Ўзгармаган мавзулар

urgimchakuyasiКоррупция диктаторнинг нафас олувчи ҳавосидир

САВОЛ׃Сизнинг “ТАРИХНИ ТИТРАГАН КУНЛАР” тўпламингиздаги “ЎЗБЕКИСТОНДА КЛАНЛАР БОРМИ?” сарлавҳали мақолада қуйидаги жумлаларни ўқидим:

“Ҳа, бугунга келиб пул, яъни порахўрлик, коррупция ҳамма нарсани ҳал қиладиган кучга айланди. Бунинг қаршисига чиқадиган мард қолмади. Ҳатто Президент ҳам бу хусусда ожиздир, у ўтган йили Самарқанд ва Навоий вилоят сессияларида Ўзбекистон коррупция сариқпечаги билан ўралганини тан олди ва коррупцияга қарши кураш бошлатганини эълон қилди. Аммо жуда қисқа вақтда чекинди. Яна бир икки одим отганда коррупция уни тахтдан улоқтириб ташлашини сезди. Чунки коррупция падаркуш фарзандга ўхшайди. Агар унинг йўлига чиқадиган бўлса, у ўз отасини ҳам танимайди. Биз кланлар ва маҳаллийчилик деб ўзимизни овутиб, Америка матбуотини ҳам чалғитмай очиқ гапиришимиз керак. Ўшандагина халқ бизни англайди. “Озодлик радиоси” 1999 йил, 13 Июнь.”

Тушунишимча ўша вақтда Сиз Каримовни бугунги каби диктатор деб билмагансиз. Шундан келиб чиқиб, коррупцияга қарши бора олмайди дегансиз. Лекин ҳозирда Каримов Ўзбекистонда хоҳлаган ишини қилиши мумкинлиги, бу йўлда ҳеч ким билан ҳисоблашмаслигини ёзиб келаяпсиз. Ҳатто мен ҳам Сизнинг асарларингизни ўқиб, айни пайтда реал вазиятга қараб, мавжуд жараёнлар худди айтганингиздек ривожланаётганлигини тан олдим. Олдин мен ҳам баъзилар сингари Каримов кимларнингдир (мафия ёки атрофидагилар) қўлида ўйинчоқ деб ишонар эдим. Continue reading

Advertisements

Нурнома

nurnomaТАНГРИНИНГ ГЎЗАЛ ИСМЛАРИГА МУНОЖОТ

(Давоми)

БАШИР

Ё, Башир! Савобу гуноҳим ўзингга аён,
Ё, Башир! Яшириб ёзсам-да сен учун баён,
Ё, Башир! Дунёлар мулкида ғолибсан-шоён,
Ё, Башир! Сендан қоча-қоча кетарман қаён!

ҲАКАМ

Ё, Ҳакам! Ҳақиқат изладим дорул фанода,
Ё, Ҳакам! Кўзларим боғланиб гули раънода,
Ё, Ҳакам! Билмадим адолат асли маънода,
Ё, Ҳакам! Сенинг амрингдаман, боқий самода!

ОДИЛ

Ё, Одил! Қайга борсам кўрдим юраклар яро,
Ё, Одил! Ёна-ёна қирмизи қоним қаро,
Ё, Одил! Ўзинг шавқат фармонини ўқигил,
Ё, Одил! Бош тутайлик одилсизликлар аро! Continue reading

Muxlis maktublari

xYaxshi bo’lib qolar balki? A?

“2014-yilgacha kuting, hammasi yaxshi bo’ladi 2015-yilgacha sabr qilaylik…

Yana picha kutib tursak hayotimiz zo’ bo’ladi.”

“Karimov GES qurdiryapti ekan endi chiroq o’chmaydi”

bunday gaplarga ishonmaslik kerak.

To’g’ri ular ham asos bilan aytishadi ammo natija chiqishi gumon.

Avg’onistondan “tinchlikparvar kuchlar” chiqqach esa Toliblar hokimiyatga qaytishadi. Ular hali Pokiston bilan Tojikiston, O’zbekiston bilan urushishadi, o’z mafkurasini yoyishga urinadi. Amerika qarab turadimi deyapsiz:
qisman ha:Vetnam senariysini tasavvur qilavering. Continue reading

Нурнома

jm_1996ТАНГРИНИНГ ГЎЗАЛ ИСМЛАРИГА МУНОЖОТ

(Давоми)

ҚАҲҲОР

Бўйнимда илон экан, орзуларим, ё, Қаҳҳор,
Қалбимда нолон экан, орзуларим, ё, Қаҳҳор,
Бу дунё орзуларин тарк айладим, ё, Қаҳҳор,
Сенингла шодмон экан, орзуларим, ё, Қаҳҳор!

ВАҲҲОБ

Ҳақ йўлида хасталарга хастаман, ё, Ваҳҳоб,
Зулм қўлида ёнганларга бастаман, ё, Ваҳҳоб,
Жоҳил бўлсак, илму эҳсон бағишла, ё, Ваҳҳоб,
Жиҳод излаб фақат Сенга сасдаман, ё, Ваҳҳоб! Continue reading

Мухлис мактублари

xМиллат аросатда яна қанча юради, халқ бўлолмадикми?

Жахонгир ака аввалом бор Ассалому алайкум.

Mен уша сессиядаги гапларингизни энди англаб етаяпман, уша вактлар бола эдим. Дадам хозиргача гапириб уша гапларингизни балки шуни учундир доидир шу гапларни айта олган одамгина тугри йулни курсата олади деб уйлардим ва вакт соати етиб шу одам хакида озми-купми билдим, асарларингизни укидим, лекин бу хак гапларни халкка етказиш керак деб уйлайман, инсон хак йул учун курашга кирар экан, аввало узини кейин оиласини ундан кейин бошкаларни узгартиришга кириша олади деб биламан шуни учун бу асарларингизни аввало отамга укиб беришдан бошладим, бу асарлар мустакиллик давридаги хакикий тарихни айтгучи ягона асарлардир! Continue reading

Ўзгармаган мавзулар

New Yorkda  ko'cha bayrami.

New Yorkda ko’cha gurungi.

СОҒИНЧ

Бир кун бошқа бир мамлакатда истиқомат қиладиган дўстим меҳмонга келди. У билан бир неча кун дардлашдик. Меҳмондорчилик ҳам қарий бошлади. Кетар чоғи унга:

-Сизни ўзбеклар очган ва менга ёққан бир “Чойхона”-ресторанга олиб бормоқчиман,-дедим.

Меҳмон нима десин? “Уйимда еганим ўзбек таомлари, сизнинг уйингизда ҳам айниси, яна мени ўзбек ресторанига олиб борасизми?” десинми? Бундай пайтда бир нима дейиш мушкул, мезбоннинг кўнглига қаралади. У индамай рози бўлди. Continue reading

Нурнома

maltnomaТАНГРИНИНГ ГЎЗАЛ ИСМЛАРИГА МУНОЖОТ

(Давоми)

АЗИЗ

Ё, Азиз, Сенга таваккул айладим,
Ё, Азиз, равшан йўлингни танладим,
Ё, Азиз, руҳни синовга шайладим,
Ё, Азиз, Сенсиз ҳаётда найладим!

ЖАББОР

Ватанимни обод кўриш муродимдир, Ё, Жаббор!
Улус дарди бўғзимдаги фарёдимдир, Ё, Жаббор!
Мен борман-ми, мен йўқман-ми, билинмас,
Лек миллатим бахти кулса, руҳ шодимдир, Ё, Жаббор!

МУТАКАББИР

Тупроқ эдим, хоки сорман, ё, Мутакаббир!
Сен олдингда хору зорман, ё, Мутакаббир!
Недан ўзни унутайин, бош устимда нигоҳинг,
Қарзни олсанг хоби ёрман, ё, Мутакаббир! Continue reading