Жаҳонгир Муҳаммад: Фикрлар ирмоғи (18)

-ИАК нега бунча олтин йиғмоқда?
-Жаннатга кириш ҳаққини сотиб оламан, деб ўйлаётган бўлса керак.

ХХХ

-Қандай қилиб ИАК Ойбекнинг юбилейини ўтказишга рози бўлди?
-Хабарингиз йўқми, у аллақачон нариги дунёда тарафдорлар тўплашга киришган.

ХХХ

-ИАК Интернетга ҳам кирармикан?
-Унда вақтини қандай ўтказади?

ХХХ

-Нега Сайхунни Сирдарё деб ўзгартиришган?
-Чунки Сайхуннинг тубида кўп гаплар, кўп сирлар борлиги учун халқ шундай қарорга келган.

ХХХ

-Мен ўлсам, қабр тошимга нима деб ёздирган бўлардингиз?
-“Худо раҳмат қилсин, саволдан қутулдим!”

ХХХ

-Нега бизнинг одамлар Ўзбекистон ҳақидаги муаммоларни гапирмасдан фақат АҚШни танқид қиладилар?
-Чунки уларнинг бола-чақаси бор-да.

ХХХ

-Газеталаримиз ёзишича, Оқпошшо ИАКга телефон қилибди, шу тўғримикан?
-Хабарни ўзбек газеталаридан олган бўлсангиз, демак тескариси: ИАК Оқпошшога телефон қилган.

ХХХ

-Оқпошшо ва ИАК телефонда нимани гаплашдилар, эшитдингизми?
-Узр, янглиш жойга мурожаат қилдингиз, бу иш билан МХХ шуғулланади.

ХХХ

-ИАК ва Оқпошшо нимани гаплашган бўлишлари мумкин, тахмин қила оласизми?
-“Қачон бизни ер ютадию одамлар бизни масхара қилишдан тўхтайдилар?” деган мавзуни гаплашган бўлишса керак!

XXX

-Мана Қурбон ҳайити ҳам яқинлашмоқда, ИАК қурбонликка қўй сўярмикан ёки ҳўкизми?
-ИАК барча “ҳўкиз” ва “қўй”ларни қурбон қилиб юборган, подасида эса фақат эшаклар қолган, бирортасини сўйиб юборса керак!

XXX

-Нега фақат сиёсий саволарга жавоб берасиз, севги ҳақидаги саволларни нега четлайсиз?
-Кимнинг севгиси ҳақида гапираяпсиз, халқнинг ИАКка севгисими ёки ИАКнинг халққа севгисими?

ХХХ

-Мен сиёсий партия тузмоқчиман. Ишни нимадан бошлашим керак?
-Пул топишдан!

ХХХ

-ИАК мухолифатни рад этилганлар ташкил қилади, деб айтди, ваҳоланки бугун бутун халқ унга мухолифатда, қандай қилиб шундай дейиши мумкин?
-Бутун халқ рад этилган… У тўғри гапни айтбди.

ХХХ

-“Америка очиш” деган ибора кўп ишлатилмоқда. Бу нима дегани?
-Бу Америкадан сиёсий бошпана олиш кўпаймоқда дегани. Одамлар Ўзбекистоннинг эшикларини ёпиб, Американинг эшикларини очмоқдалар!

ХХХ

-Ватангадо ва ватанда гадо бўлган зиёлиларнинг фарқи нимада?
-Ватангадолар ватанга соғиниб, ҳалол меҳнат қилиб, кун кечирадилар, ватанда гадолар эса меҳнат қилмасдан, гадойлик билан кун ўтказадилар.

ХХХ

Эркин Воҳидов ва Шарифа Салимова орасида қандай фарқ бор?
-Эркин Воҳидов ИАКни саман “От” деса, Шарифа Салимова “Отам”, дейди, фарқ ўз-ўзидан кўриниб турибди.

ХХХ

-Нега Лола Каримова “Сен ёлгғиз эмассан” деган ташкилот тузган? Бу ташкилот кимга ғамхўрлик қилади?
-Ҳар ҳолда, опасининг тирик етим бўлган болаларига!

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: