Ўзбекчилик билан ўзбеклик фарқи нимада?
САВОЛ: Жаҳонгир ака, ўзбекчилик билан ўзбеклик фарқи нимада? Иккаласи биттта нарсами?
Ҳурмат билан Равшан.
ЖАВОБ: “Ўзбекчилик” дегани бу одатларимиз деганидир-тил нуқтаи назаридан.
Реал воқелик нуқтаи назаридан бугун хурофот ва иллатларни хаспўшлаш ёки таъкидлаш учун айтиладиган ибора.
Камина “Ўзбекчилик” нима? деб ёзганда бу сўзни қўштирноққа олгани эса, унинг китобий, луғавий маъносини эмас, балки иллатларни назарда тутганимдир. Ҳар бир халқнинг фазилатлари қаторида иллатлари ҳам бор.
Ўзбеклик дегани мутлоқ бошқа нарса. Бу ўзбек халқига мансублик деганидир. Ўзбеклик ва ўзбекчиликнинг фарқини билмаслик ҳам “ўзбекчилик”дир.
Бугунги ўзбек ким? “Ўзбекни қириб ташланг” деган Амир Темурнинг авлодими ёки Мирзо Бобир салтанатини вайрон қилган ва ўзбак деб аталган Шайбонийхон наслими, Хитой-мўғул босқинлари даврида ассимиляция бўлган гуруҳларми, Араб истилоси пайтида араблашган одамларми, азалдан бу заминда муқим яшаган туроний-эронийларми ёки ҳаммасини ўзида мужассам қилган туркийзабон ўзбекми? Бу алоҳида мавзу ва бу ҳақда илгари кўп ёзганман ва яна ёзиш ниятим бор. Чунки буни англаб етмасак келажагимиз хавф остида қолаверади.
Filed under: Savol-Javob |
Jahonnoma 
Leave a Reply