Нурнома

jm_1996ТАНГРИНИНГ ГЎЗАЛ ИСМЛАРИГА МУНОЖОТ

(Давоми)

ҚАҲҲОР

Бўйнимда илон экан, орзуларим, ё, Қаҳҳор,
Қалбимда нолон экан, орзуларим, ё, Қаҳҳор,
Бу дунё орзуларин тарк айладим, ё, Қаҳҳор,
Сенингла шодмон экан, орзуларим, ё, Қаҳҳор!

ВАҲҲОБ

Ҳақ йўлида хасталарга хастаман, ё, Ваҳҳоб,
Зулм қўлида ёнганларга бастаман, ё, Ваҳҳоб,
Жоҳил бўлсак, илму эҳсон бағишла, ё, Ваҳҳоб,
Жиҳод излаб фақат Сенга сасдаман, ё, Ваҳҳоб!

РАЗЗОҚ

Сен яратган дунё боғдир, ё, Раззоқ,
Саховатинг юксак тоғдир, ё, Раззоқ,
Душманга хор, дўстларга зор айлама,
Дастурхонга неъмат ёғдир, ё, Раззоқ!

ФАТТОҲ

Гулни севдим, тиканидан қон ютдим, ё, Фаттоҳ,
Элни суйдим, жимлигидан ўҳ, куйдим, ё, Фаттоҳ,
Ҳақ йўлида ҳақларимдан ажралиб, ё, Фаттоҳ,
Сени севдим, дардларимни унутдим, ё, Фаттоҳ!

ОЛИМ

Жоҳил аҳли иш бошида золим бўлди, ё, Олим,
Қўлларида ўғирланган молим бўлди, ё, Олим,
Адолатнинг шамчироғин сўндирмагил, ё, Олим,
Охиратнинг аҳкомида олим бўлди, ё, Олим!

КОБУД

Ризқу рўзни Сендан олдим, ё, Кобуд,
Тортиб олсанг ночор қолдим, ё, Кобуд,
Буйруғингдан чиқмай асло, ё, Кобуд,
Қалбга фақат Сени солдим, ё, Кобуд!

БОСИТ

Осмон оёқ остида Сен учун, ё, Босит,
Замин оёқ остида Биз учун, ё, Босит,
Сен истасанг осмонни парам-парча этасан,
Бизни эса бу замин ютар бир кун, ё, Босит!

ҲОФИД

Мен ғарибнинг ҳолига кулар кимлар, ё, Ҳофид,
Аммо киприк остида нурлар имлар, ё, Ҳофид,
Қўл силтайман дунёга, сендан мадад оламан,
Гарчи атроф айлана тикан симлар, ё, Ҳофид!

РОФИ

Қулингга бир мансаб ато қил, ё, Рофи,
Тахтинга ирфонни мато қил, ё, Рофи,
Эҳсоннинг йўлида гадо қил, ё, Рофи,
Иймондан тойганда адо қил, ё, Рофи!

МУЪИЗ

Ё, Муъиз! Бу неъмат, бу шараф дарёси Ўзинг,
Ё, Муъиз! Кўнгил гулшанининг ризоси Ўзинг,
Ё, Муъиз! Борлиқ ухлаганда рўёси Ўзинг,
Ё, Муъиз! Олам уйғонганда зиёси Ўзинг!

МУЗИЛ

Ё, Музил! Иймонни отганлар кўпайиб кетди.
Ё, Музил! Зиллатга ботганлар кўпайиб кетди.
Ё, Музил! Ишламай ётганлар кўпайиб кетди.
Ё, Музил! Исмингни сотганлар кўпайиб кетди.

САМИЙ

Ё, Самий! Саслар долғасида ярақлаган дур,
Ё, Самий! Сукунат сатҳида кезгувчи ҳузур,
Ё, Самий! Фикр осмонини қуршаб олганлар,
Ё, Самий! Қалбим уришини ўзинг тинглаб кўр!

1966 йил. “Нурнома” китобидан.

ЖМ

(Давоми бор).

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: