Jahonnoma

Оқсаройнинг сўз ўйинлари

29. Маслаҳат

“Катта” Оқпошшо билан ош еб ўтирганди.

-Кўрдингизми, хохол укам келмади,-деди Оқпошшо унга.-Кейинги пайтда гапга кирмаяпти. Бир урсам ўлиб қолади. Шунинг учун кексамиз сифатида сиз унинг қулоғини тортиб қўйсангиз.

-Мени ҳам бир урса, нима қиламан, кейин?, -деди “Катта”

-Мен урсам деяпман. Қулоғингизга пахта қўйганмисиз, отахон?

-Пахтакормиз, пахта қўямизда… Истасангиз сизга ҳам қўямиз.

-Кейинги пайтда бизга пахта қўяман деганлар кўп. Лекин айтгани билан қилгани тўғри келмаяти.

-Ошдан кейин кўрасиз, хахолни ясаб қўяман!

-Шу ишни уддаласангиз пахтангиз ҳам керак эмас!

-Э, бу ёғи ёпишмади-ку? Пахтамизни бутун дунё бойкот қилмоқда. Ҳеч бўлмаса сиз бoйкот қилмай туринг!

-Бойкот қилмаслик учун ҳам хахолнинг қулоғини чўзиб қўйинг, деяпман-да.

-Ҳа.. ҳмм.. ўртоқ, э-э.. господин…

-Ўша господинга айтинг, жаҳлимни чиқарса олдириб юбораман, қулоғини ушлаб кетади.

-Лекин ўжар бола, тарсакига тарсаки қўядиган….

-Шунинг учун ҳам унинг қулоғини сиз чўзиб қўйсангиз… Қарининг айтганини қилма, қилгани қил, дегандек жуда нари борса у ҳам қулоғингизни тортиб қўяди.

-Бу бизнинг гап-ку? Сиз қаёқдан биласиз?

-“Дангасалар”дан ўргандим. “Қарининг айтганини қилма, қилганини қил”, деган гап уларнинг орасида кенг тарқалибди.

Нофизий.