Jahonnoma

Inqiloblar

SAVOL:Nega arab davlatlaridagi “inqiloblar” natija bermayati?(Qosim).

JAVOB:Qisqa vaqtda natija berishi ham qiyin.

Uzoq vaqtda esa hokimiyat yana diktatorlar qo’lida qolaverishi yoki qaytadan ularning qo’liga o’tishi mumkin. Nega?

Chunki bu “inqiloblar” yo tabiiy emas yoki aniq bir mafkura-maqsadga tayanmagan.

Bundan tashqari inqilob degani olma pish, og’zimga tush, degani emas.

Inqilobning eng oson qismi hukmdorni taxtdan ag’darish qismidir. Eng og’ir qismi esa, undan keyin mamlakatni qanday boshqarish, kimlar bilan, qay yo’sinda boshqarishdan iborat.

Bu narsaga inqilobdan oldin hozirlik ko’rilmagan bo’lsa, inqilobdan keyin mamlakat oldingi holidan ham xonavayron bo’ladi yoki boshqa bir zulmning qo’liga o’tadi. Arab davlatlarida ana shunday bo’lmoqda.

Jahongir Muhammad
21 aprel, 2011 yil
“Savob so’qmog’i” kitobidan.

Filed under: Savob so'qmog'i | Tagged: Jahongir Mamatov |