Posted on July 21, 2010 by Jahongir Muhammad
Blogda yozib borilayotgan tarixiy-zamonaviy roman
-3-
Bruklin. Okean shoh ko’chasi.
-Qimirlama, otaman!
Zarb bilan eshikni sindirib ichkariga kirib kelayotgan sanoqsiz politsiya xodimlarining har biri ana shunday deb baqirar edi.
Endi o’rtaga qo’yilgan palovga qo’l uzatgan yigitlarning rang-qutlari uchib ketdi. Lablari titrab, bir so’z aytolmay qoldilar. Politsiyachilar esa ularning har birini siltab, yuzi bilan erga yotqizar va qo’llarini orqaga qilib kishanlar, keyin oyoqlarini ikki tomonga ochib, boshdan oyoq tekshirib chiqardi.
Continue reading →
Filed under: Qiyomat kuni | Leave a comment »
Posted on July 19, 2010 by Jahongir Muhammad
Блогда ёзиб борилаётган тарихий-замонавий роман
-2-
Мериланд штати. Эликот шаҳри.
Лекин…
Бундан кейинги бўлимларгача, Каримовни ўз хаёллари билан ёлғиз қолдирамиз. Кекса одам. Баъзи нарсалар эсидан чиққан бўлиши мумкин. Қолаверса, шу лаҳзада Нью Йоркдан Саиджон деган йигит сим қоқмоқда. Саиджон асли ўшлик. У билан тўрт йил олдин танишганмиз.
Ўшанда ярим тунда телефон жиринглади׃
-Бу қўлга тушган чет элликларни сақлаш маркази, агар телефон чақириғини қабул қилсангиз, минутига тўрт доллар тўлашингиз керак бўлади… Continue reading →
Filed under: Qiyomat kuni | Leave a comment »
Posted on July 19, 2010 by Jahongir Muhammad
Blogda yozib borilayotgan tarixiy-zamonaviy roman
-2-
Meriland shtati. Elikot shahri.
Lekin…
Bundan keyingi bo’limlargacha, Karimovni o’z xayollari bilan yolg’iz qoldiramiz. Keksa odam. Ba’zi narsalar esidan chiqqan bo’lishi mumkin. Qolaversa, shu lahzada Nyu Yorkdan Saidjon degan yigit sim qoqmoqda. Saidjon asli o’shlik. U bilan to’rt yil oldin tanishganmiz.
O’shanda yarim tunda telefon jiringladi׃
-Bu qo’lga tushgan chet elliklarni saqlash markazi, agar telefon chaqirig’ini qabul qilsangiz, minutiga to’rt dollar to’lashingiz kerak bo’ladi…
Continue reading →
Filed under: Qiyomat kuni | 1 Comment »
Posted on July 15, 2010 by Jahongir Muhammad
Блогда ёзиб борилаётган тарихий-замонавий роман
-1-
Тошкент. Оқсарой.
-Соиповни сен отдингми?-деди Каримов Иноятовга сим қоқиб.
-Йўқ, мен отганим йўқ!
-Биламан, сен отганинг йўқ! Лекин сени болаларинг отдими деяпман?
-Йўқ, улар ҳам мендан сўроқсиз бир иш қилмайдилар ва мен ҳам сиздан сўроқсиз бир иш қилмайман.
-Унда нега ҳаммаёқда ватаванг?
-Биласизку, душманларимизга баҳона керак.
-Ўша баҳонани ким берди уларга? Бугуннинг ўзи иккита хат олдим. Ҳатто мана америкаликлар ҳам келиб таранг қилишмоқда. Continue reading →
Filed under: Qiyomat kuni | Leave a comment »
Posted on July 15, 2010 by Jahongir Muhammad
Blogda yozib borilayotgan tarixiy-zamonaviy roman
-1-
Toshkent. Oqsaroy.
-Soipovni sen otdingmi?-dedi Karimov Inoyatovga sim qoqib.
-Yo’q, men otganim yo’q!
-Bilaman, sen otganing yo’q! Lekin seni bolalaring otdimi deyapman?
-Yo’q, ular ham mendan so’roqsiz bir ish qilmaydilar va men ham sizdan so’roqsiz bir ish qilmayman.
-Unda nega hammayoqda vatavang? Continue reading →
Filed under: Qiyomat kuni | Leave a comment »
Posted on July 12, 2010 by Jahongir Muhammad
Сиёсатшунос Жаҳонгир Муҳаммаднинг Қирғизистон қирғини ва Туркистон келажаги борасида “Озод Осиё” радиоси саволларига жавоблари
МУХБИР׃ Қирғизистондаги воқеаларга қандай сабаблар омил бўлган деб биласиз?
ЖАҲОНГИР МУҲАММАД׃ Аввало шуни айтиш керакки, воқеаларнинг бевосита иштирокчиси бўлиш бошқа ва воқеалар ҳақида билвосита манбаларга таяниб хулоса қилиш бошқа. Бизнинг хулосаларимиз иккинчи ҳолга яқин бўлгани учун ҳам субъектив характерга эга бўлади.
Айни пайтда Каримов каби битта нарсани кўрсатиб, сабаб мана шу деб туриб олиш-яъни айбни кўринмас ”учинчи куч”га юклаб қўйиш- бу туллак сиёсатнинг иши.
Менинг олисдан туриб, шахсий кузатувларимга кўра, Қирғизистонда юз берган қирғин ортида бир қанча жиддий факторлар бор. Кўрганларим, ўқиганларим ва эшитганларимни жамлаб, бу факторларни қуйидаги тартибда жойлаштирган бўлар эдим׃
1. Ҳукумат учун жанг
2. Каримов режимининг аралашуви
3. Ташқи дунё таъсири
4. Миллий-тарихий низолар
5. Диний, ижтимоий, сиёсий ва иқтисодий муаммолар йиғиндиси
6. Мафия ёки қонундан ташқари кучларнинг қутқулари
7. Қирғизлар орасидаги ички низолар
8.Ўзбеклар орасидаги ички низолар
Continue reading →
Filed under: Kundalik, Maqolalar, Savol-Javob | Tagged: Ўзбек, Ўзбекистон, Ўш, Қирғиз | Leave a comment »
Posted on July 3, 2010 by Jahongir Muhammad
Yoki O’zbekiston taqdirini hal qilib yurgan ZELEMXON HAYDAROV kim?
Devonda ishlovchilarning guvohnomlarini ham Zelemxon Haydarov tasdiqlardi
Yaqinda taniqli shoir Yodgor Obid bilan gaplasharkanmiz, u kishi Zelemxon Haydarov haqida so’rab qoldilar. Bilganlarimni aytib berdim. Yodgor akaning “Yozib qo’yish kerak” deganlari ushbu maqolaga turtki bo’ldi.
Darhaqiqat, keyingi paytlarda “Zelemxon Haydarov kim?” deb so’rayotganlar ko’paymoqda. Chunki O’zbekiston mustaqil bo’libdiki, davlatning bu ikkinchi odami haqida biror joyda batafsil bir narsa yozilmagan va biror joyda suratini ham ko’rmaysiz. Vaholanki, butun dunyoda prezident ma’muriyati rahbari xalqqa keng tanilgan odam bo’ladi. O’zbekistonda bunday lavozim O’zbekiston prezidenti Devonining Ishlar boshqarmasi deyiladi. Continue reading →
Filed under: Kundalik, Maqolalar | Leave a comment »
Posted on July 2, 2010 by Jahongir Muhammad
Ёки Ўзбекистон тақдирини ҳал қилиб юрган ЗЕЛЕМХОН ҲАЙДАРОВ ким?
Девонда ишловчиларнинг гувоҳномларини ҳам Зелемхон Ҳайдаров тасдиқларди
Яқинда таниқли шоир Ёдгор Обид билан гаплашарканмиз, у киши Зелемхон Ҳайдаров ҳақида сўраб қолдилар. Билганларимни айтиб бердим. Ёдгор аканинг “Ёзиб қўйиш керак” деганлари ушбу мақолага туртки бўлди.
Дарҳақиқат, кейинги пайтларда “Зелемхон Ҳайдаров ким?” деб сўраётганлар кўпаймоқда. Чунки Ўзбекистон мустақил бўлибдики, давлатнинг бу иккинчи одами ҳақида бирор жойда батафсил бир нарса ёзилмаган ва бирор жойда суратини ҳам кўрмайсиз. Ваҳоланки, бутун дунёда президент маъмурияти раҳбари халққа кенг танилган одам бўлади. Ўзбекистонда бундай лавозим Ўзбекистон президенти Девонининг Ишлар бошқармаси дейилади. Continue reading →
Filed under: Kundalik, Maqolalar | Tagged: Ёдгор Обид, Жаҳонгир Муҳаммад, Зелемхон Ҳайдаров, Ислом Каримов | Leave a comment »
Posted on June 23, 2010 by Jahongir Muhammad
Қирғизистон қирғини ҳақида жуда кўп ёзилмоқда ва жуда кўп ёзилади. Ҳар ким ўз фикрини айтади ва бунга ҳар кимнинг ҳаққи бор. Минг хил, миллион хил тактик ёки стратегик аҳамиятга молик тахминлар ва таклифлар ўртага чиқаверади. Бу табиий ҳол.
Лекин бугун бир миллатнинг икки халқи яна ёнма-ён яшаб кетиши ва бундай қирғин такрорланмаслигининг шу кеча-кундуз учун фақат биттагина йўли бор. У ҳам бўлса юз берган қонли воқеаларни Халқаро комиссия тергов қилиши, хулосалаши ва айбдорларни жазога тортиши керак. Continue reading →
Filed under: Kundalik, Maqolalar | Leave a comment »
Posted on June 22, 2010 by Jahongir Muhammad
МАМЛАКАТГА СОҲИБЛИК
Ўтган йил охирлари эди. Тожик тилидан дарс берадиган одам керак бўлди, самарқандлик бир тожик танишимга айтдим. У׃
-Ака, уйда тожик тилида гаплашамиз. Лекин қолган жойда ўзбекча. Чунки ўзбекча ўқиганмиз. Шунинг учун ўзбек тилида бўлса бажараман,-деди. У билан қачон суҳбатлашсак, “Адашиб исмимни ёзиб қўйманг”, дейди. Негалигини сўрасам׃
-Ўзбекистонга қайтиб сиёсатга кираман, ҳукуматга ишга ўтаман, Ташқи ишлар вазири бўлиш орзуим бор, мен тожик бўлганим билан ота-боболарим Самарқандда яшаб келганлар ва менинг ҳам келажагим шу юрт билан боғлик,-деб Тожикистонга боришни ҳатто хаёлига ҳам келтирмайди. Ўзбек тилини бурро гапиради ва чиройли мақолалар ёзиб ҳам туради. Continue reading →
Filed under: Kundalik, Maqolalar | 1 Comment »
Posted on June 15, 2010 by Jahongir Muhammad
Ким билан гаплашманг “Нега?” дейди. “Нега бу хунрезлик юз берди?” Бу саволнинг жавоби ойдинлашиб бўлди. Лекин бошқа негалар ҳам шунчалик кўпки, қайсидан бошлаб, қайси билан тугатишни билмайсиз.
Бу савол ҳар лаҳзада мени ҳам қийнайди. Бир неча кундирки, ухлай олмайман. Саволларимга жавоб топганим билан чора тополмайман. “Нега?” деган савол юрагимни эзиб ташлайверади.
-Нега Ўзбекистон ҳукумати Қирғиз Муваққат ҳукуматига Ўш ва Жалолободда тинчликни ўрнатиш, айбдорларни топиб жазолаш масаласида конкрет ёрдамлар таклиф этмаяти? Қўшин киритмасин, лекин амалий ёрдам бериши мумкин-ку? Continue reading →
Filed under: Kundalik, Maqolalar | Leave a comment »
Posted on June 13, 2010 by Jahongir Muhammad
Ўшда ва Жалолободда ўлганларни яратган раҳматига қовуштирсин! Саргардонлик азоблари остидагиларга ўзи бардош берсин!
Ўлганлар ҳозир, мана шундай даҳшатли хунрезлик билан ўлмасликлари ҳам мумкин эди. Лекин минг афсус! Қувғин исканжасида қолганлар мана шундай азобларни кўрмасликлари ҳам мумкин эди. Лекин минг афсус!
Инсон махлуқлар орасидаги энг ёвузи экан. У нафақат ҳайвонларни, балки ўзи каби оддий одамларни ҳам сўйиб юборишга қодир, сангруҳ жонзот экан. У манфаат йўлида қанчадан – қанча бегуноҳлар ўлиб кетишига кўз юма оладиган, ўзи каби инсонларнинг азоби устида кула биладиган бадбахт экан. Continue reading →
Filed under: Kundalik, Maqolalar | 1 Comment »
Posted on June 7, 2010 by Jahongir Muhammad
РАҲНАМОНИНГ ПАЛИДТЕХНОЛОГИЯСИ
Қозоғистонда Нурсултон Назарбоев ўзига «Миллат раҳнамоси” унвони ва имтиёзларини берадиган қонунни имзоламади. Яъни рад этди. Ҳамма ёқда гап. Ҳамма ёқда баҳс. Ҳар хил тахминлар ва мулоҳазалар айтилмоқда. Лекин …
Эътибор беринг-а, бу қонун лойиҳаси дастлаб қуйи палатада ич ой олдин-март ойида муҳокама этилганди. Кейин сенатда қабул қилинди. Ундан кейин президентга келди. У рад этди. Парламент ҳам гарчи бу рад этишдан ошиб ўтиш имкони бўлишига қарамай дарҳол бунга рози бўлди. Continue reading →
Filed under: Aytilmaydgan gaplar | Leave a comment »
Posted on June 3, 2010 by Jahongir Muhammad
ШУНЧАКИ ЖАВОБЛАР
-Агар эркак киши ҳамма соҳада пассивлашиб бораверса, бу нимадан далолат?
-Бу хотиннинг ҳамма соҳада активлашиб бораётганидан далолатдир.
ХХХ
-Ўзбекистонда “Бахмал инқилоби” бўлса, унга соҳиб чиқадиган одам топиладими?
-Хавотир олманг, бахмал анқонинг уруғига айланган, талаш бўлиб кетади.
ХХХ
-Қирғизистон президентини демократ, деб ёзишганда, нимани назарда тутишмоқда?
-Унинг ҳам қўшнилари каби эканлигини..
ХХХ
-Қандай қилиб мухолифат лидери бўлиш ва ўз атрофига одам тўплаш мумкин?
-Яқинда инқилоб қиламан, ҳаммага мансаб бераман, деса, бас!
ХХХ
-Икки ўзбек қаерда бемалол гаплашиши мумкин?
-Интернет адреси ёзилганда охирида русларнинг белгиси “ру” бўлган барча веб саҳифаларда, яъни “ру”… “ру”..ларда!
ХХХ
-Агар пул бўлса, ҳамма нарсани қилиш мумкин, деган гапни ўқиб қолдим, шу тўғрими?
-Бу пулсиз қолган одамнинг гапи!
ХХХ
-Ҳамма бирлашса ҳамма нарсани қилиши мумкин-ку?
-Демак, ҳамма бирлашмайди.
ХХХ
-Бугун мухолифат пикетга чиқди, нега жимсизлар?
-Агар бир кишини мухолифат дейдиган бўлсангиз, у ҳолда ҳукумат жуда хурсанд қилган қиласизку?!
ХХХ
-Кейинги пайтда одамлар боласига Ислом деган исмни бермай қўйдилар, мен уларни бундай қилмасликка чақираман, сиз ҳам менга қўшиласизми?
-Нима, биттаси етмаяптими?
Filed under: Fikrlar | Leave a comment »
Posted on June 2, 2010 by Jahongir Muhammad
САФАР
Исроилнинг Ғазога бораётган ёрдам флотига ҳужум қилгани ҳақида айтилмаган гап қолмади, ҳисоб. Қораламаган ташкилот оз. БМТдан тортиб, Ўзбекистонга қадар овозини чиқарди. Бу муҳим…
Бундай воқеа юз бериши мумкинлиги ҳақида икки ойдан бери Туркияда ҳам, Исроилда ҳам гап бор эди. Шунчаки оғзаки гаплар эмас, матбуотда ҳам. Лекин ўша куни Туркия бош вазири ҳам, Исроил Бош вазири ҳам мамлакатларидан жуда ва жуда узоқда – сафарда эдилар. Туркия Бош вазири Чилида, Исроил Бош вазири эса Канадада эди. Бу эса қизиқ?! Continue reading →
Filed under: Aytilmaydgan gaplar, Kundalik | Leave a comment »
Posted on June 1, 2010 by Jahongir Muhammad
САВОЛ-ЖАВОБ ТАРЗИДА
-Диктатор пулини Швецария банкига қўйиб қайтар экан, нима ҳақда ўйлаган бўлиши мумкин?
-“Бу мамлакатнинг раҳбари пулини қайси ўлкада сақлаётган экан?”-деб ўйласа керак.
ХХХ
-Мулламиз ҳижрат мажбурияти пайдо бўлса дарҳол мол-мулкингиздан воз кечинг, деб айтдилар, бу ҳолда мол-мулкимиз бировларга қолиб кетмайдими?
-Хафа бўлманг, бировларга эмас, ўша муллангизга қолади.
ХХХ
-Телевидениеларини диктатордан қутқазиш учун нима қилиш керак?
-Диктаторнинг ҳамма хоналарига ойна ўрнатиб, бу янги чиққан телевизор деб айтиш керак, олам гулистон!
ХХХ
-Ўтмишдошларимизнинг кўзлари қисиқ бўлганми ёки очиқми?
-Совуқ пайтида қисиқ, иссиқ пайтида очиқ бўлган!
ХХХ
-Ўзбек аёли боласи билан Москвада ҳожатхоналарда ётиб юргани ҳақидаги хабрни ўқииднгизми?
-Қайси бир ҳақидаги хабарни айтаяпсиз?
ХХХ
-“Ҳар” ёзиладими “хар”ми?
-Кимга нисбатан ишлатганингизга боғлиқ.
ХХХ
-У пахта ишини ижобий ҳал қилиб, қаҳрамон бўлди, деб ёзишгани ёзишган, бу қандай иш ўзи?
-Бу пахта қўйиш иши .
Filed under: Fikrlar | Leave a comment »
Posted on May 31, 2010 by Jahongir Muhammad
АРАЛАШ
*Одам ўзига ўзи қарши юрганда тезроқ ўлиб кетади. Чунки жанг аёвсиз бўлади.
*Футболни оз одам ўйнайди, кўз одам севади,
Сиёсатни кўп одам ўйнайди, оз одам севади.
*Ким учундир шуҳратнинг тоғидан қулаган куни ўлган кунидир.
*Курашга майдон йўқ дейсиз, ахир бутун дунё майдонга айланиб кетган-ку?!
*Кимки сиёсатни пул учун эмас, қалбининг амри учун қилса, у ҳақиқий сиёсатчидир!
*Зарар келтиришга интилган одам яхшиликни ёйиш учун маош олиб ишлаганда ҳам зарар келтираверади.
*Таппончани гўзаллик учун тақиб юрмайдилар
*Жуда мағрурланиб кетсангиз уммон соҳилига боринг, нақадар зарралигингизни ҳис этасиз. Ҳа-я, бизда уммон йўқ-ку!
*Ўзингизни зарра ва ожиз ҳис этсангиз, осмонга осилган баланд тоғларга чиқинг, кўнглингиз мағрурликка тўлади. Лекин бизда бундай баланд тоғлар ҳам йўқ ҳисоби.
Filed under: Fikrlar | Leave a comment »
Posted on May 29, 2010 by Jahongir Muhammad
ЛИРИК ЧЕКИНИШ
*Қуёш севиб нур бағишлар Ой жонига,
Моҳтоб эса тунда қочар Ер ёнига.
*Оқшом ханжарини санчди Қуёшга,
Қуёш қонга ботиб, бош қўйди тошга.
*Ошиқ оқшом мастдур гўшагида,
Яланғоч кун ухлар тўшагида.
*Зулмат ухлар саҳар қўйнида,
Қўллари оқшомнинг бўйнида.
*Қоронғу бостириб келади,
Нурдан қоча-қоча…
*Бой бой бўлай дейди,
Камбағал ўлай дейди.
*Яланғоч бандалар навбатда,
Ҳаммомга қийиндир, албатта.
*Дақиқалар аскар мисоли
Қиличини яланғочлаган
Шаҳид тушар орқама-орқа…
*Йўлим тўғри десада илон,
Излари шарманда қилади.
Рост жойини олсада ёлғон.
Ҳамма ёлғонлигин билади.
*Ҳали кузга қадар ёз бор,
Умидинг жўжалардан бўлса…
*Ҳар кимнинг ўз ниқоби бор:
Ёлғончилик, Жўмардлик…
Биров учун ниқобдир ор,
Биров учун номардлик.
Filed under: Fikrlar | Leave a comment »
Posted on May 28, 2010 by Jahongir Muhammad
ДЎСТЛИК ҲАҚИДА
*Дўстинг нега сени сотганини таҳлил қилдингми? Чунки дўст танлашни билмайсан. Хафа бўлма, бошқалар ҳам билмайдилар.
*Агар сен дўстингга дўст бўлишни уддалай олсанг у ҳам уддалайди.
*Йиқилганингда кўтарадиган дўстлар оз, аммо ўлганингда (тобутингни) кўтарадиган дўстлар кўп.
*Мени менга мақтагандан қўрқаман.
*Агар менга дўст бўлсанг, мени менга эмас, душманимга мақта.
*Менга отилган тошга кўкрагини керган дўстимга жоним садаға.
*Ёлғиз қолсангиз ўкинманг, ойнага қаранг, энг яқин дўстингиз бор.
*Хотиним дўстимдир. Чунки у мени чин дилдан севади, мендан нафрат қилмайди.
*Умид дўстларни жипслаштиради, умидсизлик айиради!
*Дўстини эгоист деб айблаш эгоистликдан келиб чиқади.
*Менга тақлид қилманг, мендан ўзиб кетинг, дўстим!
Filed under: Fikrlar | Leave a comment »
Posted on May 27, 2010 by Jahongir Muhammad
ТИЛ ҲАҚИДА
*Ўзга тилда дод солмоқ ихтиёрдир,
Она тилни ёд олмоқ ифтихордир.
*Тилни сунъий тарзда тозалай олмайсиз, чунки у сизга бўйсунмайди.
*Тилни бойитишингиз мумкин, бунга изн беради, чунки у ҳам камбағал.
*Инсонга миллати ё мансабига қараб эмас, ўз тилини билишига қараб баҳо берсангиз, адашмайсиз.
*Тилга хизмат қилиш бу маданиятга, маънавиятга, мамлакатга ва миллатга хизмат қилишдир.
*Агар тил бўлмаганда одамлар акиллаб юрган бўлардилар.
*Она тилини она билан бирга ташлаб кетсангиз, демак ўгай боласиз.
*Она тили фақат она билангина гаплашиш даражасига тушса, бу мустақилликка жаноза ўқиш яқинлигидан даракдир.
*Дунёни қуролсиз забт этишни истасангиз, тилларни ўрганинг!
*Тил билганим учун мағрурлигимни сақлаб қолдим.
Filed under: Fikrlar | Leave a comment »
Posted on May 26, 2010 by Jahongir Muhammad
СЎЗ ҲАҚИДА
*Бир сўз бузган дунёни минг сўз туза олмаслиги мумкин.
*Ҳақ сўз дор тагида бўйинга илинган арқонга ўхшайди. Айтмасанг бўғиласан, айтсанг ҳам бўғиласан.Танлов ўзингда. Айтиб қол.
*Баъзан қиличдан қўрқмаганлар ҳам сўздан қўрқадилар.
*Мендан эмас, сўзимдан қўрқадилар, лекин менинг ўзимни ўлдиришга уринадилар, чунки сўзимнинг олдида заифдирлар.
*Сўз маҳлиё этади, сўз асир этади, сўз ўлдиради, сўз тирилтиради, лекин сўз худоликка даъвогар эмас.
*Сўзим, кўзларингга кириб ухласам, совқотмасмидим?!
*Сўз севгим, бахтим, тахтим, аҳдим ва нақдим!
*Мазмун излаймиз, бемазмун сўзлардан
Мазмун тополмаган каби мазмундор сўзлардан!
*”Бу ёзган сўзларингизни ит ҳам ўқимайди” деб қаҳр сочдингиз. Ит ўқимаса ҳам сиз ўқибсиз, сиз озиқланибсизку! Лекин қани эди итлар ҳам ўқиганда…
*Сукут ва сўзлаш танловида сўзлашни танлардим. Сўзлаб қолмасак, зотан сукут кутиб турибди, абадий сукут!
Filed under: Fikrlar | Leave a comment »
Posted on May 25, 2010 by Jahongir Muhammad
ЖУРНАЛИСТЛАР ҲАҚИДА
*Журналистларни уч тоифага бўлиш мумкин׃
1.Ўз жонига қасд қилганлар. Улар туғма қобилиятга эга бўладилар ва журналистликдан адиб, арбоб даражасига етадилар. Сўз сеҳрини ўзлари ҳам ҳис этадилар ва ўқувчига ҳам ҳис эттирадилар. Ёзганлари воқеага айланади, эсда қолади, ўлмайди.Улар умрларини ёзганларига бағишлайдилар.
2.Чалажон журналистлар. Улар журналистика билан чекланиб қолган ижодкорлардир. Ўз истеъдодларини қандай қилиб ишга солишни билмай юрадилар, ёзганлари чалажон бўлгани каби ўзлари ҳам чала жондек ички бир қийналиш билан яшаб ўтадилар. Continue reading →
Filed under: Fikrlar | Leave a comment »
Posted on May 23, 2010 by Jahongir Muhammad
ЖУРНАЛИСТИКА ВА ТАРАФКАШЛИК
*Тарафкашлик – Ўзбек тилидаги ахборот воситаларининг бугунги энг катта фожиаси.
*Тарафкашлик шахсга сиғинишнинг бешигидир.
*Тарафкашлик-маҳаллийчиликка ўйнаш.
*Агар бир миллатнинг журналистлари тарафкаш бўлсалар, билинг-ки бу миллат кўп зарар кўради.
*Ахборот воситасида ишловчи шахс тарафкашлик қилса, бу унинг журналист даражасига кўтарилмагани, ҳатто маошини ҳалол қилиб олмаганига шорадир.
*Тарафкашлик қонида бўлган киши журналистлик эмас, аравакашлик қилса, ўзига ҳам, миллатига ҳам фойда.
*Ўзига ёққанини кўриб, ёқмаганини кўрмасликка олиш журналистнинг тубан кетишидир.
*У кўриб кўрмасликка олган воқеаларни халқ кўриб туришини ҳис этмаслиги унинг ички “мени” ўлганидан дарак. Continue reading →
Filed under: Fikrlar | Leave a comment »
Posted on May 22, 2010 by Jahongir Muhammad
МАТБУОТ ВА ЖУРНАЛИСТИКА ҲАҚИДА
*Матбуоти эркин бўлмаган элнинг одамлари қулоғи яхши эшитмайдиган, кўзи хира кишининг аҳволига тушадилар.Улар турли воситалар билан ўзларига эшиттирилигани ва кўрсатилганидан бошқа нарсани билмайдилар. Агар билсалар… ўша кун уларнинг уйғониш куни бўлади.
*Журналистика денгизга ўхшайди. Кимдир унда марваридни кўради, кимдир шўр сувни ва кимдир акулани.
*Журналистика денгизга ўхшайди. Унинг бағрига шўнғиганлардан кимдир садаф излайди, кимдир унинг тўлқинларидан мавжланади, кимдир унда шўр сувдан бошқа нарса тополмайди ва кимдир акулага ем бўлади. Continue reading →
Filed under: Fikrlar | Leave a comment »
Posted on May 21, 2010 by Jahongir Muhammad
ЯХШИЛИК ҲАҚИДА
*Ўзига яхшилик қилганларни унутиб, ўзи яхшилик қилганларни эслайдиган одам разолат ботқоғига ботган одамдир.
*Ўзи ўзгаларнинг яхшилиги эвазига яшаб юрган одам ўзига яхшилик қилганлар ва қилаётганларнинг ўзгаларга ҳам яхшиликларини мен туфайли қилмоқдалар ва бу менинг яхшилигим деса у қалби сўқир болиб қолган одамдир.
*Ҳамма ундан юз ўгирса ва у мен яхшилик қилган одамлар мендан юз ўгирдилар деб аюҳаннос солса, у ақли жойида бўлмаган одамдир. Continue reading →
Filed under: Fikrlar | Leave a comment »
Jahonnoma 
You must be logged in to post a comment.