-Ўзбек-рус муносабатларининг илдизи
-Каримов ва Клинтон ёнма-ён
-Нега КГБдан қўрқишарди?
-Гоодбай, Кримов!
-Америка чиқиб кетади, аммо Россия ва Хитойчи?
ХХХ
-O’zbek-rus munosabatlarining ildizi
-Karimov va Klinton yonma-yon
-Nega KGBdan qo’rqishardi?
-Goodbay, Krimov!
-Amerika chiqib ketadi, ammo Rossiya va Xitoy kelsa, ketguvchi emas.
28 niyabr, 2005 йил, “Ozodlik”, Qurultoy dasturi.
Filed under: AUDIO, Savol-Javob |
Jahonnoma 
Men sizga Shuhrat Ne`matning (xudo uni rahmat qilsin) bundan o’ttiz yilcha avval yozilgan bir she`rini yuboryapman. U sizga ma`qul tushadi deb o’ylayman. Saytingizda e`lon qilishingiz mumkin. Uni 1993 yilda chiqqan “Ovozsiz suhbat” nomli kitobchasidan ko’chirib oldim. 3-4 kundan keyin uning davomi sifatida yozilayotgan ijodimdan ham yuboraman.
Жобиршоҳ ҳақида ривоят
ШУҲРАТ НЕЪМАТ
Соғиниб келдим ғоят,
Ривоятим, ривоят.
Боболардан мероссан –
Ҳақдан сўзла ҳикоят.
Сен қорани оқ дема,
Саҳроларни боғ дема.
Рост сўзламас қаламни
Дилларга ҳамроҳ дема.
Ҳақ қалам хонларга тенг.
Пок сўзи тонгларга тенг.
Сиёҳи ҳақ йўлинда
Тўкилган қонларга тенг.
Жобир шум қадам қўйиб,
Кичик юртни босибди.
Бори мардларин сўйиб,
Оқилини осибди.
Марди тугабди охир
Қон босгач элларини.
Қолган бир-икки ботир
Ютибди тилларини.
Оқиллар жим инграбди:
«Сўзимиз – гуноҳимиз!»
Без маддоҳлар куйлабди:
«Омон бўлсин шоҳимиз!»
Қонлар тўкиб ғайри шоҳ,
Олибди соз ўрнашиб.
Ўйга чўмибди ногоҳ
Охирини ўйлашиб:
-Ғайридин, деб бир куни
Қилмасми булар исён?!
Ўғил ё набирамни
Этмасми кўксини қон?!
Чиқармай эл сасини
Муте қилай, товлайин.
Ўзининг тулкисини,
Ўз ити-ла овлайин.
Пул берай – нафси бўғсин
«Юрт!» – деган ҳитобини.
Ёндирайин ўзлигин
Танитган китобини.
Зобит юртнинг аҳмоғу
Қўрқоғини терибди.
Уларга ҳовли, боғу
Пул, тўн, мансаб берибди.
Ўқ нишонга тегибди:
Улар олмиш ақчани.
Қўлтиғига тиқибди
Зарбоф тўнли бўҳчани.
Аҳмоқларнинг тўлибди
Чўнтагу кўнгиллари.
Сомеъ қулллар бўлибди
Жир битган қўй сингари.
Оқиллар жим инграбди:
«Сўзимиз – гуноҳимиз!»
Сур маддоҳлар куйлабди:
«Омон бўлсин шоҳимиз!»
Бир куни шоҳ тахтида
Иршайиб зобитона
Муте, эгик бошларга
Сўзлабди таҳдидона:
-Лутфи эҳсон олгансиз
Бизни ҳам бир қондиринг!
Чиндан содиқ эрсангиз,
Китобларни ёндиринг!
Шод бўлур қуллар роса
Кутгандай шу паллани.
Аҳд қилар: «Салла деса
Олиб келар каллани!»
Жоҳил итлар чопибди
Амал, пулу жон ширин.
Бор китобни ёқибди
Қолмабди ҳеч яширин.
Оқиллар жим инграбди:
«Сўзимиз гуноҳимиз!»
Сур маддоҳлар куйлабди:
«Омон бўлсин шоҳимиз!»
Шоҳ кайф сафо этибди,
Неча йил даврон суриб.
Ўлар чоғ сўз айтибди
Авлодларни чақириб:
-Ёт элни бошқармоқнинг
Ҳийлаи қонуни бор:
Ё очкўз ё аҳмоқни
Қилиб қўйинг амалдор.
-Ғам еманг, зй улуғ зот,
Уринтирманг ўзингиз.
Таҳсин ўқиб умрбод
Бажарармиз сўзингиз.
Элни зимдан эзаркан,
Даврон сурибди шоҳлар.
Тик бошларни узаркан
Амали бор аҳмоқлар.
Болалар ўсар – эл хор,
«Нега?!» – деган хитоб йўқ.
Ҳақ таний деса бирор
Ҳақ сўзловчи китоб йўқ.
Пул берсанг, амал, лаззат,
Одамлар ҳам сотилар.
Юрт деб нола қилган зот
Осилар ё отилар.
Оқиллар жим инграйди:
«Тилимиз – гуноҳимиз!»
Қул маддоҳлар куйлайди:
«Омон бўлсин шоҳимиз!»
Бола ўйлаб: «Ҳаёт – пул!»
Лўқ бўпти пулга кўзи.
Охир шу элдан буткул
Қутилибди ер юзи.
Бу эртакдан кейин ҳам
Ўтди қанча замонлар.
Шоҳлар битди дам-бадам
Бўлди омон омонлар.
Лек Жобирлар қайдадир
Жабр этиб баъзи юртга,
Ўзлигига ўт ёқур –
Амал берар манқуртга!
Ернинг қайси бурчида
Бемор бўлса гар юртлар.
Бил: марди йўқ ичида,
Китоб ёқар манқуртлар.
Yoz oqshomi… Ochiq havo. Atrofda chigirtkalar bir maromda ovoz chiqaradi.Har-har zamonda esgan muzday shabada terak barglarini shitirlatadi..
Katta ariqdan oqayotgan suvni salqinini aytmaysizmi.. Balki VATAN deganlari shudir?!
Ha,xuddi o’sha. Loy va somondan bunyod bo’lgan uylar, saratonda sizga hayron termulib turadigan odamlar bu.
Ular o’lguday sodda.YO’Q! Ular bola!
Hayotlari tamom mashaqqat ammo o’zlari…xullas baribir tushuntirish qiyin. Manashu mavhumlik ularga bo’lgan mehrni oshiradi.
Kech bo’lishi bilan televizor tagiga turnaqator o’tirvolishadi:chunki yoqtirgan kinolari bo’ladi!
Dunyoda o’zbek xalqi bitta.Yoki egizagi ham bormikin?
Ular uchun nimadir qilib berging keladi.Lekin nima? Nima xohlaydi ular hammasi? Mana sizga muammo.. Gap shundaki hayot ular uchun kundalik hayotlari. O’zidan so’rasang yelka qisadi.
Qo’shni hovlidan it hurgani eshitiladi.
Obbo mana senga, Chirog’am ketdi..
Bular esa bir-biriga termulib turdi-da so’ng hammasi yotishga joy solishga harakatlandi.Tushunarli.Ko’nikishgan.
Bular nima o’zi a?
(davomi bor)
Hurmatli Jahongir aka!
Televideniya sohasidagi faoliyatinginga oid savolim bor.
Rustam haqiqatdan ham o’zbek bangichilik ko’rinishi ya’ni “TV ADDICT”ni chiroyli izohlab bergan.
Siz ham asarlaringizda bunga oid tvdagi karimovning o’ziga xos “buyruqlari” majburan bajarilishi tartiblarini yoritib kelgansiz.
Hayotimda ko’rganim asosida aytadigan bo’lsam hech kim buyurmasada bu kabi ahmoqliklarni qilayotganlar anchagina.
Bugunki kunda o’zbeklar uchun tvdagi seriallar qahramonlarining hayoti ularning o’zlari va farzandlari taqdirlari hamda hayotlaridan ustun bo’lib baxs munozalari ham tv ichidan chiqmay qolganligi haqiqiy baxtimizning qoraligidir.
Siz qanday qilinsa bu kabi salbiy oqibatlardan qutulish mumkin deb o’ylaysiz?
Hurmat bilan…
Сериал филмлар икки хил бўлади. Сиёсий ва маиший мазмунда. Ўзбекистонда асосан маиший мазмундаги сериаллар кўрсатилади деб эшитаман. Битта яхши томони бор. Диктатура ва турли буҳронлар пайтида энг кўп қийинчиликни кўрадиган аёллардир. Бу нарса уларни депрессия ҳолатига туширади. Депрессия эса ўлимнинг эшиги. Сериаллар депрессия дармонларидир десам хато бўлмайди. Дунёнинг энг кўп сериаллар кўрадиган нуқталарида энг кам депрессия ҳолати кузатилар экан.Қани эди ўз ҳаёт тарзимиз ва фалсафамиз, қадриятларимизга таянган сериаллар кўпроқ бўлса. Бошқаларнинг сериалларини кўрганча ўзимиз ҳам бошқага айланиб бораверамиз.
Ҳурмат билан ЖМ
Hurmatli Jahongir aka!
Sizning javobingizdan qoniqdim.
Yordam tariqasida O’zbekistonga yordam tariqasida yuborayotgan dollarlaringiz o’zingiz istamaganingiz kabi karimov manfaatiga xizmat qilayotganligi kabi tv addict masalasida ham o’zbek xalqi nochor qolarkanda?!
Hurmat bilan KimIna.
Жобиршоҳнинг валиахтига васияти
Жобир шум қадам қўйиб,
Кичик юртни босибди.
Бори мардларин сўйиб,
Оқилини осибди.
ШУҲРАТ НЕЪМАТ
Халқинг учун чекма ғам,
Нима қилсанг – бари кам.
Чиқар доим ҳар недан
Иллат топар муттаҳам.
Юрт ғамин егувчининг
Дили ҳамиша доғдир,
Халқ ҳаққини билмаса,
Шоҳга тахти ётоғдир.
Сен замон ҳукмдори,
Шу даврон ҳукмдори.
Бер ваъда халқ кутгандай,
Бўл ёлғон ҳукмдори.
Чин подшоҳдир истаган
Одамин ўлдиролган,
Узоқ умр яшагай,
Узоғини кўролган.
Халқни ҳўрламоқ бўлсанг
Кўпайтир фоҳишасин.
Узгин ташқи оламдан
Ҳар қандайин риштасин.
Билсанг, асли аёллар
Ўрнин босар бир-бирин.
Шундай экан, йўл топиб,
Чалғит халқ эътиборин.
Меҳнатни қадрлама,
Қадрин билгин мақтовни.
Раҳбар эт лаганбардор,
Мунофиқ, кўр-асовни.
Барча қонун қўлингда,
Шундайин этки баён,
Бўйсунса ким борига,
Тополмасин бурда нон.
Фарзандларин боқолмай
Ишласинлар туну кун.
Вақт қолмасин ҳаётга
Чуқур назар солмоқ-чун.
Ҳақсизлик, машаққатдан
Нолийверса оломон.
Ўзинг ясаб муаммо,
Ҳал этиб бўл қаҳрамон.
Обрўйинг ортиб қолмас
Жангга тушганинг билан.
Душманингни йўқ қилгин,
Бошқа душманинг билан.
Ҳофиз куйласин исминг
Шоир ёзсин ашъорлар.
Ҳар қадамда осилсин.
Номинг битган шиорлар.
Ҳатто аёнларингга
Қолдирма зарра бўш вақт.
Тутиб тургин қўрқувда,
Шу ҳаётин билсин бахт.
Ўзин учун қур даврон
Бўлгин танҳо ҳукмрон.
Сени қўлламасни эт
Халқ душмани деб эълон.
Ушбу асарни «Каримовнинг кирдикорлари», «Сиам эгизаклари», «ИАК» ва бошқа китобларингизни яна бир қайта ўқиб давом эттириш ниятим бор. Мендан кейин ҳам бошқалар ўз фикрларини қўшиб боришлари мумкин. Натижада яна битта халқ оғзаки ижоди намунаси пайдо бўлади ва у халқнинг сиёсий онгини ошириб, ўзига муносиб раҳбарни ўзлари истагига қараб сайлаб олишга кичик бир омил бўлади дея умид қиламан.