Сиёсий сатира

kitobОқсарой ҳангомалари

2.Бўйиннинг бурчи

”Катта”  Анвар қорини ёнига ўтқазди ва׃

-Ҳазрат, сизни отиб кетишганмиди?-деди

-Ҳа, ҳа… пичоқлаб кетишувди. Анча бўлиб кетди. Адашмасам, 2009 йилда эди, 31 июлдамиди?!

-Соати ҳам эсингиздами?

-Минг карра узр, аниқ соати эсда қолмаган, қарияпмизда…,-деди Қори ака қўлини кўксига қўйиб.

-Ҳа, мани ҳам эсимда кўп нарса турмайди. Ўшанда бир ҳафтадан кейин ишга чиққан эдингиз-а?

-“Чиқсин” деб амри-фармойиш берган экансиз, ҳукми шоҳ, ҳукми Худо деб чиққанмиз.

”Катта” бошини кўтариб, осмонга қараб, кўзи билан кулиб қўйди. Кейин яна Қори акани саволга тутди׃

-Ўшанда МВДдан ҳам биттасини пичоқлаб кетишганди-а?

-Ҳа.. ҳа… Манимча, отиб кетишгандиёв. Раҳматли бўлди.

-Ҳм… Сизга пичоқ урганлар неча киши эди?

-Манимча… бир неча киши эди…

-Юзтача бормиди?

-Пичоқни ургандан кейин кўзимнинг олди тиниб қолди… аммо кўп эди…

”Катта” яқинидаги мулозимга қаради.

-Эшитдингизми, кўп эди деяптилар?

-Ҳа… Ҳа… Биз ҳам юзтача одамни қамаб ташладик,-деди мулозим расмий оҳангда.

”Катта” Қори акага юзланди׃

-Ҳммм.. бу йигит юзтача деяти, сиз кўпроқ деяпсиз, қанча одам эди ўзи?

-Тақсир, бошим айланиб, кўзимнинг олди қоронғулашиб қолганди. Ўзимдан кетиб ўзимга келиб тургандим. Бир кўзимни очсам, минглаб юлдузчалар кўринганди.

-Ўшалар одам бўлиши мумкинми?

-Ҳа… ҳа… Қон кетавергандан кейин атроф осмон, одамлар юлдузчалардек кўриниб қолар экан…

-Ана кўрдингизми,-деди ”Катта” ҳалиги расмийга қараб,-бу ишни қайтадан очиб, қайтадан кўриш керакки, адолат қарор топсин. Биз нима учун яшаяпмиз? Адолатни ўрнатиш учун. Шундай эмасми, Қори ака!

-Ҳақ рост айтингиз, Субҳонолло, Субҳонолло! Илоё умрингизни узоқ қилсин! Омин!

-Сизни ҳам, Қори ака, борингизга шукур! Сизга ёрдам қилиш, адолатингизни тиклаб бериш бўйнимизнинг бурчи!

Жаҳонгир Муҳаммад.

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: