Jahonnoma

Оқсаройнинг сўз ўйинлари

16. Ҳўкиз

-Қандай хабарлар бор, дунёда?-деб сўради “Катта” маслаҳатчидан.

-Имомга оид зўр хабар чиқибди,-деди маслаҳатчи.

-Ўқичи…

Маслаҳатчи сўзларни териб-териб ўқий бошлади׃ “Имомнинг резиденцияси – “Миллат саройи”нинг қоровули ҳўкиз ўғирлаб қўлга тушди. У “Миллат саройи”ни қўриқлаб, ишдан бўш пайтларида ҳўкиз ўғирлаш билан шуғулланган. Ҳаммаси бўлиб 14 та ҳўкиз ўғирлаган”.

Хабар “Катта”ни севинтирди. У мийиғида кулдида׃

-Вой қизталоғ-ей, қамалибди-да, афсус,-деди.

-Ҳа, ҳарбий горнизон судида суд қилишмоқда.

-Лекин-чи, аҳмоқ бола экан, ҳўкизнинг семизи олдигинасида туриб, халқни қийратганига бало борми? Уни ўғирлаб биз томонга олиб келганда, қаҳрамонлик унвони берардик, “ҳўкиз”нинг эса терисини шилардик!- Шундай деб “Катта” хандон отиб кулди.

Нохосдан нимадир ёдига тушгандек кулгидан тўхтади. Дераза томонга қараб, чўчиган оҳангда давом этди׃

-Ўзимизнинг болалардан ҳам қўз-қулоқ бўлларинг… тағин ораларидан ҳўкиз ўғриси чиқиб қолмасин!

ЖМ.

Filed under: Оқсарой ҳангомалари | Tagged: Oqsaroy |