Jahonnoma

-Жаҳонгир ака, битта саволим бор эди. Сиз ўзингиз айтгандек фаол сиёсатни ташлаб кетгансиз. Бу сиёсатдан узоқ тураман дегани. Агар ҳамма шундай қилиб ўзини сиёсатдан четга олса, келажагимиз нима бўлади? Ўқувчи.

-Бу ҳақда ёзганимда мен фаол сиёсатдан кетганимни айтгандим. Бунга ҳам бир йилдан ошди. Бу дегани бирор-бир ташкилотга аъзо эмасман, бирор ташкилот сафида туриб сиёсат юргизмайман дегани. Бу қадар оддий. Бугун ҳам фикримда собитман. Лекин ўшанда ёзганимдек, бу дегани сиёсатдан бутунлай кетдим дегани эмас.

Ҳаётнинг ўзи сиёсат, ҳар бир айтилган гап сиёсат. Бунинг устига ўз мустақил қарашингиз ва ўз мустақил позициянгиз бўлса, унда ҳар бир айтган сўзингиз ҳам фаол сиёсатдан иборат бўлади.

Демак, мен фаол сиёсатдан кетганим билан сиёсатдаги фаолиятим ҳали ҳам фаол деб ҳисоблайман. Чунки сиёсатга ҳар ким қўлидан келгани қадар ҳисса қўшса, сиёсат жамиятнинг таянч нуқтасига айланади.

Менинг қўлимдан келгани ёзувларим. Буни эса четга сурмай, вақтим етмаганига қарамай фаол давом эттираяпман. Сиёсатдан кетдим деб бир жойда пусиб ётганим йўқ. Ёзганларимнинг ҳаммаси сиёсатдан иборат бўлиб қолмоқда. Сиёсат бўлганда ҳам энг тепаси. Ҳатто “Носиёсий…” деб ном қўйсам ҳам турган битгани сиёсатга айланиб кетмоқда. Шунинг учун мендан хафа бўлишингиз нотўғри.

Filed under: Savol-Javob |