Миннатдорчилик
Инсон ўзи билмаган ҳолатда самимийлигини ёки аксини, кимнидир ҳурмат қилишини ёки тескарисини ошкор этиб туради. Бошқача айтганда ишоратлар беради. Байрамлар, тўйлар, туғилган кун, ҳамдардлик пайтлари каби яхши-ёмон кунлар бунга баҳона.
Камина баъзан буни унутиб қўяман ва энг яқин дўстларни ҳам вақтида қутлашни бажара олмайман. Бу ҳақда кейинроқ билиб қолсам, кўнглим хижолат тортиб юради. Чунки ўша одамда каминанинг самимийлигига ва уни ҳурмат қилишимга шубҳа пайдо бўлиши мумкин. Бу инсоний инстинкт.
Шунинг учун ҳам муҳим саналарда икки энлик мактуб юборолмаганим – дўсту танишлардан узр сўраб қўймоқчиман. Мана 59 ни “думалатиб”, 60 нинг диёрига қараб қадам қўйдим ва энди ана шу нуқсимни тугатишим кераклигини англаб турибман. Қўлимдан келадими, йўқми, билмайман. Чунки бу ҳам бир қобилият ва бир санъатдирки, ҳар ким ҳам уддалай олмайди.
Ўзбекнинг ойдинлари, зиёлилари орасида бу борада кўп нарсани ўрганадиган одамлар бор. Масалан, бу йилги туғилган кунимда ҳам улардан дарс олдим. Ҳурматли домламиз Ботир Норбой, каминани “ҳаётда учраша олмаган укам” дейдиган Носир Зокир, туғишган акаси каби кўрадиган Ризо Обид, доим илиқ гаплари билан дилимни равшан этадиган Равшан Шамс, қадрдон дўст Абдуқодир Саттор, бизни асло унутмайдиган акамиз Абдуфаттоҳ Маннопов, адиблар Одил Икром, Абулқосим Мамарасулов, инсон ҳуқуқлари фаоли Башорат Эшова, Надежда Атаева, камоли молик укамиз Камолиддин Раббимов, журналист синглимиз Саодат Омонова, ҳурматли домламиз Аҳмад ҳожи Хоразмий, шоира Жаҳона Бегим, сафдошлар Зокир Али, Жамшид Бек, Бобур Холиқназаров, Мистер Қалампир тахаллуси остида ижод қиладиган исми–шарифини аниқ биладиган қадрдон укамиз, яна бир укахонимиз Максим Назиров, яна бир жонкуяр синглимиз Моҳира Ортиқова ва бошқа жуда кўплаб ўзбекистонлик ёру дўстлару Фейсбукдаги қадрдонлар, Америкага келиб бу ернинг ажойиб халқи орасидан орттирган дўстларнинг барчасининг номларини бир-бир санайман десам, адашиб кетсам керак. Шу ўринда гарчи икки қутбнинг одамлари бўлсакда, туғилган кунимда айрим тарихий воқеаларни билиб-билмай хато талқин қилганига қарамасдан, самимий ёзилган мақоласи билан йўқлаган Исмат Хушевнинг номини ҳам айтиб ўтишим керак.
Хуллас, демоқчиманки, каминага ва оиламга самимий тилаклар йўллаганларга қуллуқ дейман, оиламиз номидан миннатдорчилик билдирамиз Исмларини келтирганим, ўзбекистондаги шароит ва бошқа сабаблар боис номларини айтолмаганларим – барча самимият султонларига ҳам орзулари амалга ошишини, Ўзбекистондаги эзилган халқ рўшнолик кўриши каби истаклари ҳам рўёбга чиқишини, оилалари, дўстлари билан бирга эсон-омон бўлишларини тилайман.
Жаҳонгир Маматов.
Filed under: E'tirof | Tagged: Жаҳонгир Маматов |
Jahonnoma 
Qadrli Jahongir aka, dil so’zlaringiz o’zingiz kabi samimiy va ko’ngilli! Aytuvingizdek, bizlarni ulkan masofa va uzoq sohillar ajratib turgan esada, ardoq va yurakdagi mehr, yaxshi so’z, kalomdagi sokin tuyg’ular, o’sha tuyg’uga uyqashgan yaqin jigardek ajib muomila, Rizo aka tuygan akalikdek yaqinlik, Zokir akaning ko’ra turmay qadrdon ukadek sanashi . . so’zlar…. so’zlar… o’zbekning oddiy o’zbekona odati bu. Bu odat va bu munosabat Jahongir aka, aslan o’zingiz hayotingiz, umringiz hosilidir. 59 ни “думалатиб”, 60 нинг диёрига қараб қадам қўйgan bir mehrkash insonning nuqsi emas, bog’ingizdagi chiroyli mevadir.
Bu chiroyli meva xushboyligi ham, bamazaligi ham bog’bondan, bog’boni esa o’zingiz. Ilmiy ishlaringizda, xonadon sohibligida, do’stlar davrasida, otalik homiyligida, barcha-barchasida Sizga Alloh nazari baland bo’lsin Jahongir aka. O’zbekistondek serquyosh Vatan hududlari, qora er ko’ringan aziz tuproq poyingizda bo’lsin, Vatanda – Ona er quchog’ida go’zal diydorni nasib etsin!
Bunda barcha uchun qo’yilgan matningizda ham o’bdon xolis va chiroyli yozibsiz. Bunda ijodkorning bir bola qalbi samimiyligi, do’stlar diydoriga sog’inch, Vatanga cheksiz muhabbat, yurt uchun kurashmoqning amal olmagan ko’rinish iztiroblari, yuragingiz tubida qolayotgan, hali aytilmagan, yozilmagan sohir tuyg’ularning urmagan to’lqinlari epkini, eli seziladi.
Aslan, Jahongir aka, bani odamizot bir tanadir. Tanada dard bo’lib, uning bir juzi og’riganidek, ayrim atrofdagilarning ko’lankali, afususki ba’zida istqirt tuyuladigan tarixda qoluvchi izlari bo’ladi. Siz bularning bridan yuqorida turuvchi nafaqat ijodkorsiz, balki ilm olami insonisiz ham.
O’zbekistonning eng yangi tarixi sahifasida, qudratli yangilansih po’rtanalarida joy olgan, yangi siyosat yaratiluvida iz qoldirgan rahbar hamsiz. Buni hech bir mubolag’asiz yoza olaman, u o’tgan ilk istiqlol yillarida yangi hayot gulshanida qadim Turkistonimiz, yagona o’lkamizning eng qudratli, ommaviy axborot vositasi aynan Sizning rahbarligingizda yangi yo’l oldi. “Amerika ovozi” dek jahon radiosi o’zbek xizmatining bugungi ko’rinishida ham Sizning xizmatingiz ozmuncha emas, hali ham AQSh kongressi bu dunyo OAVi taraqqiyoti uchun Sizdan maslahat olib tursa yomon bo’lmasdi.
Izhorlarni yozaman desam gap ko’p Jahongir aka, bularni qayta va qayta yoyinlamoqdan nima naf? Bizki bormiz, jigar yaqinmiz va meh, ardoq, samimiylik bor ekan, qolgan barchasi hecdir. Bor bo’ling va ko’p yashang! Har doim va har erda omadingizni bersin, Allohning qudrat va azim qanotida qoling!