Jahonnoma

24 апрел, 2001 йил

Бугун хорижда яшаётган ўзбеклар ва уларнинг мамлакатда қолган тарафдорлари  бир неча гуруҳга бўлинган:

1.Ислом Каримовга, шахс диктатурасига ашаддий қарши бўлган озчилик гуруҳи. Булар ҳамма ёмонликлар бевосита диктаторнинг шахси билан боғлиқ деган фикрга жуда қаттиқ ишонадилар ва бошқа фикрдагилар билан келиша олмайдилар.

2.Ўзбекистондаги режимнинг Каримовдан тортиб, кўча миршабига қадар барча мулозимларига қарши бўлганлар. Булар ўзларининг орасида битта вазирликни бошқарадиган одам бўлмаса ҳам бугун режимга хизмат қилаётган ҳаммани ағдариш тарафдори.

3.Ҳамма нарса биргина Ислом Каримов билан боғлиқ эмас, унинг атрофидагиларга ҳам кўп нарса боғлиқ деган бир гуруҳ. Улар ҳали диктатура нималигини ўрганишмоқда.

4.Мавжуд режимга хизмат қилган ва қилаётганларни мақтаб, улар билан алоқа ўрнатиш орқали Каримовдан кейинги режим пайтида имтиёзни кўзлаганлар – чучварани хом санаганлар гуруҳи.

5.”Мен сенга тегмайман, сен менга тегмайсан” дегувчилар-аросат гуруҳи.

7.Каримов режимига билиб-билмай ёки очиқча хизмат қиладиганлар-манфаат гуруҳи.

8.”Сиёсат-пиёсат билан ишим йўқ” дейдиганлар-аксариятчилар гуруҳи.

Булар айни пайтда демократ, ярим диний ва мутлоқ диний гуруҳлар ҳам ҳисобланиб, улар  бир-бирларини асло “ҳазм” қилолмайдилар.

Ўзаро келиша олмайдиган гуруҳларга бўлинган жамиятда диктатура узоқ яшайди.

Фақат қандайдир кор-ҳол юз бериб диктатура йиқилса ва ўрнига юмшоқроқ, демократикроқ режим келсагина бу гуруҳлар вақтинчалик бир орага келишлари мумкин, худди Совет Иттифоқининг охирги йилларида бўлгани каби.

ЖМ

Filed under: Fikrlar, Kundalik |