Мулоҳаза

Танганинг томонлари

Умуман  АҚШ ҳудудига хуруж қилган “Сэнди” (Sandy) тўфони ҳақида кўп ёзилмоқда. Жумладан, камина ҳам ўз таассуротларимни ёздим.  Лекин бугун қизиқ бир факт диққатимни тортди. Бу балки сизга ҳам қизиқ туюлиши мумкин.

Танганинг икки томони бўлади. “Сэнди” офатини “Худонинг қаҳри” деганлар ҳам, “Худонинг инояти” деганлар ҳам бор. “Худонинг қаҳри” деганлар асосан Шарқдан, “Худонинг инояти” деганлар асосан Ғарбдан. “Худонинг қаҳри” деганларнинг иддаоси: АҚШ мазлумларни қақшатгани учун Аллоҳнинг қаҳрига учрамоқда!   Хўш, “Худонинг инояти” деганларнинг иддаоси нима?

Америка тарихидаги мисли кўрилмаган бу тўфон қамраган ҳудудда ҳар куни ўртача 263 киши  авариядан ҳалок бўлар экан. Тўфон кунлари одамлардан уйларида ўтириш талаб қилинди, йўллар бекитилди, мажбурий йўлга чиққанларга тезлик нормаси кескин туширилди ва ҳоказо… Тўфондан  ўлганлар сони кўпи  билан эллик атрофида. Нари борса юздан ошар.  Демак, Худо 263 кишидан аксарини асраб қолибди.

Бундан ҳам қизиғи, тўфон иш қидириб юрган 100 мингдан зиёд одамга иш берар экан. Гап шундаки, Нью Йорк ва Нью Жерсей штатларидаги талафотларни қоплаш учун федерал хазинадан пул берилади. Бунинг устига уй-жойлар суғурта қилинган. Эгаларига янгиси бепулга қурилади ёки улар бозор нархида пулини олишади.

Кейинги пайтларда қурилишларда ишлаётган кўпгина ўзбек муҳожирлари ҳам ишсиз қолганди. Демак, Худонинг уларга ҳам раҳми келди, иш жойлари яратиб берди.

Дарвоқе, баъзилар тўфоннинг иқтисодий зарари 20 миллиард доллардан зиёд, АҚШнинг куни битди, дейишмоқда.  Лекин АҚШдаги “400 бойлар” рўйхатининг 13 – ўринда тургани-Ларри Пейж деган кишининг якка ўзидагина 20 миллиарддан кўп пул бор экан…

Кўрдингизми, танганинг икки томони бор.  Худо баҳона, ҳар ким ўзи истаган томонини кўради.

ЖМ.

turonzamin.com

2 Responses

  1. Qiziq mulohaza. Lekin sanab o’tgan faktlaringizda hatolar bor:
    1.Amerikada kuniga o’rtacha 263 kishi avtohalokatdan halok bo’ladi dedingiz.Lekin ushbu statistika qayerdan olinganini aytib o’tmadingiz.Amerikadagi jami halok bo’lganlarning 1 yilligi hisoblanib uni 365(tahminan) kunga bo’lib yuborishadi.Shundan siz aytgan 263 kelib chiqadi o’rtacha(average).Bu degani o’sha 263 har kuni degani emas aksincha O’RTACHA..Balki bugun 2 ta odam o’lar ertaga 410 ta odam o’lar -hullas har xil.Balki to’fon sodir bo’lgan kunda 263 dan ziyod inson avtohalokatdan ko’z yumgandir.
    2.100 mingdan ziyod ish o’rinlari vaqtinchalikkadir. Bundan tashqari davlat boshqa bir narsaga sarflashni o’rniga ofatga pul sarflamoqda.Davlat harajatlari oshib boradi va debt muammosi chigallashib boradi.
    3.Sug’urta pullarini to’lovchi Insurance firmalari zarar ko’radi yoki o’sha sug’urta kompaniyalarini sug’urta qilgan kompaniyalar zarar ko’radi.Ular tomonidan GDP(Yalpi ichki mahsulot) ga bo’ladigan xissa tushib ketadi.

    Hulosa sifatida aytmoqchimanki har qanday ofat o’z nomi bilan ofat.Shunday bo’lsada undan yaxshilik qidirish haqiqiy optimist-matovatsiyasi yuqori bo’lgan insonga hos hususiyatdir.Alloh panohida asrasin hammamizni.

    • Eng so’nggi gaplaringiz mening yuragimdan chiqibdi. Faqat unga “yaxshilik” so’zidan keyin “va yomonlik” so’zini ham qo’shsak ayni muddao bo’ladi.
      Men luqmada aynan shunaqa gaplar deb iddao qilganim yo’q. Aksincha tanganing ikki tomoniga qarab, Xudoni bahona qilib, o’z manfaatlarini o’ylaydiganlar ham bor dedim kinoya bilan.Yuqoridagi gaplaringiz ham to’g’ri. Ofat ofatdir! Qarang Saudiya Arabistonida bitta to’yda va ertasiga bitta avariyada qancha odam o’ldi. Bu narsalarni Xudoning nomiga bog’lash Xudoning dushmanlarining ishi, bu ahmoqlikdir demoqchiman, xolos.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: