27 йиллик даврда Каримовдан бошқа Президентни кўрмаган бутун-бошли авлод етишиб чиқди. Бу авлод Каримов шиорлари, нутқ ва китоблари таъсири остида улғайди. Каримов оламдан ўтиб тарихга айланар экан¸ унинг гапи ва амали ўртасидаги тафовутни таҳлил қиламиз.
“Ўзбекистонда тинчлик” ëки Каримов даврида улғайган омма сленгида “За то тинчлик” деган шиор мамлакатдаги ҳар қандай муаммо ëки ҳақсизликни оқлаш учун самарали ишлатилмоқда¸ дейди ўз даврида бир муддат Каримов билан ишлаган собиқ депутат Жаҳонгир Муҳаммад.
Суҳбатдошга кўра каттароқ ёшдагилар СССР парчаланган ва мустақиллик эълон қилинган алғов-далғов замон, Каримов ҳокимиятга келган илк кунларни яхши эслашади. Continue reading →
1 СЕНТЯБР – АЗИЗ УСТОЗИМИЗ ЖАҲОНГИР МУҲАММАД ТУҒИЛГАН КУН!
Халқимизнинг забардаст фарзанди, давлат ва сиёсат арбоби, тилшунос олим, атоқли ёзувчи, Ўзбекистонда хизмат кўрсатган журналист, қадрли устоз адибимиз Жаҳонгир Муҳаммад бугун АҚШда ўзларининг таваллуд айёмларини қарши олмоқдалар.
Шу муборак айём муносабати билан Устозимизни чин дилдан табриклаймиз!
Ҳурматли Жаҳонгир ака!
Сиз бутун умрингиз давомида адолат ва ҳуррият учун маҳкам бел боғлаб курашиб келмоқдасиз. Сизнинг босиб ўтган ва ўтаётган шонли умр йўлингиз ҳамиша биз ёшларга улкан ибрат мактабидир. Continue reading →
Жорий йилнинг 28 август куни Ўзбекистон Вазирлар Маҳкамаси илк бора мамлакат Президентининг соғлиги ҳақида расмий хабар берди. Унга кўра, “Ўзбекистон Республикаси Вазирлар Маҳкамаси Ўзбекистон Республикаси Президенти Ислом Каримов стационар даволанишда эканини маълум қилади. Мутахассисларнинг фикрига кўра, тўлиқ тиббий кўрик талаб этилади”, дейилган ҳукумат хабарининг ўзгартирилган ва 29 августда эълон қилинган матнида.
“Каримов сиёсатини кейинги президент 1-2 йил давом эттиради. Сўнгра…”
Ислом Каримов касаллик туфайли президентлик ваколатларини бажара олмай қолган тақдирда унинг ўрнига даъвогарлар ким? Ҳокимиятни кейинги қўлга топширишда Конституцияга риоя қилинадими? Давлат раҳбарлигига навбатдаги номзодни танлашда ҳал қилувчи сўзни ким айтади? Озодлик радиоси қатор сиёсатчи ва сиёсатшуносларга берган бу саволларни OzodNazar АҚШда яшаётган журналист Жаҳонгир Муҳаммадга берди.
“$200000 га мен биттадан машина ҳам қўшиб берган бўлардим”, деди АҚШда яшаётган журналист Жаҳонгир Муҳаммад бугунги суҳбатда.
Нима учун “$200000, нима учун бу пул ёнига машина ҳам қўшилиши керак, кимга бериладию сарлавҳага чиқарилган “Яхши бўлди!” нима муносабати билан айтилди?
Бу саволларнинг жавоби шу кунда ҳамма учун ҳам кундай равшан. Суҳбат давомида ўта жиддий бир гап ҳам кўтарилди.
-Ҳей, чамандар, яна хаёлга берилдингми? Давай, давай, тезроқ ишла! Бугун бу йўлдан сани Президентинг ўтар экан. Битта хас ҳам қолмасин. Агар қолса, ялатаман!
Бу аблаҳ Петка. Ҳар кун уни сўкади. У парво қилмай, хаёлига кўмилиб ишлайверади.
Тонг. Шаҳар ухламаган. Лекин табиат ўлик. Ислом ўзини “табиат гўркови” деб билади. Барглар қуриб, тўкилаверади. Ислом супуриб кетаверади. Умри кўчада ўтади. Ўтмаса, олислардаги ота-онасининг насибаси узилади. Уларни кўрмаганига ҳам анча бўлди. Онаси касалхонадан чиқса, отаси киради. Синглисини узатишди. Унинг ҳам нони ярим экан, бутун қилиш учун Туркияда.
Исломнинг Президентга ҳурмати баланд. Уни отам, деб билади. “Бечора, жонини жабборга бериб бўзлайди, ёнидагилар бажармайди”. Ҳаммасига атрофидагилар айбдор, деб ўйлайди.
Уруснинг телевизорида унинг номини эшитиб қолса, қувониб кетади. Танқид қилишса, жаҳли чиқади: “Ахир бизга ватан берган, мустақиллик берган, илм берган зотни нега танқид қиласан, чўчқанинг авлоди!” Continue reading →
“Эрдўғон ўз ғурурини русларнинг оёғи остига ташлади”
2015 йилнинг 25 ноябрида турк ҳарбийлари Россиянинг Су-24 учоғини уриб туширганидан сўнг Путин билан “юз кўрмас” бўлиб кетган Эрдўғон бугунга келиб уни “дўстим”, деди. Анқара-Москва муносабатларининг яшин тезлигида ўзгариши – АҚШда яшаётган журналист Жаҳонгир Муҳаммад билан суҳбатда тилга олинган мавзулардан бири.
Сарлавҳага чиқарилган гапнинг давоми, албатта, суҳбат ичида. АҚШда яшаётган публицист Жаҳонгир Муҳаммаднинг OzodNazarини тинглашни бошлашингиздан олдин бир нарсани эслатиб қўйишимиз лозим. Сиёсатшунос Камолиддин Раббимов мамлакат аҳолиси ўсишига оид Ўзбекистон Республикаси давлат статистика қўмитаси куни кеча эълон қилган сўнгги маълумотларни шарҳлар экан, уларнинг тўғрилигига ҳеч қандай шубҳа билдирган эмас эди. Жаҳонгир Муҳаммад эса, ҳукумат мамлакат аҳолисини “қўшиб ёзаяпти”, деган фикрда…
Ўзбекистоннинг “саводли армияси”, Отатурк ва Эрдўғон, Трамп ва Клинтон – булар бугунги суҳбатда тилга олинган бошқа мавзулар.
АҚШда Президентлик сайлови жараёнлари қандай кетмоқда?
TUG’YON радиоси
25.07.2016
Бугунги дастуримиз бу йил ноябрь ойида АҚШда бўлиб ўтадиган Президентлик сайловига бағишланади.
Сайловолди жараёнлари ҳақида биз АҚШдан давлат ва сиёсат арбоби Жаҳонгир Муҳаммад билан суҳбатлашганмиз. Эслатиб ўтамиз, суҳбатимиз бундан анча кунлар олдин ёзиб олинган…
Бундан 25 йил олдин Ўзбекистон мустақил бўлганидан сўнг¸ янги давлат рамзларини (байроқ, гимн ва герб) қабул қилиш масаласи кўрилган эди.
Ўша пайтда мустақил бўлган Болтиқбўйи¸ Украина¸ Грузия ва Арманистон каби давлатлар ўз тарихий байроқларини кўтаришди. Россия ҳам 1720 йилги тарихий байроғини қайта тиклади.
1991 йилда Ўзбекистон Олий Кенгашида мутлақ кўпчиликни ташкил қилган коммунист депутатлар ўшангача амалда бўлган Ўзбекистон ССР давлат рамзларидан “СССРга тегишли” айрим ёзувларнигина ўчириб, янги мустақил давлат рамзлари сифатида тезроқ қабул қилиб қўйиш таклифи билан чиқишди. Continue reading →
Бугунги дастуримиз 23-24 июнь кунлари Тошкентда бўлиб ўтадиган ШҲТнинг навбатдаги саммитига бағишланади.
Дастуримизда АҚШдан давлат ва сиёсат арбоби Жаҳонгир Муҳаммад иштирок этадилар.
Тошкентга келган Шанхай Ҳамкорлик Ташкилотига аъзо давлатлар президентлари айни соатларда икки кунлик саммитнинг биринчи йиғинини ўтказмоқда, дея хабар қилди, бугун куннинг биринчи ярмида Озодлик радиоси ўзбек хизмати. Continue reading →
20 июнь – Янги Ўзбекистон тарихидаги энг муҳим кун!
Ўзбекистон Мустақиллик Декларацияси қабул қилинганига, бугун, 26 йил тўлди. Шу қутлуғ сана муносабати билан Ўзбекистон парламенти – Олий Кенгашнинг 90-йиллар бошидаги Халқ депутатлари, Мустақиллик Декларацияси қабул қилиниш жараёнида катта жонбозлик кўрсатган миллат вакиллари, АҚШдан Жаҳонгир Муҳаммад ҳамда Канададан Насрулло Саййидлар билан суҳбатлашдик.
Бундан 26 йил аввал, 1990 йил 20 июнда Ўзбекистон ҳали СССР таркибида турган вақтда Ўзбекистон Олий Кенгаши Мустaқиллик Декларациясини қабул қилган эди.
Мустақиллигимизнинг шу ёрқин куни муносабати билан барча ватандошларимизни самимий табриклаймиз!
Shu bilan birga uni kitob holida olib o’qishni yoki kutubxonasida saqlashni istaganlar xarid qilish imkoniga ham egadirlar. Kitob arzon narxda sotilishi uchun muallif undan haq talab qilgan emas. Tannarxiga sotishmoqda.
Shu bilan birga uni kitob holida olib o’qishni yoki kutubxonasida saqlashni istaganlar xarid qilish imkoniga ham egadirlar. Kitob arzon narxda sotilishi uchun muallif undan haq talab qilgan emas. Tannarxiga sotishmoqda.
Москвада хориж дипломатлари ўртасида 1 июнь куни ўтказилган гольф бўйича хайрия турнирида Ўзбекистоннинг Россиядаги элчиси Баҳром Ашрафхонов энг яхши ўйинчи, деб топилди. Ўзбекистонлик дипломатнинг спортдаги бу шахсий ютуғи тўғрисидаги хабарнинг, бир қарашда, АҚШда яшаётган ўзбек журналисти Жаҳонгир Муҳаммад билан бугунги OzodNazarда ўтказилган суҳбатда тилга олинган бошқа мавзуларга алоқаси йўқдай. Лекин бу бир қарашда, холос. Аслида эса…
1991 йилнинг 30 Сентябрида иш бошлаган Ўзбекистон Олий Кенгашининг ўн биринчи чақириқ 7-сессиясида Ўзбекистон президентини жиддий танқид қилган депутат Шуҳрат Нусратов қамоқдан озод қилинди.
Ўзбекистон тарихидаги энг демократик парламентнинг депутати бўлган ва ҳозир АҚШ да истиқомат қилаëтган Жаҳонгир Муҳаммаддан бу сессиянинг ҳусусан шу сессияда сўзга чиққан Нусратов нутқининг аҳамиятини сўрадик.
2017-2021 йиллар давомида Ўзбекистоннинг мудофаага сарфлайдиган маблағи миқдори 11,8 миллиард АҚШ долларига етиши мумкин. Бу маълумот Strategic Defence Intelligence гуруҳи эълон қилган янги ҳисоботдан олинди. Хўш, рақамни қандай тушуниш керак? Озми у кўпми? АҚШда яшаётган ўзбек журналисти Жаҳонгир Муҳаммад билан суҳбатда шу саволлар атрофида ҳам гап бўлди.
Америка ҳиндулари билан туркийларнинг қариндошлиги мавзусига қиқзиқсангиз, суҳбатни албатта тингланг.
Ўзбекистонлик таниқли инсон ҳуқуқлари фаоли Дмитрий Тихоновнинг тазйиқлар ортидан мамлакатни тарк қилиши қабатида ўзбекистонлик қочқинлар муаммоси яна жамоатчилик эътиборига тушди.
“БМТнинг Қочқинлар ҳақидаги конвенциясини суиистеъмол қилиб¸ Ғарбдаги яхши ҳаëтга шерик бўлиш илинжида ўзини Ўзбекистонда сиëсий ва диний тазйиққа учраган қилиб кўрсатаëтганлар сони кўпаймоқда”, деган иддаолар ҳам пайдо бўлди. Continue reading →
“TUG’YON” радиосининг бугунги дастури ҳам махсус сон сифатида тақдим қилинмоқда.
Боиси, куни кеча 29 мартдан 30 мартга ўтар кечаси Голландиянинг Тиль шаҳар касалхонасида шифохона расмий ҳужжатларига кўра, маҳаллий вақт билан тунги соат 1.45 да шу давлатда 10 йилдан бери сиёсий муҳожиратда яшаётган ватандошимиз, таниқли ўзбек журналисти, шоир ва ёзувчи, Zamondosh нашрининг асосчиси Ризо Обид 58 ёшида оғир хасталикдан кейин вафот этди.
Ризо Обид тахаллуси билан ижод қилган таниқли ўзбек журналисти Ризохўжа Обидов 1958 йилнинг 1 январида Наманганда таваллуд топган. 2005 йилдаги “Андижон воқеалари” ортидан Ўзбекистонни тарк этгунига қадар бир қатор нашрларда фаолият олиб борган, халқоро радиолар билан ҳамкорликда ишлаган.
БМТнинг Қочқинлар ишлари бўйича Олий Комиссарлиги томонидан сиёсий муҳожир мақомини олган Ризо Обид 2006 йилдан бери умрининг охиригача Нидерланд Қироллигида яшаган. Умрининг сўнгги вақтларида Кулембург шаҳрида истиқомат қилган.
Бу ҳаёт- кимдир йиғлаб келиб, йиғлаб кетади.
Кимдир йиғлаб келиб, сукутда кетади. Дунё йиғлаб келиб, кулиб кетганни кам кўрган. Ундай ҳам, бундай ҳам, инсон боласи кетади. Эртага биз ҳам кетамиз. Бошқалар ҳам. Лекин янгилар келаверади Бу чархпалак. Айланаверади.
Бугун Ризо Обиднинг вафоти ҳақида ўқидим. Гапнинг очиғи ишонмадим. Илгари ҳам у каминани шунга ўхшаш масалада бир-икки марта “қўрқитган”. Ҳаракат қилиб, уни “тирилтириб” олгандим.
Бу дунёда энг кўп сўкишни у туфайли эшитдим. Қайта-қайта гаплашиб ҳам кўрдим, мақтаб ҳам кўрдим, ёмонлаб ҳам кўрдим-бўлмади. Охири воз кечгандим. Илгари унинг учун бошқалар мени сўккан бўлишса, энди у бошқалар учун мени сўка бошлади. Бир кун тушуниб олса керак, деб индамадим. Continue reading →
Jahonnoma 
You must be logged in to post a comment.