Jahonnoma

Бугун шоири мулк Мирзо Бобур бобомизнинг муборак таваллуд кунлари. Ўз ватанидан қувғин бўлиб, ўзга элда султон бўлган буюк муҳожир, илму урфон соҳибининг кунидир бугун ва йилнинг қолган кунлари ҳам ул зотга бахшида…  Бобомизга бир қулоқ тутинг, дилингиздагини айтадилар׃

Ким кўрубтур, эй кўнгул, аҳли жаҳондин яхшилиғ…

Ким кўрубтур, эй кўнгул, аҳли жаҳондин яхшилиғ,
Кимки ондин яхши йўқ, кўз тутма ондин яхшилиғ.

Бу замонни нафъи қилсам айб қилма, эй рафиқ,
Кўрмадим ҳаргиз, нетайин, бу замондин яхшилиғ.

Дилраболардин ёмонлиқ келди маҳзун кўнглума,
Келмади жонимға ҳеч ороми жондин яхшилиғ.

Эй кўнгул, чун яхшидин кўрдунг ёмонлиғ асру кўп,
Эмди кўз тутмоқ не яхши ҳар ёмондин яхшилиғ.

Бори элга яхшилиғ қилгилки, мундин яхши йўқ
Ким, дегайлар даҳр аро қолди фалондин яхшилиғ.

Яхшилиғ аҳли жаҳонда истама Бобур киби,
Ким кўрубтур, эй кўнгул, аҳли жаҳондин яхшилиғ.

Filed under: Kundalik |