola yozgan edi. Bizning ana shu munozaramizni ko’zda tutib shunday yorliq berishgan, shekilli…”. O’zing shunday deb yozibsan, hatto laqablarning birini martaba, ikkinchisini yorliq deb bilibsan. Unda nega xafa bo’lasan, shularning yoniga “Ismatcha” ham qo’shilsa qo’shilibdida!
-Men qo’shilganim emas, nima deyapsiz o’zi?

Qochirtirgan
-Hali hech kim IAK haqida Ismatchadek, “yog’li” gaplar aytmagan. Boshqalar ham maqtashgan, lekin bunchalikka borishmagan,-dedi bir muxolifatchi ikkinchisiga.
-Nima degan?
-“Men u kishining otashin va beg’ubor qalbi, jo’shqin tuyg’ulari, sokin va o’ychan, lekin sinovchan nigohlari, favqulodda shiddatli va keskin qaror-u xulosalari, teran fikrlari, dilkash kulgulari, mard va to’pori, o’ta samimiy va ishonuvchanligi haqidagi o’z fikr va mulohazalarimni ham qanday bo’lsa, shundayligicha bayon etdim”,- deb yozgan.
-Unday bo’lsa Kanadaga nega qochib ketti?
-Shu “yog’li” gaplarni dunyoga etkazish uchun Islom akasining o’zi uni qochirtirgan.

Tug’ilish
-Agar qayta tug’ilganingda qaerda tug’ilgan bo’larding?-deb so’radi qo’shnisi Ismatchadan.
-Qaerda bo’lardi, O’zbekistonda,-dedi Ismatcha g’urur bilan.
-Nega?
-Ko’rmayapsizmi, Kanadaga kelganimga necha yillar bo’ldi, haligacha ingliz tilining “i” harfini ham bilmayman. O’zbekistonda qayta tug’ilsam, Kanadaga yanagi kelishimda ingliz tilini bilgan bo’laman.
-Gapingga tushuna olmadim.
-Nega tushunmaysiz, yaqinda Islom otam maktablarda ingliz tilini birinchi sinfdan boshlab o’rgatishni buyurdilar.
-Kanadaning o’zida qayta tug’ilsanku, srazu o’rganib ketasan.
-Bu erda Islom otam yo’q-da!

Ostona
-Islom akangga yana bitta xat yozmaysanmi?-dedi bir muxolifatchi Ismatchaga.
-Nega?
-Yangi mavzu chiqib qoldi-da?
-Qanaqa mavzu?
-Ostonani Nazarboev nomiga qo’yish haqida qozoqlar taklif kiritishibdi. Sen ham darhol Islom akangga bir taklif bilan chiqmaysanmi?
Ismatcha faxrlanib ketdi va׃
-Ostonani Nazarboev otiga qo’ymoqchi bo’lishsa, biz eshikni Islom akamning nomlariga qo’yishimiz kerak, eshik teparoqda-da,-dedi.

MXXchi
-Falonchidan uzoqroq yuring,-dedi Ismatcha qo’shnisiga.
-Nega?
-U MXXning odami.
-Yo’g’e, hammaning MXXga ishlashiga ishonsam ham bu gapga ishonmayman.
-Men aytdimmi ishoning, u juda katta lavozimda.
-Bo’lishi mumkin emas.
-Men aytdimmi tamom, ishoning!
-Siz qayoqdan bilasiz?
-Qayoqdan bo’lardi, u mening shefim!

Sog’inch
-Nega buncha bu ishtonning kissasini kovlaysan?-deb so’radi qo’shnisi Ismatchadan.
-Bu tarruk ishton, Islom akam o’z qo’llari bilan hadya qilganlar.
-Sendan ishton haqida emas, nega uning kissasini buncha kovlashing haqida so’rayapman.
-O’rgangan ko’ngil o’rtansa qo’ymas, sog’inch aka, sog’inch! Eski kunlarni, Islom akamning yonlariga yaqinlashgan kunlarimni sog’inaman!

Nofiziy.

One Response

  1. 1.
    “Поиск” (SEARCH) белгиси…
    Яхши ва долзарб мақолаларни излаб топишда мендан ўтадигани йўқ дея мақтанди Исмат ака Қисматга.
    Кўрдим ва тан бердим деди Қисмат. Замондош сайтида бир икки мақолани излаб, топа олмай бироз қийналгандим. Сени чертсам бўлди экан, гугглдан ҳам анча тезкор…

    2.
    Лотинчадан 5 баҳо
    Қисмат шамоллади шекилли, айни Исмат ака келганида “ух”, “ух” дея секингина йўталиб қўйди. Тажанг бўлиб юрган Исмат акага бу бошқача эшитилди чамаси, жанжал кўтарди. Охири Қисмат нима дея йўталганини қоғозга ёзиб кўрсатадиган бўлди.
    “UX”
    Мана нима деб йўталгансан. Нега мени “ИХ” дейсан дея Исмат аканинг асаблари бузилиб кетди.
    Бу лотинча ҳарфда ёзилган “ух” сўзику, лотинчада ёзинглар дейсизлару, лекин ўзларингиз сира амал қилмайсизларда деди Қисмат ака таажжубда.

    3.
    “ЛАК” ўзи нима?
    Исмат ака сайтларнинг бирида Каримов ҳақида лотин ҳарфлари билан ёзилган мақолани ўқиб ундаги президентнинг исми шарифи ёзилган “IAK” қисқартмасининг нима эканлигини тушуна олмади. Ўқиб кўриб “ЛАК” нима экан дея хаёлга ботди ва бу ҳақда мактуб ёзиб билиб олмоқчи бўлди.
    Келган жавобни ўқиб кўрса, унда қуйидаги шеър ёзилган экан.
    Lol qoldirib meni lak, lak,
    Laylak xirom yurdi malak,
    Lozimlari go’zal beshak,
    Lotin bilmas asl eshak.
    Бу шеърни ўқиган Исмат аканинг лабида табассум уйғонди.
    Мана қарангки буларни ёзган кишининг ўзи ҳам билмас экан. Ҳатто камчилик ҳам қилибди. Лотин билмас асл ешак…. Эй аҳмоқ, ўзбек тилида “ешак” калимаси йўқ. “Бешак” бўлади, “бешак”!!!

    4.
    Тарихий шахс
    Мен ҳақиқатдан ҳам тарихий шахсман дея мақтанди Исмат ака Қисматга.
    Қанақасига дея сўради Қисмат.
    Ислом ака Каримов ҳақида жуда кўп боблардан иборат тарихий китоб ёздим, шу учун.
    Э.. йўқ! Сен ундан ҳам тарихийроқ шахссан, сира қолишмайсан. Сен ҳақингда ҳам бир неча боблардан иборат латифалар ёзилди ва ҳали ҳануз ёзилмоқда деди кулимсираб Қисмат.

    5.
    Жонга тегди
    Сайтимга изоҳ ёзадиганлардан жуда безор бўлдим ва бир мақолада сайтга камроқ киринглар деб ҳам ёзиб қўйдим дея Исмат ака Қисматга зорланиб.
    Нега ундай қилдинг? Ахир, барча изоҳларни ўзинг ёзар эдингку дея эътироз билдирди Қисмат таажжубланиб.
    Тўғрику-я, аммо қайси бири ўзим эканлиги чалкашиб кетдида дея Исмат аканинг кўзларидан ёшлар оқиб.

    6.
    …… боши
    Исмат ака бир шеър ёзиб Қисматга кўрсатди ва буни қара ёшлигимизда “икки она” ҳақида бир шеър бўларди. Ўрганганимиз тошга ўйилган каби деганларидек бу шеър эсда қолибди. Ҳозир буни замонавийлаштирдим аммо қофияга бир яхши сўз етмаяпти. Ёрдам берсангчи деди.

    (қоғоздаги шеър)
    Менинг икки отам бор,
    Иккиси ҳам меҳрибон,
    Бири берган “эркалик”,
    Бири, “кўйлак- кир ёқалик”.

    Бири- устоз, ёзув боши,
    Иккинчиси- ватанбоши,
    Иккисига баробар,
    Бўлсам шундай- …… боши!

    Бу шеърни эшитиб Қисмат вариантларини айтди.
    1. Юрт.
    2. Миллат.
    3. Замон.
    4. Халқ

    (Балки сиз азизлардан ҳам бирорта чиройли қофия чиқиб қолар?!…)

    7.
    Майда гаплар
    Сен ҳақингда латифалар ёзаётганларни тутиб олсанг нима қилардинг дея Қисмат Исмат акадан сўради.
    Ўзим билардим деди Исмат ака гердайиб.
    Агар улар сени тутиб олишса нима қиласан дея Қисмат саволига думча боғлади.
    Нима қиласан бунақанги майда гапларни гапириб деди Исмат ака мунғайиб.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: